أنا ماقلت لك طيبي مثل ممدوح ابن شعلان=سليل اللي تشيل الثقل لا قادت زماميله
ولاني في دروب الطيب وأجواده مثل راكان=ولاني واصل (ن) بالطيب والنخوه مواصيله
ولا كل العرب تقدر تفاخر فارس العجمان=مدامه شاخ بسباع (ن) سروج المجد مع خيله
ولاني بالقهاوي فوق زيد وراعي السبعان=ولا عثمان ريف اللي زمانه جادع (ن) حيله
ولاني مثل ابن هادي سليل المجد في قحطان=ولا عزم العطاوي يوم زاد الخصم في ميله
ولاني مثل ثقل رويل لا ساروا كما الجيلان=هل العطفه ربيع اللي زبنهم عقب تجفيله
ولاني مثل من ساق الذبيحه لأسحم السرحان=ولا حطاب راع الجوف لا قلت محاصيله
ولاني في كرم حاتم وصبر جديع بن قبلان=أو اللي صاح للضيفان عقب الثلث من ليله
ولاني طيب ابن جلعود ريف الجايع البردان=ولا وقفة خلف لا جاه رجل (ن) يشتكي ويله
ولاني بالبنادق حول كاسب نقوة الشلقان=ولا سطوة عقاب الخيل لا ثارت رجاجيله
ولاني في صخى تركي وفزعة ربعه العتبان=ولاني مثل ابن ناحل مزون الوسم مع سيله
ولاني في ثبات مطير لا ساروا مع الدوشان=مثل جطلي وابن لامي إليا دارت محاحيله
ولاني في نقى المنديل لا بانت لي الغزلان=ومعهن جادل (ن) تسحر خفوقي في مجاديله
ولاني مثل قاف عبيد والعوني وابن هدلان=وشعر اللي بحرف القاف ياصف لك معاميله
ولا النجدي ولا سعدون والقرقاح مع عدوان=ولاني بندر ابن سرور لا ضاقت مداخيله
ولا مثل القريفه يوم عاب البخل بالقيفان=وقال الرزق رزق اللي يجينا الخير من كيله
أنا رجل (ن) ستير الحال لا ثروه ولا سلطان=وعلمي ناقص (ن) بالناس لو حاولت تكميله
ولا لي في بنوك الغرب لا شفره ولا عنوان=ولا صيفت في باريس مع بارق هماليله
أعيش براتبي يومين وأبقى عقبها طفران=وأداري كلمتي بالناس عن هرجة مهابيله
ولكني رفضت المال والثروه وأنا الكسبان=مدامه من كفوف اللي نوى للنفس تذليله
إذا قلت الخبر بالناس جبت لهرجتي برهان=ولا أسولف مدام الناس ما تشفق وتصغي له
وإذا شفت الغلط مني رجعت وقلت أنا غلطان=ولاني ضايق (ن) يا ناس من مسحه وتعديله
وأقول القول باسناده بلا زود (ن) ولا نقصان=وغلق القاف ما نبلش على فهمه وتحليله
وعند الحكم لأهل الطيب حكمي يضبط الميزان=وراع الصدق ما نسكت على من راد تجهيله
ورجل (ن) عاش بالحيلات يسكن حفرته خسران=ولا يمشي كلام الزور مهما رمت تجميله
وإذا شفت العرب خاضوا بعرض فلان ثم فلان=أعاف اللي بعرض الناس سلواه وتعاليله
هوان الشعر عند اللي يتابع شاشته طربان=تحاكي واحد (ن) طربان مع نغمة مواويله
أنا كيف أرفع المثبور مع رتبة رفاع الشان=واحط أهل الطرب والرقص مع قاري تراتيله
وكيف أجمع رجال الطيب واللي تفتح البيبان=مع اللي يشتكي بابه عناه وكثر تقفيله
أنا لو نمت ليل الشبط في وسط الخلا جيعان=وعشت العمر بالخليان مع ضايع مخاليله
أخير من المنام اللي يذيقك حفرة الحقران=وعز النفس راس الربح عن ذله وتفشيله
وإذا كان الزعل كله سبب مدحي صخى الويلان=مدحت اللي تشيل الثقل ما ترتاع من شيله
ويشهد لي جميع اللي تهاب الكذب والبهتان=بمن حازوا جديد المجد كله مع مساميله
جملهم في نهار الكون فيه القيد للشجعان=ولا يغويك خرط اللي خذتكم في تهاويله
شيوخ (ن) تنجب الفرسان مثل جديع مع مشعان=ومثل محمد بن سمير راع المجد في جيله
وفيهم ساجر اللي صار مدعاة (ن) على الذيدان=ولا تسمع لمن يجمع خبوله ثم يفتي له
وفيهم مثل ابن عيده عطوف الجوف باليتمان=من اللي تكرم الجيران بالحشمه وتوصي له
وفيهم مدخل المطلوب في بيته مثل عمران=ولولا شيمة الويلان ما يسلم من الغيله
ومن يقدر على جحدان شيخ (ن) بان بالفدعان=شيوخ (ن) تدعي الضيفان بالظلماء وتومي له
أخاف الظلم حيث الظلم ظلماء يا هل العرفان=ولا يظلم هل المعروف رجل (ن) يرتجي عيله
وترى الأقوال دون أفعال ما تروي ظمى العطشان=ونور الشمس ما يخفيه رجل (ن) حط منديله
ضنى الويلان ما تحتاج للفزعات يا كوبان=وبالفرقان ما تعتاز توراته مع انجيله
عطيتك فلم فيه العلم عقب الحلم يا نعسان=وهوش الزلم وقت السلم ما تخفى مهازيله
حروف (ن) ثابته كالشمس في تاريخ ابن غسلان=ومن يزعل مهو مجبور يسمع له ويوحي له
قصيدة للراوية الشاعر/ فوازالغسلان وفقه الله وحفظه وكل عام وأنتم بخير وصحة وسلامة منقول وأنتم سالمون وغانمون والسلام .
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة
أخي الكريم / كليب عامر السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الراواية الشاعر / فواز الغسلان وجعل الله مرورك في ميزان حسناتك يوم لا ينفع مال ولا بنون إلا من أتى الله بقلب سليم وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .
أخي الكريم / حزم الجلاميد السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الراواية الشاعر / فواز الغسلان وجعل الله مرورك في ميزان حسناتك يوم لا ينفع مال ولا بنون إلا من أتى الله بقلب سليم وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .
أخي الكريم / جعد الوبر السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الراواية الشاعر / فواز الغسلان وجعل الله مرورك في ميزان حسناتك يوم لا ينفع مال ولا بنون إلا من أتى الله بقلب سليم وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .
أخي الكريم / عواكيس السلام عليكم ورحمة الله وبركاته وبعد : شكرا جزيلا لك على مرورك الكريم بقصيدة الراواية الشاعر / فواز الغسلان وجعل الله مرورك في ميزان حسناتك يوم لا ينفع مال ولا بنون إلا من أتى الله بقلب سليم وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
قصيدة للراوية الشاعر / فواز الغسلان
