قصيدة الشاعر الكبير حمد بن هادي المسردي رحمه الله عليه ((المال))

[المعنا]

يالله يالـلـي بـيـدك الـعــز والـجــاه= يالـلـي لـخـلات المخالـيـق رافـــي
يـا مـن خلـل عبـدك ليابـان ترفـاه= ياعـالـم ٍ غـايـة خـفـا كــل خـافـي
ألطـف بحـال اللـي تبـهـذل بدنـيـاه =وداج بجميع أنحـا النحايـا وطافـي
يطرد ورا حظٍ عليك أنـت مشكـاه= لا شك شاف من الزمان إختلافـي
من كثر ماله ساروا الناس برضاه =ولو كان ناقص قالوا النـاس وافـي
ومن قل ما بيده ترى الناس تشنـاه =لو كان يسقيهـم عسـل قنـد صافـي
فالمال كـم سـاس ٍ طمـان ٍ وعـلاه =والفقـر كـم حطـم روابــع سنـافـي
لا شك مـا للعبـد عـن حكـم مـولاه= مـن خيـر ولا شـر والـرب كـافـي
مــا كـتـب للمخـلـوق لا بــد يلـقـاه =أمـــا هـزايــم شـــر ولا عــوافــي

[كلي مشاعر]

رحم الله المسردي
قصيده كلهاحكم
وتسلم ياخوي المعناعلى النقل
تحيــــــــاتي

[خالد الشماسي]

رحم الله الشاعر رحمة واسعه


قصيدة نادرة ولها قيمة وفائدة عظمى



دمت أخي المعنا

[ابو تركي]

الله يسكنه الجنه



لا هنت يالمعنا على نقل هذه القصيده الجزله

[مروّض]

أخي...المعنا

لا هنت على نقل القصيده...و نتمنى منك المزيد..

قصيده طيبه...و ان كنت أعتقد أنها غير كامله...أي لها تكمله مفقوده...

لأن هذا النوع من القصائد بابه كبير...و أفكاره عديده...

و لأن الشاعر حمد رحمه الله متمكن و قادر على انتقاء كلماته بثقه و حنكه مميزه...فهذا ما يدعوني

الى أن أقول ما قلت...و قد تفقد التكمله من الزمن و لعدم الحفظ...و التوثيق..

تحياتي...

[ابن مشعب]

حيااااااااااااااااااااك الله يالمعنا وبيض الله وجهك على النقل الطيب



واتمنى تزودنا بقصيدة ابن هادي في الطيارة



اخوك ابن مشعب

[جبار السبيعي2]

تستاهل الرفع بدون شك

[العقاب الشنيفي]

بيض الله وجه المعنا ورحم الله الشاعر

لكن مااضن المال وحده كافي للرجال في طيبه ورداه فاالردي تكرمون ردي لو يملك مال قارون والطيب شرواكم طيب لوقل المال بيده