تعال ياحمود

[ابو زيد الهلالي]

الا يالمسالم ريح وخل عنك حمود= كويته وانا بكويه والنار وقادة
خذينا شدادٍ (ن) مرثه له حياة العود= ولو انه كفو والله مايوخذ شدادة

[حمود الحقي]

الا يالمسـالم ريح وعلــــم المقــرود *** انا خصــــمه الدايم وبكــــويه بزناده

مدامك تخفى خابرٍ فاسمكم منقود *** لو انك كفو علمت بسمك ومسناده

[ابو زيد الهلالي]

خصيمي ليا جيته وصل يومه الموعود=وكان ابه احد ينجيك من موقفك ناده
لاصار الذهب في خزنة المشتري موجود= وش يدخلك في اسمه وتاريخ ميلاده

[حمود الحقي]

انا فالموقف نجدتي سيفي المحدود *** وهالحين جيت وطاب لسيف ميراده

كذا كيف اباعاملك وانته بدون جدود *** ترا الاش مانقرب شرابه ولا زاده

[ابو زيد الهلالي]

اعيد لياشفتك وعيدي عساه يعود=وساهر كشف نورة على المسرع وصاده
اسباع الخلا واجد وتبقى الاسود اسود=وهرج الردي لاشك ينقصه مازاده

[حمود الحقي]

ياكثـــر العيـاد ابشرك والـــبرا مــردود *** وساهر يصيدك لو معك رخصة قياده

نصيبك عثر مير احتزم وابذل المجهود *** ولـــو طال زرع القــاع لزرع حصـاده

[ابو زيد الهلالي]

حمود اتعين له لاهبت هبوب النود=قضى العمر طرقي مااحدِ يعرف بلاده
ترى اول عثوره يوم ضوى قليل الفود= لاكن في الحقيقةماوصل غاية مراده

[ابو زيد الهلالي]

صح لسانك ياحمود والله انك استاذ في الشعر وقبل الشعر المرجله
وفرصة سعيدة اني التقيتك هنا ولاعادني بمتعودها

تصبح ع خير الفجر يذن عندنا في الرياض ولا فيه وقت نكمل

[حمود الحقي]

معرب جدود ولي وطن والرجال شهود *** لاكن انت مابين اشقر البن وقناده

الا يالهلالي تخلط علوم بيـــض وسود *** تنبــــه وبــرقّ زين والنـــاس نقـــاد

[حمود الحقي]

صح بدنك .... وماعليك زود فالشعر وفالمرجله0

والحقيقه اني استمتعت والمحاوره مالها طعم اذا ماكان فيها

قوه فتل ونقض 0

لاكن فرصه سعيدة وانتقابل على خير انشا الله0

وتصبح على خير,,,,