من قصايد وافي السبيعي
اقبلوها متواضعة بين يديكم هذه الابيات
بيني وبينك عهود وانت خابرها=لاتنقظ العهد عهد الله وميثاقه
العين ياسيدي هلت عبايرها=الله وكبر على الايام بواقه
ياليت الاقدار يوم الله يقدرها=تظفي علينا بنور الود وشراقه
حتى نعرف الحقايق من مصادرها=وترتاح نفس(ن) مع الايام مشتاقه
النفس أدنات ماجاها يعكرها=لكن لحب الوفاء والطيب تواقه
لاتجرح الناس وتكدر مشاعرها=وتجيب لك سالفه(م )الباب للطاقه
هذه حروفي على شانك (ب ) صطرها=ولانيب من ينخدع بشكال براقه
لاجت بصدري بيوت الشعر اعمرها=والشعر له ناس نقاده وذواقه
ابيات لوافي السبيعي
تعبير عن الغزل بسط وموضوع متواضع ارجو بان تكون تحوز على راضكم
ولكم تحياتي
الحب بلوى وانا حبيت ياعيني = تشوفي للهنوف اللي خذت بالي
الزين غطى على كل المزايني = ماشفت مثله من الاول ولاالتالي
لورحت للشرق والا الغرب والصيني=اظن ملقى بدالك يابعد حالي
والله لو يعرضونك بالملايني = لرخصلك المال ودفع ورخص اريالي
لو اتدين ويكثر فوقي الديني= اهم شي اخذك ورتاح يالغالي
عام الف وربع ميه سبعه وعشريني= شفتك ومن بعد ماشفتك برى حالي
وتلاى العهد يوم قفوبك مقفيني = والجكس حرك وقفاء بالخلاء الخالي
اصد مبغى العرب يدرون وش فيني=اخاف كلمت سفيه تجرح البالي
اخاف من كلمت تخلف موازيني =يقولها واحدا مايعرف احوالي
بسجل اسمك على باقي دواويني= وفضل اسمك مع الايام يبقالي
]
هناك بعض المواقف تحصل للنسان وقد يخطر على باله شي يقوله في هذا المجال
هذه ابيات متواضعة قلتها في موقف حصل لي
ارجو ان تكون على مستوى الذوق
الله من قلب (ن) به الهم يلتم =خيم عليه من الحمول الثقيله
كنه بوسط ابحور موجه تلاطم=ظاع الامل معاد باليد حيله
ماقلت واضح والذي خافي اظلم=والمؤمن الله ياجماعة وكيله
يابنت كب الاش لوهو ولدعم = عز النفوس وليه تبقاء ذليله
الاش قربه يوثر الهم والغم = من يحتزم بالاش وعزتيله
ماله مع اهل الطيب ميثاق يلزم=سراب قيظ(ن) يقطع الكبد قيله
والله ولو انه بالايمان يقسم=تراه مثل الجرف مسرع مهيله
عليك باللي للمواجيب يقدم=اللي مناعير النشامي تجيله
لكم تحيات وافي ياربعنا
غير متصل
