يالمتوهج

[بحر الشوق]

لاهنت يالمتوهج

لو ما تفهم المقصود منت معذور=رح لمرزوق قله مالذي ومره
كم خصم في نهار الحرب يحفر قبور=لاكن اليا حضرنا فالقبر نقبره

[smart]

الله الله عليك ياابحر الشووق

بداااااايه راائعه من شااعر جزل

ننتظر الشااعر المتألق حقأ المتووهج



الصفووووووووف جاهزه

تحياااااااااتي لكم

[المتوهج]

لو ربي عطاك شوي شعر وشعور=كان مافيه شاعر ماتجيب خبره
يالعميل القديم احذر تلف وتدور=انت ماتدري ان رجلينك مجبره

[المتوهج]

سمارت

حضووووووورك ومتابعتك شرررررررررف كبير لنا
يسعدنا تواجدك

[بحر الشوق]

ليه ضيع هدفها راح يم الكسور=كلما جاب حجة جات فوق ظهره
امتوهج واعرف من كبار الصقور=مير لا شاف وجهي انقلب حمره

سمارت لاهنت على مسكت الصفوف بيض الله وجهك

[المتوهج]

ادري انك غشيمٍ في جميع الامور=استرح يابحر والزير لاتنقره
متوهج واغوص بوسط سبع البحور=والتفت للنشاما ماالتفت للمره

[بحر الشوق]

اه ياما نقرته واوضعك فالثبور=ما استرح لين عضمك بالنجر اكسره
كيف ما تلتف وانتا اهي فالخدور=غاص ثمن غرق يبغا احد يظهره

[المتوهج]

يمسي الحر حر ويصبح الكور كور=وانت كورٍ يبي له كور له خنفره
والله اني لكم عله تسد النحور=كل منكم لزوم اصنفره صنفره

[بحر الشوق]

انت حرٍ لكنه هاب كل الطيور=كيف كورٍ وهو عمك ياابو البربره
هو عله على الورعان ويا البزور=اما حن لاحضرنا والله ان نحشره

[المتوهج]

انت خالي وعمي شاعرٍ ومخبور=والسوالف معك ماجالهن ثمره
كيف تبغى تحشر الناس وانت محشور=ماسكك مسكة الجزار للحنجره