البرامج المجانية والكمبيوترجميع مايتعلق بالبرامج والكمبيوتر والانترنت المجانية ولا يسمح بوضع وصلات تحميل من مواقع غير مركز تحميل شبكة سبيع الغلباء فقط يمنع وضع كراكات أو برامج مضروبة
اللي يبي يضحك يدخل ويشوف قصتي مع {{هكر بيه}} لكن تكفون يا ربعي لا تخلوني أفزعوا لي
جميع مايتعلق بالبرامج والكمبيوتر والانترنت المجانية ولا يسمح بوضع وصلات تحميل من مواقع غير مركز تحميل شبكة سبيع الغلباء فقط يمنع وضع كراكات أو برامج مضروبة
اللي يبي يضحك يدخل ويشوف قصتي مع {{هكر بيه}} لكن تكفون يا ربعي لا تخلوني أفزعوا لي
كُتب : [ 06 - 11 - 2006 ]
إخوااااااني الكرااااااام
إخواني عندي مشكلة أعاني منها منذ ما يقارب الأسبوعين وهي أنه حصل إختراق من قبل أحد الهكرز الملاعين للمنتدى الذي أنا مراقب عام فيه وقد تمكن من كتابة موضوع يعلن إختراقه للمنتدى وأستيلائه على صلاحيات المراقب العام وهو أخوكم {{العبد لله}} وقام بإعلان تحديه لمن في المنتدى وقام بتهديد جميع أعضاء الإدارة بأنه سوف يحصل لهم كما حصل معي
وقد تفاجأت مما حصل لأنني لم يحصل مني ما يسيء لأحد وحتى مسألة كوني مراقب عام فقد أجبرت عليها عندما أتصل علي شخص له مكانه خاصة وعزيز علي وطلب مني أن أقبل بأن أكون مراقب عام للمنتدى وحتى من خلال كوني مراقب لم أستعمل صلاحياتي ولم أسيء لأحد أو يحصل خلاف بيني وبين الأعضاء وكنت أتعامل معهم على أني عضو ولم أعمل مثل بعض الإخوان الذين لا يعرفون إلا الحذف والوقف والتوبيخ والإنذار وأنا من خلال كل ما ذكرته لكم هو حتى تعرفوا أنني ليس بيني وبين أحد مشاكل ولا عداوة ولله الحمد
المهم ليت الأمر وقف عند هذا الحد ولكن تفاجأت بالأخ المحترم {{هكر بيه}} يستولي على 2 من أيميلاتي وهي على الهوتميل وهي أيميلي الأساسي ومعه أيميل إحتياطي علماً أن لدي 3 أيميلات على الهوتميل وواحد على الياهو ولا أستعمل سوى واحد وهو الرسمي في جميع المنتديات واثنين تركتها احتياط علشان إذا طردني {{أبوعمــر}} أو وقفني أستعملتها علشان أنط له كل شوي وأرفع ضغطه ولكن نصره الله بهذا الهكر وأحتلها {لا تصدق يا أبوعمر }
تخيلوا يالربع ويش اللي سواه أخونا في الله علشان يرفع ضغطي صار يشغل ايملي ويحط رجل على رجل وكل ما دخل عليه واحد من الشباب عطاه دش على مستوى ويقول له بلغ أبو نواف يسوي له أيميل جديد ويدخل يتفاهم معي هذي والله المصيبة يعني ما كفاه إنه غسل بي بلاط المنتدى وفضحني ختمها باستيلائه على بريدي وشردني مثل تشريد الفلسطينيين
المهم دخلت عن طريق أيميل واحد من الإخوان وقلت أشوف ويش يبي مني هكر بيه الله لا يوفقه سلمت على أخينا في الله وقلت أسوي فيها ذكي بأسأل عن أبو نواف وأشوف الرجال ويش يقول المهم ما أمداني أسلم إلا وهو ناط فيني مثل أبليس وأنا حفظت المحادثه معه تابعوها وأضحكوا واللي ما وده يقراها بكيفه وهذا جزء من المحادثه وطبعاً اللي أسمه ((((((((( أبــو نــواف ))))))))))) هو الملعون اللي محتل أيميلي ويتكلم بأسمي وطبعاً حطيت تعليق على بعض كلامه معي علشان أخفف من النار اللي في صدري منه
