بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه الأبيات مما قاله الشعراء المعاصرين بالخيل العتاق وقد تكون القصيدة الأولى تورية بالغزل والتشبيه بالخيل الأصايل :-
من بنات الريح لي صفرا جفـول
= كنهـا ظبـي الـفـلا بجفالـهـا
منوة الخيـال عسـاف الخيـول
= زينهـا فـي دقـهـا وجلالـهـا
زينها ما شفت وصفـه بالمثـول
= الله اللي بالجمـال أصخـى لهـا
تستذير كحيلتـى مـن كـل زول
= مـا يصخرهـا سـوى خيالهـا
أذكر الله كل مـا قامـت تجـول
= وأحمـد الله خصنـى بحبالـهـا
كنها تمشي على قـرع الطبـول
= فتنى اللـي خافقـه يبـرى لهـا
ظافي القصه على الطرف الخجول
= تنكسر شمـس العصـر بظلالهـا
وصفها وصف السحاب اللي يحول
= كـل عيـن تستخيـل خيالـهـا
أو كما طاري على الخاطر عجول
= صاحبـه حقيقتـه مـا طالـهـا
كل رجل في حياتـه لـه ميـول
= والهـوايـه تمتـلـك رجالـهـا
وقال الاّخر في الخيل :-
للخيل ذكرى في جميـع المثايـل
= والريح وعلوم العرب والبطولات
تاريخهـا عـز ما هـوب زايـل
= هيهات ينسى مجدها المجد هيهات
تركض بمضمار السباق الأصايل
= تزرع حوافرها الفخر بالمسافات
يسوقها اللـي سـوى الهوايـل
= سليل فرسان الوغى والمهمـات
الحاضـرة والباديـه والقبـايـل
= كل ٍتغنى بوصفها بأجمل أبيـات
خيـل ً كحيلـه ضمـرٍ نحايـل
= في شوفها كل السعد والمسـرات
منقول مع خالص التحية وأطيب الأمنيات وأنتم سالمون وغانمون والسلام .
غير متصل
