دام راسي ما خذاه الموت حيا=با جتهد والله عليه الاتكالي
طاعة الله مالها عندي حليا=كل مسلم يعتبرها راس مالي
الليالي تطوي الأعمار طيا=اردعي بلواك يا سود الليالي
كلنا في دبرة المولى سويا=والفخر والمجد في حسن العمالي
لا ريا.. لا عنصريه لا حميا=انتهت معاد للفزعه مجالي
والله إني لا هناك.. ولا هنيا=وارجي الغفران من رب الجلالي
كان لي رزقاً من المولى تهيا=ما يرده لا بعيد ولا موالي
لويجي عند اقشر العربان عيا=مير عندك يالولي يا عز والي
يا كريم له عبيد وله نبيا=أطلبك يالمقتدر تلطف بحالي
في نهرا لا دوافع ولا كنيا=عارف أصحاب اليمين من الشمالي
غير متصل
