الحنان والمحيط الخامس

[السبع الحر]

ابتـدي بالشكـر لله مــن عـبـد شـكـور = وانتهي بازكى صلاتي علـى الهـادي الاميـن
لا تواطـى مـع محابـي ولا غطـاط نــور = ولاني بشيطان اخـرص عـن الحـق المبيـن
ذمتي ماهـي بربـداء علـى الزلـه جسـور = يرحم الله من ورثلـي ريـاض الصـا لحيـن
في الكلام ازكى المعانـي ونفحـات العطـور= وفي الرجال رجال اغلـى مـن الـدر الثميـن
منـي لشيخـان بـرقـا اكالـيـل الـزهـور = وبالمثـل منـي لشيخـان روق الفاضلـيـن
طاري الهيـلا يفاخـر بـه الرجـل الفخـور =رايـة العتبـان عليـا علـى طـول السنيـن
لا رسوا في الارض مثل البواخر في البحـور = والبواخـر تدحـم المـوج بالجنـب المتيـن
ما نسـب اهـل النواميـس وافيـن الشبـور = وان هدمنـا بخـت الاجـواد حنـا ظالمـيـن
مايجـوز السـب فـي كـل شغمـوم ظفـور = وان مدحناهـم مدحـنـا وحـنـا صادقـيـن
ماخذين المدح مـن شفـرة السيـف البتـور = والكـرم والمعرفـه فـوق لطـم العايلـيـن
من جبل مكه عتيبـه الـى العـارض حـدور = فـي روابـي نجـد درب الحجيـج القادميـن
يعرفـون حدودهـم مـن قديمـات الهـجـور= مـار خلوهـا وراهــم وجـونـا مايلـيـن
مالهـم بديارنـا ورث مـن غيـر محـقـور = والديـار حـدود ماهـي بحـجـة شاهـديـن
استغلوا صمتنـا واجنفـوا مـن غيـر شـور= وكــرروا ميلاتـهـم يمـنـا متجانفـيـن
مانـي بمجبـور اشهـد علـى ظـلـم وزور = وان شهدنـا خابريـن المـئـه والاربعـيـن
والله ان الجـار ماهـوب حـق انـه يـجـور = كيـف هـاذي جاتنـا مـن وجيـه الغانميـن
الطمع موجود فـي النـاس والدنيـا غـرور = مـار حنـا حربـة فـي نحـور الطامعـيـن
جارنا لو له غلى العين فـي وسـط الحجـور= لاتجاهـل قدرنـا مانخـلـي فـيـه عـيـن
كان لسبعـان جيـره علـى رحـب وسـرور = مـن يقـول سبيـع لحـدود الارض مسبليـن
جيـرة مـا تنبغـاء كـان مـا فيهـا طهـور = مـا يطـب ترابـنـا الا مـقـام الطاهـريـن
المسافـر مـا منحنـاه لـو انــه عـفـور = والمسـاجـد عنـدنـا للعـبـاد الساجـديـن
ما تضيـق الارض حتـى يضيقـن الصـدور = والسما تقـرب مـن القـاع عنـد الغاضبيـن
ارضنـا مـن عصـر داؤود وانـزال الزبـور = مـن خلقنـا الله وحـنـا عليـهـا نازلـيـن
من شمال وشـرق هـاذي مواريـث الزكـور = ولعمـر وعميـر غـرب الديـار ومجنبـيـن
ولبنـي عامـر ديـار وراء الـعـارض ودور = عامـري وعمـري واعـتـزي بالعزوتـيـن
كلنـا فرسـان عامـر بنـا الـدار معـمـور = سبعمائـه عـام قـبـل النـبـوه مالكـيـن
مـا تعدينـا علـى جارنـا طـول الـدهـور = والكرامـه والشيـم سلـم اهلنـا الاولـيـن
الـتـزام بالفضـائـل ودحــر لـلـشـرور = استحـوا منـا ترانـا مــن الله مستحـيـن
في مرابـط خيلنـا كيـف يبنـون القصـور = كنهـا مستوطنـه فـي يــد المستوطنـيـن
ان خذينـا فـي لحانـا تـدهـورت الامــور = وان خذوها في ذممهم غداء المخـلاص ويـن
لا حكومتنـا بترضـى التـعـدي والسـفـور = ولا نزحنـا عـن ديرنـا ولا هـم غاصبيـن
دولـة ال سعـود عظمـى ومازالـت بـكـور = منبـر التوحيـد متبـكـره دنـيـا وديــن
راسيـه ومركـنـة الاصــول وبالـجـذور = فـي مقامـات القـيـادة ورمــز الامتـيـن
