Untitled 1
 
  تريد فيو (اخر مشاركة : ارينسن - عددالردود : 0 - عددالزوار : 364 )           »          كيفية شراء الاسهم الامريكية الحلال (اخر مشاركة : ارينسن - عددالردود : 0 - عددالزوار : 463 )           »          افضل شركة توزع أرباح في السوق السعودي (اخر مشاركة : ارينسن - عددالردود : 0 - عددالزوار : 601 )           »          حساب سعر الصرف (اخر مشاركة : ارينسن - عددالردود : 0 - عددالزوار : 810 )           »          قصيدة رثاء في حمد الحضبي السبيعي (اخر مشاركة : عبدالله الحضبي - عددالردود : 0 - عددالزوار : 700 )           »          قمصان نوم تركي (اخر مشاركة : ارينسن - عددالردود : 0 - عددالزوار : 606 )           »          فستان مناسبات (اخر مشاركة : ارينسن - عددالردود : 0 - عددالزوار : 626 )           »          جلابيات مغربية (اخر مشاركة : ارينسن - عددالردود : 0 - عددالزوار : 643 )           »          ايشارب حرير (اخر مشاركة : ارينسن - عددالردود : 0 - عددالزوار : 559 )           »          رسوم الحساب الاستثماري في تداول الراجحي (اخر مشاركة : ارينسن - عددالردود : 0 - عددالزوار : 974 )           »         
 

 
العودة   منتديات سبيع الغلباء > المنتديات الأدبية > منتدى الشعر الشعبي والنبطي ( شعراء الشبكة )
 

منتدى الشعر الشعبي والنبطي ( شعراء الشبكة ) قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات


مراسله بيني وبين الشاعر الكبير/غازي بن عــون

قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات


إضافة رد
 
أدوات الموضوع
 
غير متصل
 رقم المشاركة : ( 1 )
علي ربح السبيعي
عضو
رقم العضوية : 11820
تاريخ التسجيل : 26 - 01 - 2007
الدولة : ذكر
العمر :
الجنس :
مكان الإقامة :
عدد المشاركات : 26 [+]
آخر تواجد : [+]
عدد النقاط : 11
قوة الترشيح : علي ربح السبيعي is on a distinguished road
الأوسمـة
بيانات الإتصال
آخر المواضيع

التوقيت
مراسله بيني وبين الشاعر الكبير/غازي بن عــون

كُتب : [ 11 - 02 - 2007 ]