al:
السلام عليكم ورحمة الله
((((((((( أبــو نــواف ))))))))))):
وعليكم {{شوفوا الرد المحترم بغى يمسكني بحلقي ههههههههههه}}
al:
ويش أخبارك
((((((((( أبــو نــواف ))))))))))):
من تبي يا خوي {{بسم الله الرحمن الرحيم بغيت أقفل الماسنجر وأنحاش}}
al:
أبي أبو نواف أنت أبو نواف
((((((((( أبــو نــواف ))))))))))):
لا للاسف {{وليه للأسف وأنت مأخذ أسمي يا ...........}}
al:
من أنت
((((((((( أبــو نــواف ))))))))))):
وامسح الايميل هذا صار مهوب له {{يا قو عين الملعون}}
al:
ليه
((((((((( أبــو نــواف ))))))))))):
من اليوم وانا مخترقه ومخترق الايميل الثاني له
((((((((( أبــو نــواف ))))))))))):
مسئله عناد وتحدي فيه شي {{يرد على نفسه أخينا في الله}}
al:
ليه ويش جاك منه
((((((((( أبــو نــواف ))))))))))):
ما جاني منه شي {{شوفوا البجاحة والجراءة والنذالة}}
al:
يعني المسألة عداوة وإلا بداوة {{بأسوي فيها خفيف دم}}
((((((((( أبــو نــواف ))))))))))):
بس اذا سواله ايميل جديد يضيف الايميل هذا عنده ونتفاهم {{على ويش نتفاهم هذي والله المصيبة يسرقني ويبي يتفاهم}}
al:
طيب أنا أبو نواف ممكن أعرف ويش سالفتك معي {{طبعاً هذي لحظة شجاعة وما أدري وشلون قلتها}}
al:
الوووووووووووووو {{أخينا في الله أخذ حوالي خمس دقايق من المفاجأه ما رد}}
((((((((( أبــو نــواف ))))))))))):
هلا هلا {{يرحب بي بعد اللي سواه وسرقته لي}}
al:
والله يا أبن الحلال ما أدري فيها هلا وإلا غيره لأن قصتك معي قصة الله يعطيني خيرك
((((((((( أبــو نــواف ))))))))))):
شكرا {{المهبول يحسبني أمدحه ومبسوط أخينا في الله}}
((((((((( أبــو نــواف ))))))))))):
هاه تقدر ترجع الايميل هذا {{يتحداني أبن الحراااام ما يدري إني ثور الله في برسيمه وإلا ما كان سرقني}}
al:
ويش سالفتك معي وراك شردتني مثل الفلسطينيين
((((((((( أبــو نــواف ))))))))))):
مرسلني عليك واحد بالعربي
((((((((( أبــو نــواف ))))))))))):
والا انا ما بيني وبينك شي
al:
يا أخي الأيميل يفداك إذا هو معجبك بس أنا ودي أعرف ويش اللي حصل مني علشان تسوي معي كذا وبعدها الله يستر عليك أنت والأيميل {{مع إني أغلي علشان الإيميل لكن والله إني صادق}}
al:
ولو تبي أسوي لك كم واحد ما عندي مانع {{لو طلب سويت له عشرة أيميلات بس أعرف ويش سويت}}
((((((((( أبــو نــواف ))))))))))):
انا اقول فيه شخص ارسلني عليك
((((((((( أبــو نــواف ))))))))))):
وانا ما كنت اعرف شخصك الكريم من قبل {{مؤدب الأخ المحترم شوفوا كيف إحترامه لي}}
al:
طيب يا أخي أنت تمتحن لك إنسان بس لمجرد إن واحد دازك عليه بدون تعرف الأسباب اللي تخلي الإنسان هذا يكرهه
