تعال يافالح (ابوبندر)

[أبوعطفه]

الليله الكزس على فالح يدور 00 اما صدمه الجيب والا يصدمه
الجيب سواقه مربي له شعور 00 ميل عقاله والشنب غطى فمه

[شحيفان بن ملفي]

الله الله


وينك يابو بندر

[فـــالح السبيعي]

المشاركة الأصلية كتبت بواسطة أبوعطفه

الليله الكزس على فالح يدور 00 اما صدمه الجيب والا يصدمه
الجيب سواقه مربي له شعور 00 ميل عقاله والشنب غطى فمه

ههههههههه الله يسعدك يابوعطفه

وإسلوبك ماهو غريب علي .. وإستلم

اللكزس اللي يعترض قدم النحور=يحذر من المورسدس يعّدم مقدمه
الجيب سواقه يابوعطفه يخور=وإن شافني في الدرب عود لغنمه

[الحرألأبيض]

سلام يافالح مراقب منتدنا = عد النجوم وعد ماتذري الهبايب
راعى التميز فيك يامنتدنا= يرفعله التقدير منى بترحيب

[أبوعطفه]

الكزس اللي لوحته صفرين فور 00 ماظني المورسدس يقدر يعدمه
الجيب سواقه من عيال الصقور 00 الموت الاحمر شايله في محزمه

[فتى العزه]

الله الله

صح لسانك

يبوعطفه

و

يبوبندر


واصلوا

[ربح السبيعي]

ابوعطفه وابوبندر


صحت السنتكم


على هالبدايه الرائعه والمشوقه


واصلو وانا متابعين

[فـــالح السبيعي]

المشاركة الأصلية كتبت بواسطة أبوعطفه

الكزس اللي لوحته صفرين فور 00 ماظني المورسدس يقدر يعدمه
الجيب سواقه من عيال الصقور 00 الموت الاحمر شايله في محزمه

والله إنك شاعر شاعر ممتاز يابوعطفه
والله يعيني عليك هههههه

أناتل المورسدس مثل قرون ثور=وإليا صدم جيبك غدى الجيب فحمه
ياهيه ما أحدٍ يعترض قدام مور=الموت فالك لو ربطت الأحزمه

[فـــالح السبيعي]

شحيفان بن ملفي
الحر الأبيض
فتى العزه
ربح السبيعي

حياكم الله ومروركم له رونق خاص

لاهنتوا

[أبو يزيد]

أبك أبك أبك

لكزس ومورسدس وجيب وحط ابوك شل ابوك

ووين المرور عن الحوادث ههههههههه

دقوا على الهلال الاحمر الحادث ذا اكيد بيجي فيه أصابات


أبوعطفـــه ..............فالح السبيعي

رائعيييييييييييين يابعدي


متابع بقوه,,,,