هذي قصيده موجهه للشاعر الكبير/غازي بن دخيل الله بن عون العتيبي



بخلق القلم حكمة عظيمٍ له التعظيم=قبل مبتدي بكتابته قلت بسم الله
بعدها بديت كتابة النظم بالتنظيم=ولو كان يجهد ناظمه ماظمنت اخطاه
نديبي على إللي منتهى قمة التفخيم=على صنعةٍ يفخر بها صانعاً سواه
من احدث طراز التقنيه واحدث التصميم=تميز بقوة عزم مع سكبةٍ تزهاه
مقسم قزوزه والتوانك على تقسيم=احدهن تعبابه مئة لتر ماتملاه
جداد المفاصل فيه ماتقبل التشحيم=ملياً مشاحمها شحم نفط ومغطاه
وليم بل كلنتن للعمل صدر التعميم=على مجلس أعضا الكنقرس وايدوه اعضاه
يساند قوى التنفيذ بالعزم والتدعيم=لتشجيع مخترعيه ومصممين اجزاه
أي سي ديلكو جي ام ماحط به ترهيم=ينافس صناع طوكيو مخترع مبداه
ولادخلوه ايعادة الصنع والترميم=نحرت الوكاله ساعة اني نويت شراه
سائلت الخواجه قال هالوه وتزيورنيم=هاوريو ولامعرف كلامه ولامعناه
وقلت اله انا ماني بفي مدرسة تعليم=ابي للسفر موتر يسهل علي اعباه
فهم بالاشاره كن ماينقصه تفهيم =واشرلي على نوع سبشل جمس قلت ابغاه
عطيته فلوسه كاش بالعد والتسليم=وسلمني مفاتيحه وكنه علي اهداه
ركبته وشغلته ولاكل شياً تيم=تؤشر انبارته وسيره يجر عواه
فتحت الاديترماه ما ينقصه مليم=خالفته وللشكمان خلفه يبخخ ماه
توقعت يمكن جاه من ماطر الله ديم=لاشوف السماء يمطر ولدري وش اللي جاه
سألت المهندس قال صاف من التكتيم=تفاعل بخار محركه واللهب جواه
لهب غرفت التفجير منه القزوزجحيم=عماره بخار ونار صلب الحديد ازياه
تدق اصطواناته وهي مابها تنسيم=ترادع وكنه هدر هرشٍ كبير لهاه
وكنه يكلمني ولو ماحصل تكليم=لكني بخيص فيه من سابقٍ حلياه
يقول انقل التعشيق وادعس على البنزيم=وامشيك في ساحة ربوع الوطن وارجاه
تحركت فوق اللي ركوبه يزيل الظيم=يزيل الهموم ويشرح الصدر في ممشاه
نزل طلعة القدي محرك من النسيم=وحداه السريع يسارعن منطقة مراه
ليا اعطا الخطوط المسرعه مايبي القديم=طوا الخط طي مصدرٍ طاوياً لرشاه
تبعد همومي لاتعدا خبيب الريم=وتنحى بخطه مثل سيلٍ على منحاه
ثلاث من الساعت للمشي بالتوقيم=لهو مجنبٍ من ظلم ومعقبه وراه
لاطر شعفين يمين واقبل على ظليم=تيامن جنوبٍ غرب واشرف على الوطاه
ذكرت الطريق منين ومرسمٍ ترسيم=ومن يوم سيرته وانا عارفٍ ملفاه
ملافيه شغممومٍ بحي الوطاه مقيم =صبي الوفاء غازي لعل الرخوم فداه
عسى الشايب اللي عقبه جنة النعيم=برفقة بني صامل وتقديرهم وصاه
نزل مع هل الحشمه ومنهم لقا التحشيم=عوايد مدلهة الخوي للقصير أحماه
وعلى اسمه رويسي اصل للطايلات زعيم=وعلى مستوا قدره بروس القمم مرقاه
ابن عون له ذكرٍ غنيٍ عن التقديم=يعرفونه أهل العرف في اقصى الوطن وادناه
فتى المعرفه في هندسة ذوق نقد افهيم=إلطيف اكترو مغنيطي الفكر دكتوراه
ليا زل عن مفهوم ناسٍ تبي تحجيم=يحسبون رائد مبهم النظم ماوفاه
مدا بعد والغازٍ تخل الفطين بهيم=على منهجه من سرح الفكر ماضواه
لزم فيلسوف الشعر بالمنهج السليم=حكيم استشاري معرفه يقتدا بارياه
لون الحكم تعرض على لجنة التحكيم=تميز وميزة شاعرالوصف بمسماه
ولوصار للي يفعلون الكرم تقييم=اخذ مركزٍ راقي بما قدمت يمناه
ومع ذا كريم اخلاق ومشببٍ حكيم=أمين بعمل دينه وامين بعمل دنياه
عزمني وواعدته وفي دعوته تلزيم=وسافرت ماجيته وانا ملزمٍ برضاه
لزومٍ علي زيارة الغالي الحشيم=محله نزوره قبل وان مهلت زرناه
اخوي الصديق الوافي المخلص الحميم=حدتني ظروف الوقت عن جلستي واياه
وانا مكسبي لرضاه لي غاية التكريم=عسى يقبل المعذار والوضع مايخفاه
وبشكي عليه اسباب ماسبب التحطيم=لمعلوق قلبٍ هزه الشوق لين اعياه
ظروف الزمان القاسيه كيها ترقيم=مجود على كبدي بمرقاع ومعرقاه
جداد الهجوس اللي تخل الضماير هيم=ولاينكني مابي لوني بغيت اكناه
انا غربتي ساعه تذوقني التغريم=تصعب دواي لداي واداء رهين دواه
فلا يقتل العله ويقضي على الانزيم=يقع مسكني ديرة رجال الكرم والجاه
ولدري متى يعلن بتقسيم حرف الميم=لقتل الهموم اللي على عاتقي ملقاه
وتمت وصلى الله علىالمصطفى تسليم =وخير الختام لباقة الورد ذكر الله




