قصة وقصيدة

[ناجي أبوليل]

الفارس سلطان بن سعد أبوليل الصندلي السبيعي عاش في القرن الماضي في رنية وهو من الرجال المعروفين بالكرم وسأورد لكم هذه القصة له رحمه الله مع بعض رجال ارادوا اختبار كرمه في ليلة كان لايملك فيها من حطام الدنيا إلا ناقتين كانتا مضيرة على قعود وكان يحلب هاتين الناقتين لأولاده حيث كان ينزل وادي السمرية والذي يقع الان في مركز العويلة التابع لمحافظة رنية وفي هذا الوادي تقع بئر السمرية الاثرية والتي تعود ملكيتها للآل برود من الصنادلة, وقد أراد هؤلاء الرجال كما قلت اختبار كرم سلطان أبوليل حيث وصلوا إلى منزله وقت الغروب فقام دون تردد بذبح قعوده لضيوفه حيث عتب بعضهم لماذا تذبح قعودك وانت ماعندك غيره فقال لهم : كرامتكم عندي أهم من كل شئ.
وقد أورد الشاعر / عايش بن هاضل أبوليل الصندلي السبيعي هذه القصة في قصيدة رائعة انقلها لكم :

ياهل الوفا للهرج لا قيل ميزان
يختل لامنه تعدى حدوده
المرجلة ماهيب تشرى بالأثمان
والطيب يارثه الفتى من جدوده
الطيب ماينسى على طول الأزمان
عد(ن) كريمين النشاما تروده
أهل الكرم والمرجلة مثل سلطان
اللي لضيف البيت يذبح قعوده
يستاهل البيضا سلايل كحيلان
رجل (ن)بعسر الوقت ماقل جوده
سوا سوات الطيب قول(ن) بثبتان
فعل الصحيح وحاضرين(ن) شهوده
يشهد على فعله شباب وشيبان
يوم المراجل والعلوم محدوده
ماهوب يسمع هرجة فلان وفلان
راعي جميل(ن) عند ربي ردوده
للخير بيبان(ن)وللشر بيبان
ونفس البنادم لاحداها تقوده
وصلاة ربي عد ماهل ودان
على رسول(ن)صادق(ن)في وعوده

[خالد الشماسي]

رحم الله الفارس سلطان بن سعد أبوليل الصندلي السبيعي


والله والف نعم


شكرا يا ناجي ونتمنى اضافة المزيد عن فرسان القبيلة


لا هنت

[ناجي أبوليل]

تحياتي لك أخوي خالد الشماسي
وأشكر لك مرورك العذب
ولاعليك زود فيما قلت

[ابن اوهطاان]

مايحتاج تذكرنا بكرم الصنادلة
والمعروف انهم من اسخا واكرم قبائل سبيع((بالفطرة))

[كليب]

مشكور وما قصرت والله لا يهينك

[خيال الصفراء]

الله يرحم الفارس سلطان بن سعد الصنادله والله يسكنه فسيح جناته

وبيض الله وجهك على هذ1 النقل الرائع ولا هنت ياستاذ ناجي أبو ليل

وجعل وادي السمريه السيل وجعل بلاد المسلمين بالخير...

تقبل تحياتي ـ أخوك / خيال الصفراء

[ناجي أبوليل]

ماعليك زود اخوي ابن وهطان

وأشكرك على مرورك العذب

وتقبل تحياتي

[ناجي أبوليل]

الأخ كليب شاكر لك مرورك وتقبل خالص الود

[ناجي أبوليل]

اخوي الفاضل / خيال الصفراء

تحياتي لك وأشكرك على هذا الإطراء الجميل .

لك تحياتي

.

[خيَّال الغلباء]

جزاك الله خيرا