al:
ما تشوف إنك سلمت عقلك لواحد يتحكم فيه وصرت مسلوب الإرادة
((((((((( أبــو نــواف ))))))))))):
انا مالي اي دخل
al:
وشلون مالك أي دخل هذا ما هو كلام عاقل
((((((((( أبــو نــواف ))))))))))):
وش المطلوب مني {{يسألني ويش مطلوب منه كأنه ما سوى شيء وكأني جاي أقدم عليه معروض مساعدة}}
al:
إلا أنت أصبحت في الواجهه وصرت الخصم لي واللي مرسلك ما أحد درى عنه
((((((((( أبــو نــواف ))))))))))):
صحيح {{مقتنع بكلامي الأخ منتهى العقل والله}}
al:
إلا أنا ويش اللي مطلوب مني لأني ودي أعرف على الأقل ويش الذنب اللي سويته علشان أحد يتقصدني بالطريقة هذي
((((((((( أبــو نــواف ))))))))))):
مدري {{مسلوب الإراده ولا يدري ليه خويه أرسله يبتليني ويحتلني ههههههههههههههه}}
al:
وحسب ما أعرف عن نفسي إني ما لي أعداء ولا عمري غلطت على أحد {{وهذا اللي أنا واثق منه}}
al:
يا أخي أقسم لك بالله ما همني الإيميل لكن اللي يهمني هو إني أعرف ويش اللي سويته من خطاء سواء عليك أو على من دزك علي وبدون حتى أعرف شخصيتك {{وهذا والله اللي أتمنى أعرف جوابه ولو أدفع له اللي يبي}}
المهم المحادثة طويله بيننا وكان الأخ منتهى الأدب معي شوفوا نهايتها ويش صار بس تكفون لا تضحكون علي وتسمعوني كلام يرفع ضغطي ويزيد همي}}
al:
المهم يا أخي أقسم لك بالله ما همني الإيميل لكن اللي يهمني هو إني أعرف ويش حصل مني
((((((((( أبــو نــواف ))))))))))):
لك عداوه مع شخص في منتدى .........
al:
لا الحمد لله ما لي أعداء لا في منتدى {{..........}} ولا غيرة
al:
أنت معي
((((((((( أبــو نــواف ))))))))))):
نعم
al:
ويش فيك ساكت وإلا جالس تستعرض الجهاز {{الظاهر الملعون جالس يفتش ملفاتي}}
((((((((( أبــو نــواف ))))))))))):
لاوالله {{على قول إخوانا المصريين قالوا للحرامي أحلف}}
((((((((( أبــو نــواف ))))))))))):
صحيح اخترق لكن ما اطلع على شخصيات الناس {{ماشاء الله على التربية الصالحة منتهى الأدب}}
al:
عادي والله لأن ما عندي أسرار خذ راحتك أهم شيء لا تدمر الجهاز لأني ما عندي قدرة أعوضه
al:
الحقيقة أنت شخص غريب
((((((((( أبــو نــواف ))))))))))):
لا تخاف هذه ليست من اخلاقي {{يمدح أخلاقه وإنه ما يحب يتجسس على الناس هذا والله منتهى البرود}}
((((((((( أبــو نــواف ))))))))))):
وأترك اسلوب التحقيق من اجل الخروج بمعلومه مفيده لا تحاول
al:
طيب وشلون تبغى أتكلم معك لأني والله محتار منك ومن كلامك
al:
الووووووووووووووو {{أخينا في الله ساكت محتار ما يدري ويش يرد علي به}}
((((((((( أبــو نــواف ))))))))))):
نعم
al:
وين رحت
((((((((( أبــو نــواف ))))))))))):
ماذا تريد {{حلووووووووووووووه منه ما يعرف ويش أبغى}}
((((((((( أبــو نــواف ))))))))))):
حلوه صح {{الأخ أنتبه إنه هو الحرامي والمعتدي وأستخف دمه}}
al:
