بسم الله الرحمن الرحيم
الاخوة الاعزاء في هذا المنتدى الشامخ بذن الله تعالى أطرح بين أيديكم هذه المراسله التي جرت بيني وبين الشاعر مفلح بن عمير الواهبي الشهراني وهو البادي ,,,,,,,
قصيدة مهداه للشاعر / الحميدي بن سعد السويدي السبيعي
يا راكبٍ من عندنا فوق صالون=توّه جديدٍ من حفيز الوكاله
آخر فخامه قيمته ربع مليون=وراعيه وصيته بنقل الرساله
يلفي على رجل ٍ له الطيب قانون=وما يكسب إلا الجود والطيب فاله
تنصى السويدي بو سعد راعي العون=والطيب فاده من جدود وخواله
من روس قوم ٍ فالصعيبات يبدون=يبدون ويسدون في كل حاله
أهل الثلاث البيض من عصر قارون=سبيع ساس الطيب ساس الشكاله
ويابو سعد قلبي من العام محزون=وأركى عليه الوقت وأتعب أرحاله
على وليفٍ حط فالقلب غليون=وقلبي بعد فرقاه زاد اشتعاله
وبين الرجاء والياس عايش ومفتون=وابن آدم ٍ ما كل ما شاف طاله
وأن قلت لي مزيون بالحيل مزيون=وأن قلت وصفه قلت محدٍ مثاله
يكفيك شوف البرق في عالي مزون=ويكفيك شوف الشهر لا أكمل هلاله
وعكش الرموش اللي بها الكحل مسحون=وسلها متين ٍ تحرج اللي عناله
وعلمي على وضح النقاء صار مصيون=أمن العبث والمصلحه والجهاله
وأنا على ما تامره صرت ممنون=وأنته من أهل الطيب وأهل الجزاله
وتطول يا راع المواجيب وتمون=والعلم وصلك وأنت راع الجماله
والله عطاك الرد لشهر كانون=واللي مثل شرواك كلن شكاله
الشاعر / مفلح بن عمير الواهبي الشهراني
قصيدة رد على الشاعر / مفلح بن عمير الواهبي الشهراني
(( أبشر بعزك ))
يا مرحبا ترحيب وافي وموزون=موزون عن درب الخطاء والعياله
بالشاعر اللي صاغ قافه على النون=يبدع جديد الهيض يوم أستواله
يبدع جديد الهيض بأفكار وفنون=شاعر وعنده للمعاني جزاله
مفلح عريب الجد والرأس دندون=دندون في وقت القسا ينعناله
من روس قوم ٍ في المواقيف يافون=رجالهم يا في وتعرف أفعاله
شهران قوم ٍ فاللقاء ما يهابون=يردون حوض الموت وقت اشتعاله
يا طيبهم في حزت الضيق يشفون=صدر الغليل اللي وحيدٍ لحاله
تاريخهم معروف من عصر هارون=كلن ذكرهم من عصور الجهاله
قلته وربعي فاللقاء ما يذلون=سبعان قوم ٍ تحتمي كل قاله
سبعان يوم الناس طاعن ومطعون=يروون حدب أسيوفهم بالصماله
وكل القبائل وافيه ما يهونون=الطيب فيهم والكرم والبساله
ويا راكب اللي يطوي الخط مصيون=أسرع من الميراج يسبق أظلاله
بنز ٍ جديد ولا شريناه بديون=أيضا ولا من قيمته لو حواله
كاش ٍ على الكبوت ما فيه عربون=حسب الطلب شاريه لهل الشكاله
من شركته شاريه باثنين مليون=وزودٍ عليها ألفين صرف العماله
آخر فخامة فيه حتى التلفزون=وأزريت بالتوصيف لا صف جماله
أبغيه للي من هوى البيض مشحون=صابه هوى الخفرات وأتعب خياله
مهديه لك يا خال وإبليس ملعون=والرجل محدٍ يعْذِره دون خاله
أبشر بعزك والطلب صار مضمون=إنكانها بالمال قلنّا سهاله
سقت المهر يا خال مهما يقولون=لو يطلبون أملاك جده بداله
وإنكانها بالسيف فالسيف مسنون=ندهن ثوى من وقفوا لك نذاله
ندهن ثوى الحساد حتى يتوبون=عن الحسد يا خال ويّا النغاله
وتصفي لك الأيام والرزق مخزون=عند الكريم اللي عظيم ٍ جلاله
وتصبح حقيقة عقب ما كانت أظنون=والعمر مهما طال ياتي زواله
والرد وصلك ما تحرّيت كانون=ومن ينتظر كانون واعزتاله
وأختامها بالمسك والعُود مقرون=من شاعر يفزع بحاله وماله
الشاعر / الحميدي بن سعد السويدي السبييعي
غير متصل
