منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
إن كان مالي في سما دنيتك نور=والله لشعل في خفوقك حضوري
ولحط لسمي في حناياك دستور=اسمٍ يعيش بداخلك دكتاتوري
واكتب على صدرك دواوين وسطور=شعرٍ يترجملك خفايا شعوري
واخلي العوج المحاديب جمهور=تعشق طواريقي وتهوى بحوري
واسمعك صوتي على كل مجرور=صوتٍ يغني بالقصايد جهوري
واعلمك ان الشعر عبد مأمور=لامن طرقته يصبح الشور شوري
تاقف هواجيسه من الشوق طابور=كلن يقول الدور بالله دوري
وكانك تعرف ان الشعر وزن وبحور=بعلمك وش يفرقه في سطوري
حتى تعرف انه معي نبض وشعور=واحساس لاطرو مجالك يثوري
يامعتلي عرش البهى سيّد الحور=لجلك ومن شانك ابعلن ظهوري
لجلك ابهديك الشعر باقة زهور=خذ نرجسي القاف .. والحرف جوري
معذور لو اكتبلك الشعر معذور=وشعرٍ مايكتب فيك ماهو ضروري
ومعذور لو قالو لي الناس مغرور=دامك حبيبي فأنت مصدر غروري
كم لي وانا في عالم الشعر مغمور=مافيه منهو غير اوضاع طوري
الا انت اخلفت المشاعر على الفور=من نظرتك غيرت فيني فتوري
واحييت شعرٍ في حناياي مقبور=شعرٍ به افراحي وغاية سروري
شعرٍ يضوي لي بسما دنيتك نور=ويخلّد بداخل خفوقك حضوري
التعديل الأخير تم بواسطة تركي السبيعي ; 02 - 06 - 2004 الساعة 15:44
ان العيون التي في طرفها حور=ودن عيال الحمايل في خبر كانا
يصرعن ذا اللب حتى لا حراك به=على سبيل التجارب عندكم أنا
يا أعدل الناس الا في معاملتي=مهوب حقٍ تولعنا و تنسانا
لا تحسب المجد تمرا أنت آكله=لن تبلغ المجد حتى يجيك ما جانا
و إذا رأيت نيوب الليث بارزةٍ=وحدك زمانك فدورنا و تلقانا
للشاعر / غالب بن عبدالله الشريف
saifnajd@hotmail.com