:Untitled-
رحمك الله يا / ابوعلي رحمه واسعه
هذه قصيده للشاعر / محسن بن علي بن جغيثم رحمه الله
والقصيده لها قصه بعد ان اشتد عليه المرض وبعد خروجه من المستشفي رغب ابناء الشاعر الترويح عن المرحوم بالسفر الي اي مكان هو يرغبه
وخرجت هذه القصيده
أنــا مرغـب الــفلــه ولا فــنـدق خمس نجوم = ولا ساحل الكورنيش وشاطـئ نصف القـمــر
أحب الصحاري الجرد ومرقاًً بروس رجــوم = ليا علها الوســمــي وصارت روضٍ خـضـــر
وريــــح الخــزاما والــنفــل خالـطـه قيصـوم = وشوف الجـــوازي يــوم تـرعي بإرضٍ قــفر
وطرد الحــبارى مع دكــاكـٍ وصـفــح حــزوم = إمــا مع بــزوغ الــشــمـس وإلا بعـد العصـــر
وأنـــا فــوق كــفــي أشـقــر لـلـطـلـوع يزوم = عــدو الـحـباري لا نــطـلــق مـخـلـبـه خــطــر
وخـــوة نــشــامــا بـالـمـحـافـل عـيـال قـروم = خـفـيـفـيـــن دم وشــوفــهــم يـــعـجـب الـنظـر
وبــيــتٍٍ مــروبــع لا بـنـي هـيـكله مرســــوم = تــقــول الــســحــابــه يــوم تـنشي غيم ومطر
وذودٍ يـــجــي تــسـعـين لاحــت علـيه وسوم = عــلــيــه الـمـطـارق شـكــلت رقـم أحدْ ,عشـر
مجاهــيــم جل ٍ صـاغــهـــا الــواحــد الـقيـوم = وفــيــهــا رمــوز الـــوان مــن صفـر وعــفــر
فــحــلـهــا من الفصّـام مشري بسبع ارقـوم= دخــل خـــانـة الــمــلــيــون واحد ستــه صفر
عــمــيــق ٍ ســواده والــشعر كالحلق مبروم= وعــنـقــه يـجي مـتـرين وعـشــره صنتي متر
وجــرمه تقول اسطول وسـط الــبحـور يعـوم= تــطير الجنــــب والحشــو لامــن هاج وهـــدر
وعــرنون خــشــمه سـلة المرهـف الصاروم = واذانـيـه روس إحـراب وخـده عـرضـه شـــبر
رحمك الله
ياوالدي
اللهم ارحمه وعافه واعفو عنه ياكريم
امين
غير متصل
