من يسوي سواتي ..

[QF_ksa]

حبيت اشارك في هذه القصيده و اتمنى انها تحوز على اعجابكم ..

من يســوي ســواتي يودعك في عيونه و من يحطك بقلبي مثل حبل الوريــد

و من يحبــك مثل حبي تعدا جنــونــه ليـــن قال الجنون انت بحبك وحيــد

موضعك في عيوني شوفها مع جفونه فيني الروح نبته وانت ماها الأكيد

يا سحابة شتــاي لاستــهلت مزونـــه كل يوم غلاك في وسط قلبي يزيد

و كـل بيـت بقصيدي لا تخيـرت لونــه أبدعه فيك واصف و حار فيني القصيد

و كل ما مر طيفك بــاح قلبي شجونه أجرع الآآآه حسره و انت عني بعيد

و حالتي من فراقك صدق لو يوصفونه كان جيت لحبيبك ما تركته وحيد

أشتكي لك عليك الوصل لا تقطعونـــه و ان كان ناوي فراقي شكوتي وش تفيد...

و سلامتكم جميع

[اخو شما]

أشتكي لك عليك الوصل لا تقطعونـــه =و ان كان ناوي فراقي شكوتي وش تفيد

صح لسانك
انا اشهد انها ابيات صادقه ولوحه شعريه رائعه

[البدر]

لاهنت يا QF_ksa

بيض الله وجهك وسلمت يمينك

قصيدة رائعة من شاعر مبدع

نتمنى ان انرى المزيد من قصائدك ....

اخوك البدر

[عيسى السبيعي]

الأخQF_ksa

صح لسانك على هذه الأبيات الجميله

والرائعه في الأداء والمعبره في معانيها

تحياتي

[QF_ksa]

مشكوريين اخواني
اخو شما .. البدر .. الواسطه على مروركم

و اقدر لكم ابداء الرأي و ان شاء الله القادم افضل ..