المراجل كايده

[جزل العطايا]

	المراجل يامحمـد تبـي وسعـة صـدر ماتبي رجل(ن) على طول لاعبّا يثـور اقمع النفس الضعيفه وراقـب وانتظـر واعرف ان الكايده تنكسر عند الصبور انثر القوه على الحلم يصبح لـك قـدر لاتفكك ذيّ عن ذيّ تدخل فـامحظـور مهب معنى ذا توطّـي ارقبتـك للبشـر عز نفسك لاتولّـي فـالملاقـا دبـور لويزيد الوقت جوره وحظـك ينصهـر لاتحطم / رد / حاول / وخطط للعبـور ضيّر الصعبه على السهله وخلّك حـذر لاتماري بانتصارك ويذبحـك الغـرور لازم انك اتحشم عمرك عن الوجه الودر واللسان حصان لاطاش يلحق بك قصور مد يمنـاك لرفيقـك الـى جـا يعتـذر واكسبه في قولة انك امسامح وامعـذور قدّم الجزله على اللـي يخالطهـا قشـر في المجالس فل دايم احجاجك للحضـور لاتواجه عسر في لين .. أو لين بعسر انتصفها خل ميلتـك تذكـرة المـرور لاتحاقر أي كلمه لو انهـا مـن بـزر مايحكم الهرج أيـام وسنيـن وشهـور لاتخطّـم لاتحاكـى عليـه .. وتنفجـر اتركه لين يتكلم وعقّـب فـي سـرور لايغط النوم عينك مـع فـرض الفجـر واطلب الله جعل ياقاك صكـات القبـور لاتباسى في صلاتك على ان دينك يسر الولي متوعّد اللي قضى فاسـق فجـور افتح المجلس ولحّن على صوت النجـر اغد ملفى للمشاكيل وعيـال الصقـور كرّم الطّرقي الى جـاك تعبـان وسـدر قل تقهوى ثم تعشى وهات اله البخـور خل صيتك يقهر البخـل ويعـز الفقـر خل من صرّ الدنانير أعصابـه تفـور فـوق هـذا ياكحيـلان خلّـك تدّهـر مع قصيرك لاتـردد بتضبيـط الأمـور لنشغل عنّـك تمـرّه وتنشـده الخبـر ياعسى ماشر علامك ياغايب ماتـزور ان تضايق يوم فرّج عليه امـن الكـدر وقّف بحالك ومالـك وصامـل ماتبـور والوصل في والدينك مثل غصن الشجر لونه أبطى مارويتـه بيذبـل ياامعثـور ان جحدت احسانهم يوم تندم لك دهـر والليالي لازم انها على الظالـم تـدور والجناحين احرص انها تعيب وتنكسـر مايهد الطير من غيرها لونـه جسـور الأخو لوّك بتهديه مـن عمـرك عمـر ماتوفّي .. لنه لك لبّ ولغيـرك قشـور خذ وأنا عمّك كلامي نصيحـه واعتبـر مايخسر (ونعم) رجّال في الشدّه صبور

الشاعر / فهد بن عبدان الهاجري