منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ياالله يللي في يديك التساهيل=ولافيه شين عنك فالكون خافي
ياناصر محمد ومهلك هل الفيل=تجعل لنا من جود سترك لحافي
ومن بعد تكبيرن وحمدن وتهليل=بدعة لي قافن كما الدر صافي
سلام ياسبيع الرجال المشاكيل=اللي بطاريهم تطيب القوافي
ربعي هل الغلبا هل البن والهيل =وهل الشجاعه والنفوس الخفافي
اللي ليا صفوعلى سبق الخيل=طريحهم تبني عليه السوافي
ارماح والخرمه ورنيه بتفصيل=رجالهم لاقال بالفعل يافي
وباق الرجال ألهم معزه وتبجيل=والطيب ثوبن فوق راعيه ضافي
دارن لعكفان الشوارب مداهيل=مهيب دار اهل النفوس الضعافي
توارثوها طيب جيلن بعد جيل=يامالفو والفا عليهم ملافي
في دارهم يطربك صوت المعاميل=لاحافها الشغموم ولد السنافي
ثم صب رسلان على وزنه الكيل= فنجالهاعن ضيقت الصدرشافي
ومن بعدها تقلط على قرح الحيل=بصوانين جزله اكبارن انضافي
وقال المعزب مرحبا يارياجيل=وزود الشحم فيها عن العذركافي
وتحاضبو مثل السباع المغاليل=مجلاسهم واحد ولافيه قافي
كرامتن تعمي عيون المهابيل=عيال الرخوم مذبحين العجافي
قول وفعل ماهي سوالف تهاويل=في وسط بيتن للنشاما يشافي
بيتن زهته ام العيون المكاحيل=اللي خذة تاج الشرف والعفافي
مصيونتن عن هرجة القال والقيل=ولاحطة الصوره بوجه الغلافي
في ديرتن وسم بها جارج السيل=تمشي بها لوكان باالرجل حافي
سلأم ياسبيع الرجال المشاكيل=اللي بطاريهم تطيب القوافي
أخي الكريم الشاعر / عبيد أبو شيبه السلام عليكم ورحمة الله وبركاته وبعد : صح لسانك وسلم نبضك وبنانك وبيض الله وجهك على هالقصيدة الجميلة في سبيع بن عامر الغلباء والتي تجمع ولا تفرق جعلها الله في ميزان حسناتك يوم تلقاه يوم تبيض وجوه وتسود وجوه مع أطيب الأمنيات واسلم وسلم والسلام .
التعديل الأخير تم بواسطة خيَّال الغلباء ; 27 - 03 - 2008 الساعة 00:09
غير متصل
