قولو لفيصل( يالبدر) ذاليله---فيصل عابر القارات

[المعتزي]

فيصل يقول وين الهدايا يالمعتزي 0الان نبدا لجل فيصل بهذا الطاروق هديه



قولو( لفيصل( يالبدر) ذاليله

---------------يلعب معي لجل يحصل مطلوبه

من عقب مطلوبه نويت اهديله

-----------اللي يبا مني واسوقه صوبه

[البدر]

وانا بدوري اقول يالله يافيصل الهدايا جاهزه والمعتزي يطلبك ولانقبل منك اعذار . نبي نستمتع بطاروق طيب يشفي الخاطر .





الشكر لك من الاعماق يالمعتزي

اخوك البــــــــدر

[عابر القارات]

اسف على التأخير يالمعتزي

ياولد خوش هدايا يابعد سبدي يالمعتزي :D

البدر ياحبك للقشر حباه :p


دوك استلم من تلميذك فيصل



الحمل لمن زاد كيف تشيله
--------------- يالشاعر اللي نيته مقلوبه
يذكر بلندن ماخذٍ تعسيله
---------------عليه بشت وكاشخن في ثوبه



تحيات فيصل

[المعتزي]

من جا مبطا
حياك الله يافيصل



ماهو من اول شوط تبدا العيله

------------يالشاعر اللي حسبته محسوبه

اصبر شــويه ثم اخذها كيله

-----------نوبات يا البــــيطار والا نوبه

[عابر القارات]

الله يبقيك ويسلمك

بسم الله الرحمن

انت وين كنت يالمعتزي

شاعر يالمعتزي بحاول اجاريك

واكيد مانيب حولك

لكن لجل خاطرك ابشر

والله يعينك على الشطحات :d


المعتزي بحط له تحويله
------------والنار قدم المعتزي مشبوبه
اللي يطيح ابها ترى ماويله
------------تحرقه من راسه الى عرقوبه

[المعتزي]

ههههههههههههه فيصل ياحليلك يافيصل


ياحليل فيصل صاحبي ياحليله

-----------------وان شــــب نارٍ تاكله بجنوبه

والجمس بالمفتاح اله تشغيله

-------------وبعض السلع عند العرب مركوبه

[المعتزي]

البدر
مرحبابك متابعتك تشرفنا

تقبل تحيات

اخوك
الممممممممممممممممممممعتتتتتتتتتتتتتتتتززززززززززز زززززززززيييييييييييي

[عابر القارات]

ههههههههههه

المعتزي اسلم ثم استلم


دوك

الثعلب المكار ابا اطا ذيله
-----------------بصير له بالمنتدى عقوبه
لمن حضرت المعتزي ياويله
-----------------فيصل بدأ دوبه معاكم دوبه
تحيات فيصل

[المعتزي]

ههههه يافصيل دوك وباكر دوام خلني اتفضالك ليلة الخميس00لاهنت


(الفار ) فى المعبا ر ابا اسو يله

----------------------- محــبالةٍ 0فيها الغراء 0 مصبوبه

مثل( ابرهه مثل ابرهه) مــــع فيله

-------------------- بمر الولي 0 له قصةٍ مكتــــــوبه

[عابر القارات]

جعله يسلم هالدوام اللي فكني منك


دوك استلم

عياء زمان المعتزي يصفيله
-----------------------حتى الُدير من سبته منكوبه
ماتنفعك حجتك ولا لك حيله
-----------------------لكن خلك طيب وحبوبه



صح الله لسانك يالمعتزي

انت شاعر لك صولات وجولات في المنتدى ماشاء الله عليك

واخوك اللي هو انا مانيب بشاعر لكن لايمنع المزح معك ومع شرواك الطيبيين


في الختام السلام

من فيصل اللي يشكرك من قلبه

على وسع صدرك يابعد جبدي ;)

خلاص يافيصل الرجال عنده دوام واحمد ربك ان الدوام خلصك منه



تقبل تحيات فيصل