عالـم الاطـراف بالمملـكـه درع وســور = وعالـم االاوسـاط قــوة ســلام ثابتـيـن
المحيطات اربعه فـوق الارض وهـي تـدور = والمحيـط الخامـس سبيـع ثقـل الثقلـيـن
والمحيـط ليـا تحـرك يضيـقـن الـبـرور = مـن وقـف قدمـه يواجـه هـلاك الهالكيـن
طاري الغلبا سـوات النـوادر فـي الصقـور = غاليه ماهيـب ترخـص علـى عسـر وليـن
الذهـب يبـور فـي السـوق وحنـا مانبـور = ولا فسحنـا فـي المجالـس لنـاس بايريـن
مانـي بزعـلان لا قلتـلـي ثــور يـثـور = ازعـل لا قمـت عنـدي تحـط الزيـن شيـن
جدنـا (غالـب ) وسمـوه بالهـيـات ثــور = الحصـاه تليـن والثـور قلبـه مـا يلـيـن
اي نعـم ثـور المعـارك وفجـاج النـحـور = يـوم مـدات الايــادي اعــداه ميتمـيـن
محتميـن حقوقنـا مـن قديمـات العـصـور = لا بلينـا مــا سمعـنـا كــلام العاذلـيـن
كلمـة مـا بيـن قوسيـن والفعـل مخبـور = لا تعقـدت الحـواجـب نــروع الغافلـيـن
لا حـد يجهـل علينـا غيـاب ولا حـضـور = والله ان نجهل بعـد فـوق جهـل الجاهليـن
لا تناخيـنـا بـالاجـداد وادمـانـا تـفـور = تحسـب انـا نقاتـل (احيـا ) وحنـا ميتيـن
خابريـن الحشـر يوميـن والثالـث نشـور = يمتلـي حـوض المنايـا وحـنـا وارديــن
وقعنا في الخصم مثل الصواقع فـي الصخـور= قطعتيـن مـن جهنـم عــذاب الكافـريـن
همنـا مشهـاب فـي قلـب جحـاد كـفـور = مـن كفـر بالحـق حنـا نـوريـه اليقـيـن
من قديم نظيق الكـون فـي عيـن محشـور = ثقب الابـره اوسـع مـن الخريمـه مرتيـن
لا تخيـط جـروح منـا ولا تجبـر كـسـور = شغلة الساعـه مـن اليـوم تحتـاج سنتيـن
لابتـي يـا لابتـي يـا مذهبـت السـطـور = غـرة التاريـخ واضـواه مـن حيـن لحيـن
اتقـوا غـرات بقـعـا وحائـمـة النـسـور = للوطـن عـوره علينـا وحـنـا الساتـريـن
والله انـا مانـهـاب الاســود ولا النـمـور= غيـر راع الـحـق والا امــام القبلتـيـن
روسنـا ماتنحنـي عنـد دهــان السـيـور = ليش نشـرع فـي قضيـه تطـول الاحمريـن
لحمة الخنزيـر ماهـي مثـل لحـم الجـزور = مـن يعلمنـي وش الفـرق بيـن اللحمتيـن
مـا علينـا لائمـه لا نفـذ صبـر الصـبـور = ولا يقـول الجاهـل الله يعـيـن الصابـريـن
ولا علينـا مـن غشامـه ولا عثـرت عثـور = البـلا اللـي لا رفعتـه يطيـح مـن اليديـن
والعقـل مالـه سنـع عنـد مختـل الشعـور = مـيـر قــول الحـمـد لله رب العالمـيـن
نعنبو رجـل علـى هيبتـه مـا هـو غيـور = مـا درى ان مداهـن بليـس لعنـة والـديـن
لعنـة تتـلاه حـي وميـت فــي القـبـور = لو يغيب يجيـه قسمـه مـع بليـس اللعيـن
كـان فـي الدنيـا غنائـم لـغـدار مـكـور = الغـدر والمكـر هـذا وسـام ابـا الحصيـن
والخيانـه تثلـم العـز وتجـيـب الثـبـور = يكـرم السامـع وتهبـا وجـيـه الخائنـيـن
والكـذب راس الظلالـه ويـهـدي للفـجـور= والفجـور يكفـر النـاس لـو هـم مسلميـن
والبطون وحملها اخـف مـن حمـل الظهـور= مـا يضيـع الحـق واللـي وراه مطالبـيـن
ما نخلـي ديـن الايـام فـي ظهـر معسـور = لين يصبـح ديـن والمعسـره بالـذات ديـن
ما بعد عشنـا بشـي مـع النـاس مخشـور = اشهـدوا يامـن شهـد واسمعـوا ياسامعيـن

