قالو كتبت اشعر من طيـب البـال=والاكتبت الشعرمـن علـم ثانـي
والى تمثل مثل من قـال الامثـال=وقام يتهيض فا الخفـى والبيانـي
يجمع فنون الشعر ويقـول ماقـال=ويكتب ويرسـل ويتخيـل معانـي
يرسم خياله فوق صوره وتمثـال=وخلا الحقايق كلهـا فـا الزمانـي
حقايقامافوقهـا ستـر وضــلال=تدريبها الاقصيـن قبـل المدانـي
وضع العرب مكشوف ياساترالحال=مكشوف لصحاب العقول الرزانـي
الى تميـز بيـن طيـب وبطـال=وتـدري بواقعـنـا وممانعـانـي
حنا طمعنا كـل طامـع ومحتـال=والعشر ضاعـت كلهـا وثمانـي
تلعبنـا العـدوان بيميـن وشمـال=كلاً يقول انتـه معـي يـا فلانـي
تخطيطهم واضح خبيثيين الاعمال=واضح سوات الشمس للمودمانـي
تدخلو فالديـن والحـال والمـال=وتدخلـو حتـى مابيـن العوانـي
يصورون الديـن رهبـه للجيـال=والا السعـاده كلهـا فـا الغانـي
ومناهج التوحيـد والفقـه تنشـال=وحديث يصـدر ضدهـم ميبانـي
ويزعجهم القران من طيب الفـال=ولاودهم يوحون صـوت الاذانـي
وكلمة جهاد اكبر مصيبه للانـذال=أتهزهـم لوكـان كلمـة السانـي
والحال لاتنشد عن الحال بسـوال=راح العراق وراح هـاك الكيانـي
ارض العروبه والحضاره والابطال=راحت معاد اتفيـد كثـر الامانـي
في مامضا بغداد للعـرب مدهـال=واليوم مالـه فالجزيـره مكانـي
والقدس دونه باب وجـدار وقفـال=أقفـال فالبيبـان وجـدار بانـي
ومجوده صهيون بشيوش ورجـال=وحناانصـدر كـل لليلـه بيانـي
نبحث لدرب اسلم في بحرالهـوال=وضعناوضاع القدس وسط المثاني
والمال جابوله سياسه على العـال=اسياستاً منهـا ماتنـدى اسوانـي
فبنوكهم مرصـود ماعـاد ينـزال=بموانـا وصلـو سهيـل اليمانـي
وبموانا قامت محطـات ورسـال=وحنا على ضهر الجمل والحصاني
مافيه يوم انفكـر بصنـع فنجـال=ومن عندهم نشري جميع الاوانـي
منهو يجاوب يهل العرف فالسـوال=كيف العرب ترضى بهذا الهوانـي
غير متصل
