جربت فالايام وافكاري حكن=والتجربه مافيه مثل التجربه
لخصت ماشفته ومافالقلب اكن=مدري جنون افكار والا موهبه
مير الاكيد ان القلوب اليا شكن=يلقى بها القصاد شفه وطلبه
ياصاحبي كلش بها الدنيا يكن=واللي يعيش يشوف شين يرهبه
لا تنبهر لا شفتلك جندي ركن=ولو شفتلك حاكم يخلي منصبه
كلش يصير الا عيونً مابكن=اما لفقد احباب والا مذنبه
واحسب حسابك طال عمرك من مكن=واعرف حدود المخطيه والصايبه
كلمه لها الافكار قامن وبركن=قو العزوم وسد نوب النايبه
وكان الليالي عبسن لك وحلكن=اطلب كريمن مايخيب طالبه
لاتطلب النمام تدري من يكن=بينه وبين المرسمه وجه وشبه
المرسمه يكتب وياطيبه لكن=مايكتبه راسه تقفاه اذنبه
.
حمود بن قاسي السبيعي
الا يــانــاشـــد عنــي تـراني ** بميقاف الشرف لازم تراني
من الحــقـّي تـورثنا فـخرنا ** ويبقى فخرنا طول الـزماني
مجامعـتاً لـنـا مجـداً يـشرّف ** جمـيع سبيع خطلان اليماني
غير متصل
