غمضة حجاج اخلفتني

[صقر بجيله]

على طريق السعد في يوم قبلت=في غمضة العين ادبرت واخلفتني
شان البخت باقدار بالغبن نطت=منها غرب نور الفرح واحرمتني
لا عشت مثل الناس ياخي و لا مت=اقـاوم الدنيـا بعـد مـا بلتنـي
احزان وهموم(ن) بقلبـي تلاقـت=حتى عن اهدافي وامالـي ثنتنـي
حافت ومالـت وانهكتنـي وذلـت=حتى على درب المخاطـر رمتنـي
واصحابنا بعد انوبت كيـف قفـت=الحال ضاقـت والرفاقـه شنتنـي
وانا عظامي مـن بلايـه تحنـت=وعاذلي بيـن الخلايـق شمتنـي
رباه من نـار(ن) بقلبـي تـورت=رباه مـن دنيـا بـلاوي لوتنـي
يا جارنـا يـا سيـدي لا تنصـت=خلاصة المعني ظروفـي حدتنـي
عوذاه من دنيـا تولـت وصفـت=وانـا حياتـي باثرهـا كرهتنـي
لو ان ربعي عن علومـي تقصـت=ما كان لانيـاب الخطـر سلمتنـي
محاجر عيوني من الدمـع جفـت=والناس تعلن كيدهـا واسمعتنـي
يا هيه انا دنياي كرت وفرت=واضحت مثل صفق البحر واشرقتني
دنياي من لحمي تغدت تعشت=عضتني ايام الشقأ واسقمتني
حاولت معها غير بالكيد اصرت=وانا ورى دكاتها كل متني
قضت على حالي وحيلي وتمت=اعوام مرت من وجودي نفتني
والناس فيني بالمثايل تسلت=ما شانها الا انا قضيه خذتني
النار جوف القلب شبت وصلت=على صلاها مثل حب(ن) قلتني
هنيت لاطيور(ن) مع الفجر غنت=تصدح وتمرح في هواها اطربتني
ربي بمقسومي رضيت وتصبرت=يا رب تنظرني بعطفك وشفـني

[الشيخ مدحت]

الأخ العزيز صقر بجيله


صح لسانك على هذه الخاطرهـ


ولكن من باب النقد البناء أحب أن أوضح لك


بأن الحجاج لا يغمض وإنما العين اللي تغمض


وأتمنى لو تركز على الأفكار أكثر في قصائدكـ


وتلاحظ ايضاً على قافية الصدر


واكرر لك شكري وصح لسانك

[صقر بجيله]

اخي العزيز الشيخ مدحت نقدك في محله وعلى عيني وراسي اشكرك على مرورك واشكرك على نقدك تقبل تحياتي