ورد علي الشاعر /غازي بهذي القصيده



هلا بالرساله عدد ماهل وبل الغيم=وعدد ما تكاشف بارق الصيف في منشاه
وعدد ماورد فالمصحف الحل والتحريم=وعدد مالعى الورق وعدد ماسجع يغناه
وعدد نسل ذريت إسماعيل وإبراهيم =وعدد من رفع طرفه لربه ومن ناجاه
وعدد من سجد من جال زمزم اليا الحطيم=وعدد من تزاحم في مطافه وفي مسعاه
برسول مشى من بين الاسكان والنظيم=وحط القواعيه ومزعل على يسراه
طريقه يحط مراه والجمش والقصيم=ويحط البجاديه وعروى على يمناه
لفاني رسوله عقب ماصلوا العتيم =وعطاني رسالت طيب الخيم من مخباه
وفتحت الخطاب إلى لفا من كريم الخيم=وجا الفجر وانا اطبقه وفتحه واقراه
وحصلت فيه من الخوندات خودٍ هيم=بها زينهن يا علي مبطين ماشفناه
من السحر في خدراتهن يا علي تطعيم=وكمن حسنهن فالصدر والعجز والمثناه
اضنه نهار يوزع الشعر والتقسيم=من أعلى المجازي على بن ربح اخذ مجزاه
ويا علي فالشعار عدٍ يشادي ديم=ولو يكثرون الورد ما يلحقون اقصاه
ولو يزحمه طرش الظفير وبلي وهتيم=وشمر وحرب بطرشهم ما يغيض ماه
ويا علي فالشعار رسٍ على التجميم=ليا ورده الظميان صدر وهو مارواه
ياكم مضمين ورد وصدر من جباه محيم=قليل الروا ورده يعرضهم المضماه
وكم شاعرٍ يبغى البلاغه وهو غشيم =يبي منهج إللي يدركون الهدف وخطاه
وقليل الجدى لو يجتهد صار مثل شريم=يبا يطوع صعاب المثايل وهي تعصاه
وبه سادةٍ عوبه تخزم لهم تخزيم =فلاسفت ادب عباقره ملهمين دهاه
يبصم بباهيم الآنامل لهم تبصيم=فرض شعرهم نفسه من اقصى الوطن لدناه
وبعض الشعر راعيه لو يجلبه ماسيم=مجرد خرافاتٍ من الغرب مستوحاه
وادبنا ترى غزو الحداثه عليه وخيم=ليدخل عليه خرافتٍ غيرة مبداه
وغزو الحداثه صوب الشعر فالصميم=جرى سمها مجرى اكسيجين الجسد ودماه
من الناس من لغم حصون الادب تلغيم=عقب عجز لا يدخل من الفقر في مبناه
عقب عجز يبدع فيه جازاه بالتشتيم=وصادق خرافات الحداثه وهو عاداه
يعادي سمان القيل ويصاحب الهليم=كلامٍِ لهوب من القصيد ولاهوب حجاه
يحب الحداثه ويعشق وجهها الذميم=ولوهو عرف مساوي الشعر من حسناه
ماعادا الاصيل ولا كره وجهه الوسيم=ولاصاحب الي لون وجهه مثل قفاه
وحزب الحداثه كان يكتب عنه تعميم=ويحكم عليه بجلد وبسجن ومجازاه
جزٍ للعقوق الباير المعتد الاثيم=عقب خان موروث العرب نعنبو مجناه
ومورثنا احد ٍغافلٍ عنه وحدٍ نيم=وهويشتكى من حيف وقته وبطش عداه
هل الفكر ناموا عنه نومت هل الرقيم=تقول انهم صقهان مايسمعون نداه
وهو يشتكى لله من حاله السقيم=ولاشاعرٍ ميت ولاحي مانخاه
ولوسمعه امر القيس والنابغه ماضيم=ولا طمعوا الاتذال في دشتٍ ٍبحماه
ادبنا يبيله عن جراثيمهم تعقيم=ليا عاش فيروس الوبى تنتشر عدواه
