هل أنا صادق ياهل المنتدى ؟؟؟ ( الحــظ )

[بدر محمدالسبيعي]

السلام عليكم ورحمة الله وبركاته

بدون مقدمات 000 للتواصل :

ياشينها لامن حظ الكفو مال=وحظ الردي قايم ولاجاه ميله
بعض الحظوظ تخلي الخبل رجال=وتحطه اطيب شخص من بين جيله
لو كان ماينباع فالسوق بريال=ويفر عينه مثل عين ( الحسـ 0000 )
جثه عليها ثوب وشماغ وعقال=وليا انبقط بالهرج مافيه حيله
يالله دخيلك من ترداية الحال=ويالله دخيلك من دروب الفشيله
في عالم ٍ مايعترف كود بالمال=يعني على موتر جديد ٍ مديله
ولا00 على منصب كبير ٍ وفعال=تحتاجك العالم بنفس ٍ ذليله
أما كذا ولا 00فخلك على الجال= ( وراك عيشه ) فنت راعي جميله
من قال هذي المرجله بس من قال=المرجله فعل ٍ موضح دليله
لايازمان المصلحه والتحيال=لاتهضم حقوق الرجال الاصيله
اللي لهم في صفحة الطيب منزال=اهل العلوم الطيبات الجزيله
راعي المراجل للصعيبات جمال=الله يعينه بالحمول الثقيله
معنز ٍ من جد من عم من خال=قرم ٍ مهيل ٍ من قروم ٍ مهيله
يفدونه رخوم ودنافيس وانذال=وتفداه زند ٍ ماتشب الفتيله
قول وفعل والقول مثبوت بفعال=القول يفنى والفعل من يزيله
رزقه على اللي ثبت الارض بجبال=ماهوب من عند اليدين البخيله
وان كان مال الحظ ياطيب الفال=مالك على تعديل حظك وسيله
اصبر وربك مايخيب للامال=ماغير ربك واحد ٍ تشتكيله
لكن والله مايكدر لي البال=ويضيقه في كل يوم ٍ وليله
الا00 ليامن شفت حظ الكفو مال=وحظ الردي قايم ولاجاه ميله

ولكم اطيب تحيه

[مخــاوي الليل]

جمييييل أن أكوووون أول من يصافح هذا الجماااااال ..

صحححححح لسااانك يا بو محمد ..

[ابن هاجد]

صح لسانك يابومحمد والله انك صادق الحظ له دور الله يعطيك العافيه تحياتي اخوك ابن هاجد

[خالد الشماسي]

رزقه على اللي ثبـت الارض بجبـال
ماهوب مـن عنـد اليديـن البخيلـه
وان كان مال الحـظ ياطيـب الفـال
مالـك علـى تعديـل حظـك وسيلـه





انا اشهد انك صادق


والمال رزق الله يؤتيه من يشاء ،،، ولا غنى الا غنى القناعة


صح لسانك اخي بدر وننتظر جديدك

[أبو يزيد]

من قال هذي المرجله بس مـن قـال
المرجلـه فعـل ٍ مـوضـح دليـلـه
لايـازمـان المصلـحـه والتحـيـال
لاتهضـم حقـوق الرجـال الاصيلـه
اللي لهم في صفحـة الطيـب منـزال
اهـل العلـوم الطيـبـات الجزيـلـه
راعـي المراجـل للصعيبـات جمـال
الله يعيـنـه بالحـمـول الثقـيـلـه
معنز ٍ من جـد مـن عـم مـن خـال
قـرم ٍ مهيـل ٍ مـن قـروم ٍ مهيلـه
يفدونـه رخـوم ودنافيـس وانــذال
وتفـداه زنـد ٍ ماتـشـب الفتيـلـه
قول وفعـل والقـول مثبـوت بفعـال
القـول يفنـى والفعـل مـن يزيلـه
رزقه على اللي ثبـت الارض بجبـال
ماهوب مـن عنـد اليديـن البخيلـه
وان كان مـال الحـظ ياطيـب الفـال
مالـك علـى تعديـل حظـك وسيلـه
اصبـر وربـك مايخـيـب لـلامـال
ماغيـر ربـك واحــد ٍ تشتكيـلـه
,,

,,

,,

الله الله
يا
بـــــــــــــــــــــدر

جززززززززززله من راس جزززززززززل

صح لسانك

ونبضك

ابيات كتبت بماء الذهب,,,,

[فـــالح السبيعي]

والله يابدر أنت صادق ونص
الحقيقه تعبير رائع لواقع ملموس
ومن شاعر مبدع له منا التشجيع والإحترام
تذكرت قول راكان إن لم تخني الذاكره
ياليت رجال يبدل برجال وياليت في بدلا الرياجيل حيله
عموماً شكراً يابدر ونتمنى لك التوفيق

[بدر محمدالسبيعي]

مخاوي الليل


صح بدنك حتى ترضى

تحيتي لمرورك

[ماضي المديري]

صح لسانك يابومحمد


والله انك صادق الحظ له دور الله


يعطيك العافيه تحياتي

[ربح السبيعي]

صح لسانك يابومحمد



على هالقصيده الهادفه والجزله



ولاتستغرب الجزاله من اهلها

[عايش ابوليل]

ياشينهـا لامـن حـظ الكفـو مــال%%%%وحـظ الـردي قايـم ولاجـاه ميلـه
بعض الحظوظ تخلـي الخبـل رجـال%%وتحطه اطيب شخص من بيـن جيلـه



الغالي بدر رائعه رائعه رائعه


صح لسانك وعتلأ شانك يالغالي



تقبل تحيااتي واقتباسي البسيط