منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه القصيده السابقه التي كانت في موضوع مستقل بعنوان ( ان بعض الظن اثم )
ترانا وسط عدوان ورفاقه = ولا ندري عن أشكال الصداقه
بعضهم لو ضحك لك او تبسم = يخبي من ورى ضحكه نفاقه
ليا شكيت في زلة رفيقك = يجيه الشك من قطع العلاقه
يقول الله في محكم كتابه = كثير الظن كبه والحماقه
توقع في بعضه ولا تسرع = ترى الانسان محدود (ن) نطاقه
وقال الله للمؤمن تركد = إذا جاب الخبر قطـّاع ساقه
تثبت لاتصيب الناس ظلماً = فتصبح للندم مافيك طاقه
وانا ماقلت لك اني معصومي = عن إجلال الخطاء ولا دقاقه
إذا مني خطاء منك السموحه = ولك مني من الازهار باقه
واذا كان الحكي والشك سبه = فلا عندي على الاعذار فاقه
ترى المخلوق مخلوق(ن) لربه = كفيل برحمته لالتف ساقه
كثير الناس مالي في حاجه = ولا لي عندهم حاشي وناقه
انا ماقطع على المقفي طريقه = ولو كان إنه أعز الرفاقه
ولقد قام الشيخ / ساير بن عبدالله بن عنيبر الجعيد بعد سماعها بمجاراتها
بالقصيده التاليه التي جعل من مجاراته لقصيدتي وسام فخر لي اعلقه على صدري .
تهيض خاطري والقاف شاقه = على قاف الذي قافه شفاقه
اذا غاص البحور اللي عميقه = يجب الدر من غبة زراقه
تشوف البيت مرفوع(ن) ومبني = على المعنى ومشدود (ن) رواقه
خبير(ن) فالمعاني والمثايل = يجب الفتل والنقض ووثاقه
يضمن في كلامه زين معنى = من التنزيل يازين اشتياقه
ومن يقرا بيوته ويتمعن = جزال مايجي فيها رقاقه
انا اشهد لاسمعته اني اطرب = طرب للعرف والجزل وحذاقه
لأنه كفو في قوله وفعله = صفات المرجله جاته إعشاقه
عريب (ن) من رجال(ن) قد تسلسل = لهم بالمجد تاريخ وعراقه
ابا ارسل له تحيه من ضميري = عدد ماناض صبح (ن) بإنشراقه
صليب الراي مسعود الحويزي = ليا عمست على راع الطفاقه
وسلامتكم .
.
..
.
التعديل الأخير تم بواسطة مسعود الحويزي ; 02 - 05 - 2007 الساعة 21:33
أبوفهــــد
صح لسااانك مليون
وصح لسان الشاعر ساير بن عبدالله بن الجعيد
قصيده جميله جداا جداا ومجاراااه لاتقل جمالااا عن سابقتها
قصيده أعجبتني للغايه لأنها صيد ثمين وهاهو يثبت الشيخ ساير
أنها حازت على إعجاب الكثير من عشاق الشعر شكراا لك أبوفهد
وشكراا للجعيد على هذا الإحساس الجميل
صادق مجبتي لكم
غير متصل