وعقب مالفاني من علي مدحه العديم=تحيرت في راع المعاريف كيف اجزاه
وحاولت اجار السين ياهل الوفا بالجيم=ولو هوسواله عن جوابي تطول خطاه
اقل العطايا خابره يقنع اليتيم=لاكن الغني لهداك هدون يبي شرواه
وراع المثل يقول فالماضي القديم=ترا من يمد كراب كفه يريد ملاه
علي راكبله فوق عملية هميم=تذب الخرايم والسهل والوعر تاطاه
وجمع في سبوع رعيتٍ كثر ظين نعيم=تبذ الخفى وتعني الي تبي تنصاه
جنبها يعشي يم حوطت بني تميم=ومقهورها في روضت خريم والتنهاه
وانا عقب ميصال الهديه من النديم=ترتب على مواكب الصوغه المهداه
وتعنيت في تجميع شرد تبي تلييم=اجمع بقايا الشرد الي على خلاه
رقاب البكار الي لفتني تبي توسيم=ويبي كل صدر وعجز تحليل ومجاراه
بجاوب على المعرب واجاوب على التعجيم=سوال الوفي لازم جوابي يجي حلياه
ورى يابن مصلح يوم ينشدك مسترديم=عن اسمك وحالك ماتحاكيت مثل حكاه
وقلت لعدو الدين قله هلا يادليم =مترجم لغتكم معجمه قد تعلمناه
وجبت السوال وقلتله يا علي ماي نيم=علي ربح فاين ثنكيو يفهمه لاوحاه
وبه جملتٍ خلا عليها علي تعتيم=والوانه اقدى بين العلم ماخباه
ولاكني أبمشي على الهجس والتوهيم =وعساني ليا دورت درب الصواب القاه
ولقح من هجوسي هاجسٍ مبطين عقيم =وتمحض عقب ما فاجئه علي بمفاجأه
وصخر بيوت نافره لين صارت ريم=مرد على الي يشتكي حيف ومعاناه
يقول الفواد موشمٍ بالكوي توشيم=وانا ظن ما جا قيس من حب ليلاجاه
من الهم في صدره مثل كهرب التلحيم=يتوجد وجود بن الملوح على ليلاه
يتوجد على دارٍ طلع غرسها هضيم=وراع الوطن لو ينتحي عنه ماينساه
وبعض العرب ياعلي رجلٍ بقلب بهيم=يفلي بدارٍ يسكنه مثل مفلا الشاه
مثل مايفل الثور فالتبن والبرسيم=ليا حصل الما والكلا غايته ومناه
كما الثور جسمه من كبار الصحون ضخيم=ولا قام حب اهل الوطن والوطن يبراه
ولا شوقه ممشاً ليا ذعذع النسيم =بمد هال رجله يوم عمره بعز صباه
واظنك تبى ياعلي فرقا مضوف ثليم=غليلٍ على المربا وكلٍ يبي مرباه
ومن هام في حب الوطن والاهل ماليم =شفوق على دارٍ ودارٍ يبي فرقاه
تبا الديره الي بين ربدا وبين بريم=على جال وادٍ من طمع فيه ماخلاه
ولاكن دونه لابتٍٍ تيتم الفطيم=عن اوطانها حديدها بالقنا تنحاه
ياكم نزحوعن مدهل الشول من غريم=وعود عنه عايف عقب ما غزي يبغاه
رجع من فعايل ماجد وهاجد ال غنيم=وتمذه سهاف الشول ياعلي في مشهاه
وبا فهمك لو انك غنين عن التفهيم=وباالعذر منك اليا بذلت الجهد والجاه
وعذرك وحسن اسلوبك يقنع الخصيم=وانا العذر منك اقدره واقبله ورضاه
وتم الجواب الي بنيناه والتختيم=بذكر الكريم الي براياه في رجواه
وعلى المصطفى زاك الصلاوات والتسليم=رسول دعانا للهدايه وجاوبناه



