أخواني الافاضل في منتديات قبيلتنا الغاليه قبيلة سبيع الغلبا ..
السلام عليكم ورحمة الله وبركاته ...................... وبعد
أطرح لكم هذه القصيدة للشاعر ذعار ابن سعد السويدي وهيا قصيده مرسله الي الشاعر منصور ابن ناصر السويدي وهي قصيده فيه من الحكم والمواعظه وهي تحكي عن الباديه وعن فوات الشباب امل ان تحوز علي رضاكم
عديت رجم طويلا تــــــــــــبرق أ صخوره = في راس مشـــــــــعاب مدهل كل قرناسي
متهيض من قصـــــــــيد راح طاـــــــبوره = وخذ الذهــــــــب منه والياقوت والماسي
وأو ميتله كود بعـــــــــــضه يعطي أنحوره = واقف علوـــــــــــمه معا قابس وقباسي
قسم خذاه المـــــــــــــــــــدير وقسم دكتوره = وأصبحت في حيره ما بين الاقواسي
ماقمت لين الرياضـــــــــــي راح جمهوره = وحصلت لي عشره أبطال وحراسي
فن كان منصور يشكي الوقت وأدهوره = قبله شكى الوقت ابن حثلين ودباسي
وأن وكان يطري القطاعه فيه مسموره = مازارني كود خط وسط قرطاسي
ياطول ماجيت راعي الخط بدوره = مانيب من صحبته فيها تجناسي
مرات حاضر ومر ا تكفي أنموره = وأن كان يجحد فنا مانيب متناسي
كم نادر في محله تلعب أنجوره = يبغي زيارات متعب كل عرماسي
وألغي لاراح قف ورتل السوره = والناس في نوم تالي الليل غطاسي
حتي تفوز بمحل تجري أنهوره = غرسه ثمين يربح كل غراسي
مابه حسايف خذينا العقد وأخصوره = كم واحد من حسدنا غظ الاضراسي
ياما خذينا من الخفرات غندوره = أنهودها بين ذاك الصدر طحاسي
وياما نزلنا خشوم العرق ممطوره = وعشب المهامل خذينا فيه مرواسي
واليوم حضر يسدد كل فاتوره = دسنا الهوايه وهي ماكان تنداسي
امين جعل المهامل تنبت أقفوره = سيله يعل الغريد وذيك الارواسي
حتي هل البر تنزل فيه مسروره= تحيا مداهيلهم لو كان دراسي
يازين لا راعي الذود مقهوره = في مرقم زاهره من خمسه اجناسي
والبيت في ربعته الارزاق مجروره = غير الشحم دافي الخلفات بطياسي
قم يانديبي علي اللي ناسع زوره = من جيش راعي الحساء ساس علي ساسي
حط الشدايد مع القربه وباكوره = ملفاك منصور كاسب كل نوماسي
قله ترى غيرنا من قلط اسبوره = يبغي يهندس قوافي اللعب هنداسي
العوهلي دلته بالكيف مسطوره = فنجالها ينشري بخماس واسداسي
وصلو علي اللي هدى والشرع دستوره = من طغمه الشرك يروي كل عباسي
غير متصل
