سوق الاسهم وما ادراكما سوق الاسهم
مراسله بين الشاعر محمد بن ماضي الحقي السبيعي والشاعر ابراهيم سعد السبيعي أثنــاء هبــوط سوق الاسهم
يامحللة الخسائر بسوق الانهيار=علومني سوق الافلاس وش هي قصته
كل ماقلنا تشالى ورد الاعتبار=رد راسه للردى وانحدر في غبته
لف بالعالم خبيث النباء ثم استدار=بعد حط اموالهم كلها في ذمته
الغني مثل الفقير اصبحو طلاب ثار=يطلبونه مير من يقبضه لايفلته
بوسعد وش رائكم بعد ماحل الدمار=حسنته مع سئيته حطها في جعبته
استيشرك ياحيكم ٍِ ليامن شير شار=وانتظر شورك عساء الخير لي في جيته
تمت الابيات والحر يفزع للحرار=لاحداه الوقت ثم فيه شانت نيته
رد الشاعر ابراهيم سعد السبيعي
حسب معرفتي وفهمي بعبر بااختصار=من الشعر حكمه وانا ماابغي الا حكمته
وقبل لاقرر على الغير انا اولى بالقرار=سوق الاسهم ذا قراري واقرر تركته
يكفي اللي صار لي صار لي والنوم طار=وكل مؤمن من جحر ماتكرر لدغته
يابو ماضي بين الوقت مايخفي الستار=كل يوم يبين ماكان تخفي طيته
اتضح معاد فيها يمين ولا يسار=مشكلة سوق الخسائر ماهوب بهئيته
التحكم في يدين الهوامير الكبار=هي لبو واللي تبي من الاسامي سمته
الوضع مدروس لاشك مافوقه غبار=والكثير من الاجاويد راح اضحيته
كم وكم من راح فالغاربه جعله مجار=الله انه يعوض من راح فيها جنته
ابتعد من سوق الاسهم مامن الاسهم عمار=مابنته العام فالعام هذا هدته
سوق ٍِ اقشر يسحت المال في وضح النهار=يابوماضي شايف ٍِ خير طبه تركته
غير متصل
