شوف كيف حديقة الموف في اليابان

[ابو سعود 99]

الأخ صالح لقد تشرفت بمرورك الكريم وكم اسعدني ذلك

[ماجد الشماسي]

لاهنت يابو سعود

مادام الدعوى فيها قهوه وعلى حساب عوض

فانا بعد بروح معكم

مايحتاج تعزموني راعي محل

[عوض السبيعي]

اخواني الاعضاء
تبين لي ان اليابان مافيها قهوة
عندهم توكل القهوة بعصيان
وشرايكم جازمين ولا هونتوا

[شبيه الذيب]

لاهنت اخوي على هذ الموضوع الرائع

يالله ياعيال جهزوا الجيب والحطب والعزبه

مشينا مشينا والله الديره هاذي ماتنتفوت خلونا نغزيهم وناخذها

ولا نتمشاء ونرجع

وشررررررررررررررررررررررررررررررررررايكم

[بندر الهديب]

ياسبحان الله كنت احسبها صور مفبركة بفوتوشوب

الا انها واضحة حقيقية تبارك الخالق المُبدع رب العزة والجلال

بس عشب بلادنا احسن على الاقل يؤكل وله منافع كثيرة

ووجوده مفرح جداً ..

والله لايخلينا من ديارنا المبروكة

ومشكور يا خوي الكريم (( ابوسعود 99 )) .

[ابو سعود 99]

الأخوة الكرام ماجد الشماسي وشبيه الذيب و بندر الهديب لقد تشرفت بمروركم الكريم وكم اسعدني ذلك وبالنسبة لعزيمة الأخ عوض الخلف ماعاد يمديه يتراجع عنها فيه قهوة ولا مافيه قهوة ترانا معزمين على الرحلة بأن الله

[عوض السبيعي]

اخوي ابو سعود
يقولون والعالم الله ان اهل اليابان
ياكلون الاوادم ويحبون الكوارع الادمية
ويفطرون على اصابع الاوادم
هاه الى هالحين جازمين

[ماجد الشماسي]

المشاركة الأصلية كتبت بواسطة عوض الخلف

اخوي ابو سعود
يقولون والعالم الله ان اهل اليابان
ياكلون الاوادم ويحبون الكوارع الادمية
ويفطرون على اصابع الاوادم
هاه الى هالحين جازمين

هههههههههههههههههههههههههه

والله ماعاد نروح ياكلون الاوادم

لاحول ولا قوة الا بالله