منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
شاعر واميز في كلام الشواعير=عندي على نظم القوافي جروة
واصخر القيفان بالوزن تصخير=لاخربطو فيها قلال المروة
اللي تعوج الشعر مثل البواكير= يبغون دربه مير ماهوب هوة
ناسن تسوقه بالعصا كانه ابعير=والا يشيلون اسفله في علوة
تسلفو من الاكلبي يالمعاسير=اللي يصون الشعر ويشب ضوة
مايبتلش فالوارده والمصادير=بينه وبين الشعر مثل العنوة
يقطف زهر من زايفات النواوير=ويرسم على معنى وزنن وقوة
ويطلعه لوكان تحت الاظافير=ويسمحه لاخلبصة كل لوة
لاوحيت جزل الهرج يعذلي اطير=والين له لوكان عندي قسوة
الشعر مثل الزرع به بر وشعير=والفرق واضح من عصور النبوة
الشعر يدعي لبن جدلان بالخير =من بينهم صحبه وعهده وخوة
والهاجري يبدي بروس المسابير=اللي بجزلات المعاني مفوة
يصرف ذهب ماهوب يصرف قصادير=يفرح به اصحابه ويغضب عدوة
ياخذ ورا شرد المعاني مشاوير=وينقر لها بالصوت مثل المدوة
مالي وراهم قصد والا مظاهير=ولا اعرفهم الابنبا والسموة
لكن جزل الهرج خلاني اغير=مثل الحيا كلن يشرف لنوة
ولا قول في باق الشواعير تقصير=اخاف منهم لايجيني زروة
المعذره من اللي يعرف المعاذير=ومالي ومال اللي عليهم غبوة
وصلاة ربي عد ماغرد الطير=على ر سولن خذ وسام النبوة
غير متصل
