تسلم ياخوي مشعاب على مشاركتك
وتراك روعتني :( لاتعووووودها
المكان الي فالصوره ضلع او جبل تين بين مدنتين رنيه والخرمه
وهذي بعض القصيد حول هذي الصوره في جريدة الرياض عدد اليوم 26/12/2003
http://www.alriyadh-np.com/Contents/...hkafa_9539.php
ياذا السحاب الي مطرها تهله
جعله على الشعبان يضرب ومدرار
يشوقني المطلاع لاجا في حله
والربع قروم هم هل الكيف والكار
في وسط ريضان تقل نقش زله
وصوت أم سالم به تقل صوت مزمار
جلسة وتكيه وشرب فنجال دله
وعلوم رجال من نسل ذيك الاحرار
فايز سعد - الخرج
البرزان وخلها فلت حجاج
وخوت نشاما ما تحب اللجاجة
رجالن لهم فالطيب مسلك أو منهاج
يعرف مداخيله ويعرف خراجه
ما منهم اللي في قفى الناس هراج
مفتون بالغيبة وهرج السماجة
يدرج قناواته على الغايب ادراج
وفالوجه كنه ما عمل فيك حاجة
غنام مسعود القريني - نعام
خمسة شباب جالسين على فراش
بين الحصى يازين شوف الطبيعة
والعين يم القدر ياكود ماطاش
والنار تحت القدر يوضي لميعه
ماهمهم مقهى وقعدة بالاحواش
ولاهمهم بالسوق شرية وبيعه
محمد بن عبدالرحمن أبودحيم - البدائع
ما تصلح الرحلة بلا بن وبهار
ودلال بيض الون من صنع بغداد
يازبن صفتها على حالي النار
وفنجالها بدور به قرم الاولاد
على رجال الجود وافين الاشبار
قطاعت الفرجات مدنين الابعاد
ما تابعد بيض العذار بالنظار
مع داخلي السوق سردا ومرداد
بدر بن خلف الحزيمي
اقول الصحاري مالنا غيرها ياخوان
بجويسر القلب الياصار هو ممطور
وتزيد السعادة شوفة العشب والريضان
نشوفه يغطيها وعلى خدها منشور
وتزين السوالف خص الياسالت الوديان
واحب المطر واللي يشوف المطر مسرور
وعلوم النشاما بيننا دايم عنوان
علوم المسرة كلها خير دون كدور
محمد بن عبدالعزيز الخنيفر - أشيقر
ياماحلا الجلسات مع شبت النار
وليا طلعنا يا لنشامى طبيعة
النار شبت والقدر ساع مافار
والنار ليا شبت تراها سريعة
سولف وخل الهم مع كثر الافكار
محلا السوالف للنفوس الرفعية
في مملكتنا ياعساها بالامطار
يمطر عليها الصيف ويا ربيعه
في مملكتنا ياعساها الامطار
يمطر عليها الصيف ويا ربيعه
محمد عبود محمد الصواط - الطائف
ياناشد عني تراني هنيا
مرتاح بالي في طبيعة بلادي
طبيعة غنا خلقها الوليا
رب كريم بالعطايا جوادي
اخترت من ذرب النشاما خويا
ماهو من اللي ضاري بالرقادي
ورحلة مع أهل الطيب واصل
أهيه هوى بالي وغاية مرادي
عقاب مخلد الظويفري - عنيزة
ياماحلا المكشات والجو صافي
ومعك شباب كلهم يعجبونك
فرصة عمر للي صحيح متعافى
للبر اطلع واترك الهم دونك
البال مرتاح من الهم صافي
واضح على الصورة تشوفه عيونك
وترمي الفرح بالوجه واضح يشافي
يضحك حجاجك قبل تضحك سنونك
علي غنام الغنام - رياض الخبراء
طلعة شباب لساكنين الجبالي
القدر يطبخ والغدا محترينه
خمسة شباب الطيب فيهم بدالي
بعالي جبلها مجلس خابرينه
جوله اضحي العيد قبل الزوالي
شوف الجبل مع مجلسه مهتوينه
والا الشمالي لطعته للشمالي
شرق او شمال او غرب عذفا ولينه
فهد بن عقيل الطويان - بريدة
ياما حلا الجلسة بعد رش الامطار
في جنب ظلع زاهي به نباته
مع عزوة من طيبة القوم واخيار
ما فيهم اللي كب يوم صلاته
وكل يقول من السوالف والاشعار
ويكتب على جنب الجبل ذكرياته
حمد مطلع المطيري - الدمام
ياما حلا المطلوع وقت المخاضير
في رقة ما طبها كل مخلوق
نركب على شاص سواة المظاهير
وننصى ديار نبتها صار رقروق
وياما حلا شوف البيوت المناحير
اللي بها بن اليمن صار له ذوق
فهد نايف المقاطي - المزاحمية
سلام ياربع بها لظل جلاس
ربع علوم الطيب الهم خويه
هرجة تزين الجو وعلوم نوماس
في ديرة الخلاق بأرض خليه
وكيف على كيفك وموزون بقياس
في حزة المرباع والنار حيه
خمسة رجال جوهم مرهف احساس
حيد الجبل نزال ذيك العشية
عبدالسلام رفيع السلمي - الرياض
يا عبيد عد الشاص وكمل لزومه
شدة وكمل عدة البر فالحال
اللي تواج بالقنص من يلومه
مالوم قرم يهتوي راحت البال
جلست نشاما كل عد وعلومه
ما نهتوي سوالف القيل والقال
والصبح يحتزم عقب نومه
والرزق عند اللي يقدر الآجال
محمد عبدالله العجلي - حوطة بني تميم
ياطير يا طير ياللي بالهوا تكفخ
خذلك خوي خفيف وراعي اشعوره
يالربع ياللي جلوس وقدركم يطبخ
وعيونكم ترقب اللي يلقط الصورة
مدري غداكم من اللي يذبح ويصلخ
والا دجاج مثلج من له شهوره
والنار من دونكم حيه ولا تنفخ
تبغا لها دله بالهيل محكوره
هميجان بن عبدالمحسن المقاطي - الرياض
شاهدت بالصورة ربوعاً جلوسي
بالبر ومابين الجبال الرفيعة
في موقعاً ترتاح فيه النفوسي
ومناظراً تكشف مجال الطبيعة
في ديرة ما دوجت به حسوسي
غير الضواري والوحوش المريعة
ماجاه من عند الشوادي عسوسي
ما يصدونه لو دياره شبيعة
زبن مقبل العنزي - بريدة
ياحلو كشته فيها دلة وفنجان
بعد المطر والجو يتميل الروح
ليتي مع الخمسة مكثت من الآن
وقتي مضا ما بين آهات وجروح
يالله توفقنا وتصلح لنا الشان
وتكتبت لنا ما فيه خير ومصلوح
من يطلبك تفريج همه والاحزان
يصبح وسيع البال والصدر مشروع
علي الزولاني - فيفا
ياما حلا شوف المكاشيت يا ناس
لا شفتهم بالبر والكل مبسوط
القدر يطبخ والمعاميل جلاس
والهرفي الي بالحبل صار مربوط
من تحت رجم شوفته تنعش الراس
همك يزيل ومن على الصدر محطوط
هذي حلات الوقت عز ونوماس
والا العمر باللوح لاشك مخطوط
خالد بن ناصر المخيمر - روضة سدير
غير متصل
