وقعة الحنو

[سعد بن شايع]

وقعة الحنو
بالعامية //
وقعة حنو بين بن رشيد وبين سبيع اهل الخرمه واهل رنيا وكان ابن رشيد طامع في ابل القريشات (( لحيات )) لانها تزيد عن الابل بريشه كما يقولون .. وانهزم بن رشيد من جموع سبيع فقال القصيده الشاعر والفارس المشهور (( ناجم بن بويتل الفراعنه )) يسندها لسبيع اهل العارض ..


.. ياراكب من فوق بواجة الخلا *** مافوقها الا المبركة مع صميلها ..
وضحا رعت من خايع العرق مزته *** ومصيافها من جنب رغوه جثيلها ..
ذعره .. نياره .. عيدهيه *** كن اشهب البارود روج ظليلها ..
ولا كما ربدا ظليم تحسست *** بين الحجايا مامن الله جفيلها ..
رز مسامعها وبتر فخوذها *** وهجف سماريها وكد هجيلها ..
تلفي هل العارض صباح من السحر *** دار بني عمي رعو في نثيلها ..
ياليتهم شافو عن الهرج فعلنا *** يوم الجهامه ماصفطنا هزيلها ..
جتنا جيوش ابن رشيد وسبلت *** دون الحفا نهارها مثل ليلها ..
جانا بتميم وشمر وحضر حايل *** وهتيم واهل الشام جنا يهيلها ...
يقودها قود المزاغيف بالرسن *** مقدم حصين .. وحصين محيلها ..
يبون(( لحيات )) عساهم للفنا *** ولحيات مقابيس البلا دون حيلها ..
من وقفنا صاحو وطاحو وظللو *** كن الدبا الكتفان مذعور خيلها ..
نطرح عواديهم ونقلع ثبارها *** لعيون من بالطيب كدت جديلها ...
ولعيون شرف بالمهامه ترايعت *** عيرات اهل حايل تلاطم شليلها ..
جيوش شرايدهم وهم كثر الدبا *** قلايل ماينتدواى عليلها ..
لكن مجالدنا ليا ضيقو بنا *** مجالد سباع مايحقر ذليلها ..
وحتى ايش او هم ضيقو بنا *** جروح الخفا ماعاد يبرد غليلها ..
شلنا عليهم بالمراجيف والقنا *** لين الله ادنى للاعادي رحيلها ...
والنعم يالزكور حدودهم عن العذا *** ماتطرح الجمعه الا جليلها ..
اولاد علي اليا تعزوو بجدهم *** ماطاوعت دون العشاير قبيلها ...
من سو وقع سيوفهم ورماحهم *** روس العدا ازرى سيلها لا يشيلها ..
ونعم يالاد العميري بفعلهم *** والله ماللحرب نرجى بديلها ..
يوم ارهجو صنع الهنادي وسبلو *** نقالةالزومة تبرشم دليلها ..
ونعم ياترثة بني عمر لااقبلو *** مثل الهجايا من غبايا مخيلها ..
كم سابقن توهنت دون جمعهم *** خيالها ياكل ثمر حنظليلها ..
والنعم ياللي من ورى الدار سبلو *** عوامر حبل الدرك يستويلها ...
////////////
يقول شاعر ابن رشيد على لسانه ...
... جيت ابي لحيات بالماريه *** قيل مامثله مع العربان ..
تشبهه مع زايد الريشيه *** خرد في روشن سلطان ..
هو كرت فوق الميه شويه *** روحت مع سايح الريضان ...
اشهد ان لحيبات بالماريه *** فوق وصف يقوله العتبان ..
مير دونة شذره الهنديه *** واربع جموع من السبعان ..
وهل الوديان ياحورية *** احذرو علم يجيكم ثان ...

[اخو شما]

الاخ سعد بن شايع

السلام عليكم ورحمة الله وبركاته

سجل اعجابي بما تكتب دائما

وقد كنت اتابع ردودك في منتدى الهيلا بخصوص انكارهم

فزعة سبيع لأبن حميد فقمت بالتسجيل واثرت الموضوع

ولكن كعادة ابناء منتدى الهيلا حذف موضوعي واتبعوها

بعضويتي :D

لدي بعض التصحيح في المعركه التي وقعت بين ابن رشيد

وسبيع اهل الوديان فهي لايطلق عليها الحنو

فمعركة الحنو وقعت سنة 1326 بين جيوش الشريف شاكر

وزيد ابن حمود من جهه

واهل الخرمه من جهه اخرى


اما غزو ابن رشيد فكان سنه 1302

وبودي ان تطلع على الموضوع المثبت في قسم التاريخ والمعنون له

" الدر المنثور في اخبار بني ثور"

هذا والسلام

ودمت على خير

اخو شما

[سعد بن شايع]

يامرحبا ياخو شما

وشاكرلك على مشاركتك


وعلى العموم انا ناقله من كتاب ولكن على مااظن ان الحنو معركتين الاولا مع الشريف والثانيه مع ابن رشيد

. ولكن انت اعرف مني



اخوك / سعد بن شايع

[عبدالله الحضبي]

شكرا ياسعد بن شايع
وبودي انك كتبت مصدرك في القصه والابيات


وهو كتاب سوالف الطيبين للحضبي ج 3 ص 181

[ابن شطيط]

السلام عليكم جميعا

موضوع رائع اخوي سعد لم انتبه له الا الان

بخصوص ابيات شاعر ابن رشيد لست احفضها بالكامل او ليست على الوجه الدقيق

ولكن احفظ رد احد شعراء القريشات عليه يقول :

ما تركتوها لنا ماويه = لين ذقتوا ضربت السبعان
وان رجعتوا عندنا مثنيه = ضربت تقضي على العدوان
دون لحيات الف واربع ميه = بين ابن ناصر وابن هملان
والعسيلي عزوةٍ مسميه= من سمعها غادر الميدان
يحسبنا الضيغمي شاويه = مادرى انّا نيتم الوغدان
وإنتمنى صيد راس الحيه = يومها اللي توفي الديان

ويتضح لنا ان ابن رشيد وقومه بغوا اللحيات وصفقوا في البقوم والعتبان

قبل المجي للحيات في الهيه الثانيه

واذكر هذا التفسير للقصيده شاعر ابن رشيد في احد ابياته يقول

هوكرة فوق المويه شويه = وروحت غادلها دندان
باغين لحيات له ماليه = واللحمت بالبقوم والعتبان
ياهل الوديان يالحوريه = احذروا من بيوم ثان

ولست احفضها بالكامل علي اعود مره اخرى

والتحيه للجميع

[عشير الغانمين]

يعطيك العافيه على موضوعك الرائع

[عشير الغانمين]

يعطيك العافيه على موضوعك الرائع

[مناحي المجمعي]

بارك الله فيكم

[القريشي11]

للتوضيح لا يقال لحيات يقال ال لحيه

[الشقااوى]

كفو كفو اشهدبالله ان فعولكم تنومس قداااااااااااااااااااااااااااااااااااااااااااااام