[سبيعي جدة]

المشاركة الأصلية كتبت بواسطة السبع الحر

المحيطات اربعه فـوق الارض وهـي تـدور = والمحيـط الخامـس سبيـع ثقـل الثقلـيـن
والمحيـط ليـا تحـرك يضيـقـن الـبـرور = مـن وقـف قدمـه يواجـه هـلاك الهالكيـن
طاري الغلبا سـوات النـوادر فـي الصقـور = غاليه ماهيـب ترخـص علـى عسـر وليـن

مشكور اخوي السبع الحر
على تعريفنا بالمحيط الخامس
وننتظر المزيد من روائع شاعر القبيلة الاول أبوطلال

[عبدالله الحضبي]

عشت يابو طلال تستاهل البيضاء يالغالي
ابيات نادره ولنا الفخر بها
وكل سبيع تفتخر بك ياشاعرنا الرائع
وشكرا للسبع الحر شكرااااااااااااااااااااااااااااا

[اخو شما]

اشهد بالله انها قصيدة جزلة

والحنان بحر شعر جعل عمره طويل

قصيدة تستحق التثبيت وهذا اقل شي نقدر نقدمه للشاعر الكبير

[خالد الشماسي]

صح لسااااااااان ابو طلال على هذه الملحمة الراااااااااااائعة



فعلا تستحق الإشادة


والنعم بعتبية الهيلا و الإعتداء منهم على ديار سبيع المعروفة خطأ كبير



لا هنت يالسبع الحر على نقل هذه الجزلة

[طير حوران]

نتمنى إعادة تنسيق القصيده لكي تُقراء بسهوله

وشاكرين للجهود لمبذوله

[عايش ابوليل]

ابيض وجه السبع الحر .. ولاهنت على نقل الملحمه الرائعه


وصـــــــح لسان ابو طلاال مليوون ولايكفووون .



تحياتي

[السبع الحر]

شكرا للاخوه الكرام سبيعي جده - تين - اخو شما - ابو عمر - طير حوران-عايش ابو ليل على المرور الرائع ولازال لدي على الفاكس الكثير من روائع ابو طلال ولكن ظروفي العمليه لم تمكني من الجلوس على النت فترات استطيع معها طرح كل مايرغب الحنان طرحه واعطاني عليه الضوء الاخضر للنشر . ولادارة المنتدى ولجميع الاخوه حرية تعديل وصياغة شكل القصيده تصغيرا وتكبيرا وباالله التوفيق

[البدر]

لا هنت يالسبع الحر على نقل هذه الجزلة

وصح لسااااااااان ابو طلال ملااااااااااااااااااايين

فعلا تستحق الإشادة وجزله من شاعر مايجيب الا الجزل

اخوك البدر .....

[سبيعي جدة]

اسجل اعجابي مرة اخرى بهذه القصيده الرائعه والجزله كما وصفها معظم الاخوان واطرح اقتراح بتكريم الشاعر من ادارة المنتدى على هذه القصيده التي تعم قبيلة سبيع بشكل عام وقبيلة بني ثور بشكل خاص ومستعد للمساهمه باي شي يطلب مني وارجو ان يجد الموضوع تفعيل من الجميع للمناقشه وابداء المرئيات .