التعديل الأخير تم بواسطة علي ربح السبيعي ; 12 - 02 - 2007 الساعة 00:04
رد مع اقتباس
 
 
غير متصل
 رقم المشاركة : ( 2 )
فـــالح السبيعي
وسام التميز
رقم العضوية : 9158
تاريخ التسجيل : 14 - 08 - 2006
الدولة :
العمر :
الجنس :
مكان الإقامة :
عدد المشاركات : 3,325 [+]
آخر تواجد : [+]
عدد النقاط : 28
قوة الترشيح : فـــالح السبيعي is on a distinguished road
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 11 - 02 - 2007 ]

إذا تكلم عمالقة الشعر

لانملك إلا كلمات الإعجاب والإطراء ولاتكفيهم

صح لسانك علي بن ربح وصح لسان غازي بن دخيل الله

دمتم للغالين ولمتذوقي الشعر وللساحه الشعريه

لكم أطيب تحيه

رد مع اقتباس
 
 
غير متصل
 رقم المشاركة : ( 3 )
طويق
عضو مميز
رقم العضوية : 171
تاريخ التسجيل : 09 - 05 - 2003
الدولة :
العمر : 46
الجنس :
مكان الإقامة :
عدد المشاركات : 809 [+]
آخر تواجد : [+]
عدد النقاط : 10
قوة الترشيح : طويق is on a distinguished road
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 11 - 02 - 2007 ]

علي بن ربح

بيض الله وجهك قصيدك طيب وأنت أطيب
شرفتني بسماعها منك وتشرفت بمروري عليها
من خلال المنتدى ول إنها أجهدتني شوي ولكن تستاهل
القصيدة وراعيها

تحاياي

رد مع اقتباس
 
 
غير متصل
 رقم المشاركة : ( 4 )
طويق
عضو مميز
رقم العضوية : 171
تاريخ التسجيل : 09 - 05 - 2003
الدولة :
العمر : 46
الجنس :
مكان الإقامة :
عدد المشاركات : 809 [+]
آخر تواجد : [+]
عدد النقاط : 10
قوة الترشيح : طويق is on a distinguished road
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 11 - 02 - 2007 ]

ولا أنسى أن أقول

صح لسان الشاعر غازي بن عون
شاعر غني عن التعريف

تحاياي

رد مع اقتباس
 
 
غير متصل
 رقم المشاركة : ( 5 )
مصلح ربح
عضو مميز
رقم العضوية : 6053
تاريخ التسجيل : 22 - 02 - 2006
الدولة :
العمر :
الجنس :
مكان الإقامة :
عدد المشاركات : 1,314 [+]
آخر تواجد : [+]
عدد النقاط : 10
قوة الترشيح : مصلح ربح is on a distinguished road
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 11 - 02 - 2007 ]


رد مع اقتباس
 
 
غير متصل
 رقم المشاركة : ( 6 )
اللفياني
عضو نشط
رقم العضوية : 11023
تاريخ التسجيل : 17 - 12 - 2006
الدولة :
العمر :
الجنس :
مكان الإقامة :
عدد المشاركات : 47 [+]
آخر تواجد : [+]
عدد النقاط : 10
قوة الترشيح : اللفياني is on a distinguished road
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 12 - 02 - 2007 ]

إذا تكلم عمالقة الشعر

لانملك إلا كلمات الإعجاب والإطراء ولاتكفيهم

صح لسانك علي بن ربح وصح لسان غازي بن دخيل الله

دمتم للغالين ولمتذوقي الشعر وللساحه الشعريه

لكم أطيب تحيه
اللهم صل على محمد وعلى آله وصحبه أجمعين

رد مع اقتباس
 
 
غير متصل
 رقم المشاركة : ( 7 )
فتى العزه
عضو هـام
رقم العضوية : 3590
تاريخ التسجيل : 16 - 07 - 2005
الدولة :
العمر :
الجنس :
مكان الإقامة :
عدد المشاركات : 387 [+]
آخر تواجد : [+]
عدد النقاط : 24
قوة الترشيح : فتى العزه is on a distinguished road
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 13 - 02 - 2007 ]

