إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه الأبيات من شعر النقائض بين الشاعر الفارس الشيخ / ضيف الله بن تركي بن حميد العفار رحمه الله وأسكنه فسيح جناته والشاعر الفارس الشيخ / شالح بن هدلان الخنفري القحطاني رحمه الله وأسكنه فسيح جناته وقد نسب الفارس الشيخ / النوري بن مهيد رحمه الله وأسكنه فسيح جناته وهو من النسابة على مستوى قبيلة الفدعان الهلالية مع قبيلة عنزة العريقة آل هدلان الخنافر مع الجحادر من قحطان وجماعة الشيخ / شالح بن هدلان رحمه الله وأسكنه فسيح جناته إلى قبيلته الفدعان الهلالية مع عنزة الربعية ويقول الشاعر الفارس / ضيف الله بن تركي بن حميد العفار رحمه الله وأسكنه فسيح جناته في قصيدته :-
يا ونتي ونة كسير الجباره=إليا وقف ما احتال وإليا قعد ونّ
عليك يا شباب ضوّ المناره=عليك ترفات الصبايا ينوحن
من مات عقب عبيد قلنا وداره=لا باكيٍ عقبه ولا قايلٍ من
تبكيه صفر (ن) ألبسوها الغياره=وتبكيه يوم إن السبايا يعنن
وتبكيه وضحٍ ربعّت بالزباره=إليا قزن من خايعٍ ما يردن
والخيل عقب عبيد مابه نماره=وش عاد لوّ راحن ووش عاد لوّ جنّ
يا شيخ ما تأمر عليهم بغاره=كود الجروح اللي على القلب يبرن
يقطع صبيٍ ما ينادي بثاره=إلى أقبلن ذلي وذوليك قــفّن
يا أهل الرمك كلٍ يعسف امهاره=والمنع ما نطريه لا هم ولا حن
فرد عليه الشاعر الفارس الشيخ / شالح بن هدلان القحطاني رحمه الله وأسكنه فسيح جناته قائلا :-
ضيف الله اشرب ما شربنا مراره=واصبر وكنّك شالحٍ يوم حزّن
راح الفديع اللي علينا خساره=وأخذ قضاه عبيد حامي ثقلهن
يمنىّ رمت به ما تجيها الجباره=اللي رمت بعبيد في معتلجهن
من نسل أبوي وضاريٍ بالشطاره=يصيب رمحه يوم الأرماح يخطن
وعبيد خليّ طايحٍ بالمعاره=عليه عكفات المخالب يحومون
وعادتنا بالصيد نأخذ اخياره=ثلاثة الجذعان غصبٍ بلا من
يا قاطع الحسنى ترى العلم شاره=لا بد دورات الليالي يدورن
حري بنا كنّه رقيد الخباره=خطرٍ عليه إليا توقّظ من الجن
ماني بقصّادٍ بليّا نماره=أجدع نطيحي بالسهل وإن تلاقن
من حل دار الناس حلوّ دياره=لا بد ما تسكن دياره ويغبن
ومن شق ستر الناس شقت استاره=ومن ضحك بالثرمان يضحك بلا سن
وإن كان ضيف الله يتعسف امهاره=فمهرنا من عصر نوحٍ يطيعن
تدنا لصبيانٍ سواة النماره=شهبٍ لماضين الفعايل يعنن
هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .
السنين القشر تخلف هقاوي من هقا...
والدهر مركز تجارب وميدان فسيح
وش بقا ماعلمتنا الليالي وش بقا...
كل يوم درس باسلوب ولسان فصيح
ياهل المعروف كل شقا باللي لقا...
والحظيظ اللي من الهم قلبه مستريح
بين لحظات المفارق ولحظات القا...
تتضح لك صورة الود بالمعنى الصريح
زبدة الخافي تبين ليا خض السقا...
والصدور اللي بها شر يفضحها الكحيح
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب