ياعذب العذبات

[رفيق الطيب]

مرني طيفه وطيفه صاحبي لا راح جاني
وجاب لي صوته وكلمني ونبراته حزينه

اه يا وقت قضيته راح مع سالف زماني
وقتي اللي فات من دونه وفاتتني سنينه

اه يا وقتن رماني في محبتها رماني
واه يا وقتن مضى ماجات يدي في يدينه

يقطع اللي عن مواصلها وجيتها حداني
وكب قلبي للعنا والشوق لين اظهر كنينه

ويل حالي بري حالي فيك يا اغلى الاماني
ياعذابي يا منى روحي وروحي لك رهينه

ما حدن غيرك ملك روحي ولا حرك كياني
وكن ماغيرك بشر شفته وانا وسط المدينه

اتحلى صورته فالعين وانا في مكاني
واتصفح كل صفحات الغلا بيني وبينه

ماهدا بالي بعد ما طيفها جا واحتواني
مشغلن نفسي بنفسي بين جيم وبين سينه

وكان فيه احدن قضى حاله من اسبابك يعاني
لازم انك يا اعذب العذبات مره تذكرينه

فانتظارك يحسب الساعات ويعد الثواني
ماجداه الا الونين وكل نبراته حزينه

[سمح آلمحيآ]

صح السانك يالرفيق الطيب

بالحقيقه اسجل اعجابي عليها

الله درك

[رفيق الطيب]

المشاركة الأصلية كتبت بواسطة سمح آلمحيآ

صح السانك يالرفيق الطيب

بالحقيقه اسجل اعجابي عليها

الله درك

مشكووووور اخوي سمح المحياّ
لاهنت