صح لسانك يبن ربح
ولسان بن عون

رد مع اقتباس
 
 
غير متصل
 رقم المشاركة : ( 8 )
ابن باتل
عضو فعال
رقم العضوية : 11644
تاريخ التسجيل : 17 - 01 - 2007
الدولة :
العمر :
الجنس :
مكان الإقامة :
عدد المشاركات : 126 [+]
آخر تواجد : [+]
عدد النقاط : 10
قوة الترشيح : ابن باتل is on a distinguished road
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 13 - 02 - 2007 ]

بيض الله وجهك يابو عبدالله

قصائد رائعة من شعراء كبار

فالحقيقة انت مكسب للمنتدى والمنتدى محضوض بانتسابك له

صح لسانك ولسان الشاعر غازي

سبحان الله وبحمده عدد خلقه ورضا
نفسه وزنة عرشه ومداد كلماته


على الرابط ديوان الشاعر شباب بن باتل رحمه الله
http://www.sobe3.com/diwan2/members.php?diwan=45
رد مع اقتباس
 
 
غير متصل
 رقم المشاركة : ( 9 )
ابومحمد العريني
عضو فعال
رقم العضوية : 7381
تاريخ التسجيل : 11 - 05 - 2006
الدولة :
العمر :
الجنس :
مكان الإقامة :
عدد المشاركات : 140 [+]
آخر تواجد : [+]
عدد النقاط : 10
قوة الترشيح : ابومحمد العريني is on a distinguished road
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 15 - 02 - 2007 ]

صح لسانك ياعلي

وصح لسان غازي

شعراء كبار ابيات من ماء الذهب

بسم الله ابداء واعلن بكل الابيات=اني عريني من سلالة فهودي
ربعي سبيع أهل الوفاء والحميات=وأهل الكرم والجود ناسٍ شهودي
ياعيال عمي مني أعذب تحيات=أزفها وتفوح مسكاااا وعودي.
ربي حفظكم مثل حفظ السموات=مال الوفى والطيب فيكم حدودي

لسواليف والدردشه ادخل هنا

bb-1-dd@hotmail.com
رد مع اقتباس
 
 
غير متصل
 رقم المشاركة : ( 10 )
خالد الشماسي
إدارة المنتديات
رقم العضوية : 1
تاريخ التسجيل : 11 - 04 - 2003
الدولة :
العمر :
الجنس :
مكان الإقامة : منتديات سبيع
عدد المشاركات : 11,812 [+]
آخر تواجد : [+]
عدد النقاط : 51
قوة الترشيح : خالد الشماسي will become famous soon enough
الأوسمـة
بيانات الإتصال
آخر المواضيع

التوقيت
رد : مراسله بيني وبين الشاعر الكبير/غازي بن عــون

كُتب : [ 15 - 02 - 2007 ]

صح لسانك أخي على بن ربح قصيدة راااااااااائعة

وصح لسان غازي بن عون على رده الوافي



دائما في المراسلات بين الكبار تجد الجزالة والرصد الجيد للمعاني



لا هنت

رد مع اقتباس
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة الشاعر الكبير / غازي بن عون في مدح قبيلة سبيع الغلباء البدر منتــــدى القصائـــــد المنقولــه 26 03 - 12 - 2011 11:49
جديد الشاعر الكبير / سعد بن جدلان خالد الشماسي منتــــدى القصائـــــد المنقولــه 26 05 - 07 - 2011 13:40
وفاة الشاعر الكبير محسن بن علي القريشي بهيشان القريشي منتدى الأخبار 22 02 - 12 - 2006 18:42
مراسلة بيني وبين الشاعر / دلمخ بن مشعي السبيعي الحميدي السويدي منتدى الشعر الشعبي والنبطي ( شعراء الشبكة ) 9 25 - 02 - 2005 01:26
الشاعر الكبير حمر عين مطلوب في محاوره مفتوحه المسالم منتدى المحاورة والعرضة 2 31 - 03 - 2004 19:07


الساعة الآن 18:14.


Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها