ياالله ياربى عليك الشكيه = اللي لياضاقت على العبد يطلبك
يجعل لنا ولكم حبال قويه = اللي ظهر بي من جبا البير يظهرك
ياحمود أنا مالي في القول نيه = لكن أعذرني وأنا عاد أبا اعذرك
خل المعاني بيننا بالسويه = علقت عانيه وانا في مراحبك
تبا تمشيها بغصب عليه = وأنا الى ماشفت بالعين جاحدك
العلم في دوقه وحنا هنيه = من غار ترزبني ومن غار لارزبك
ان كان جات الساقيه بالبغيه = لاهي بلا مالي ولاهي بعادالك
وان كان تصمت عاد ماهي رديه = ولياك سالم والشحم فوق شاربك
ياشاخ أنا مالي ومالك دعيه = احذر تعاتبني ولاعاد أعاتبك
مافادنا غير التعب والزريه = ولااحد مشاورني ولااحد مشاورك
لوكان تبغي لك ملا اليد قليه = طردك غازوي لين بالشوف يبعدك
وانا ولو جيته مدور حذيه = الايحاربي كما هو محاربك
الصلح يجرى بيننا بالسويه = من غير تتعبني ومن غير لاتعبك
ان كان شفنا الناس في المارويه = رفع ثيابك لين تاصل مناكبك
وان كان شفناها عليهم فظيه = فالخير ياسر قبل تطلبه يطلبك
وان كان رطل العشر عود وقيه = اقنع بما عندك وثبت عواملك
واحذر من اللي خادع في الحجيه = واحذر من اللي عض غازي ينوبك
ومن وسع الخاطر تجي له فظيه= كثر من التقوى ويرزقك خالقك
ومن لاتوقع طاح جوف الهويه =بعدين ويش اللي من النار ينجدك
نحنا على سلم الذهب برمكيه= اللي يجي منها من الرزق ينفعك
وصلاة ربي عد وبل النشيه = تسقي مزارعنا وتسقي مزارعك
على شفيع الخلق خير البريه = الشافع اللي بامر ربي يشفعك
غير متصل