سبقتني {{طلعت مني وأنا ميت من الضحك رغم الضغط اللي أنا فيه}}
((((((((( أبــو نــواف ))))))))))):
كلك ذوق {{المروح يحسبني أمدحه يقول كلك ذوق ما يدري إني أستهزيء بكلامه}}
al:
لأني ودي أعرف ويش المطلوب مني
((((((((( أبــو نــواف ))))))))))):
الايميل هذا انساااااااااااااه لين يجيني الاذن بتسليمه لك {{ينتظر أوامر عليا هههههههههههه}}
al:
ليه أنت تمشي بالأمر وين عقلك ووين إرادتك وإلا مسلوب الإرادة
((((((((( أبــو نــواف ))))))))))):
قصدك هذه خدمه اسويها لصديق عزيز لا تربط الامور
al:
وبعدين القضية ما هي قضية الإيميل الأهم والله العظيم هو إني أعرف الذنب اللي حصل مني علشان يصير لي أعداء بالشكل هذا
((((((((( أبــو نــواف ))))))))))):
خلاص اسئلك وارد لك خبر {{يبي يسأل عمه ويستأذن منه شفتوا الهم اللي أنا فيه}}
al:
الخدمة وأنا أخوك للإنسان اللي تعزه هي إنك تساعده على الخير ما تعينه على الشر وإلا كلامي خطاء
((((((((( أبــو نــواف ))))))))))):
حنا اخذنا الايميل وبنرجعه ولن نظرك في اي شي لا تخاف {{يطمني الأخ وشلون أستأمنك يا أسود الوجه}}
al:
تدري ويش اللي أخاف منه
((((((((( أبــو نــواف ))))))))))):
نعم
al:
أنا أخاف إني بدون قصد كسبت أعداء مثل الأخ اللي دزك علي وأنا ما أدري لأني أقسم لك بالله وأنا أحلف لك ماهو خوف وإلا لقصد ولكن حتى تصدقني في كلامي وهو إني ما عمري غلطت على أحد أو ضريت أحد وأنا متعمد
al:
علشان كذا أنا محتار من اللي صار وأتمنى أعرف الخطاء اللي حصل مني
((((((((( أبــو نــواف ))))))))))):
كلامك فوق راسي انا ما ادري عن اللي بينكم {{شوفوا الأدب وشلون لكن العذر أقبح من الذنب}}
al:
يا أخي والله العظيم أنت إنسان غريب وعجيب
((((((((( أبــو نــواف ))))))))))):
انا وش المطلوب مني {{يسألني قوي الوجه جاي أخطب منك أنا ودي ترجع اللي سرقته يا حرامي}}
al:
كلامك يدل على إنك إنسان مؤدب ومحترم وأبن ناس ولا تقصد تضر أحد {{دخلنا في المحايل يمكن يجيب فايدة}}
((((((((( أبــو نــواف ))))))))))):
شكرا لك
al:
لكن إنقيادك بالشكل هذا للشخص اللي دزك علي وكونك تسمع كلامه هذا اللي محيرني
((((((((( أبــو نــواف ))))))))))):
هذا شخص عزيز على وطلب مني الشي هذا وشرطت عليه انه ما يتصرف في اي شي يضرك من خلال الايميل وانه وعدني يرجع الايميل لك ومن ذااان كذا انا وافقت {{عندك ضمير وتخاف الله يعني تسرق ولا تسلم المسروقات لشريكك}}
al:
لأن الصداقه ما هي بالطريقة هذي وصدقني مهما كان حبي للشخص ومعزتي له ما راح أسمع كلامه أو أطيعه على مضرة إنسان بالعكس من واجبي إني أنصحة وأحاول أدله على الطريق الصحيح
((((((((( أبــو نــواف ))))))))))):
هذا شخص عزيز على وطلب مني الشي هذا وشرطت عليه انه ما يتصرف في اي شي يضرك من خلال الايميل وانه وعدني يرجع الايميل لك ومن شااان كذا انا وافقت وطعته {{بلش الغبي وجلس يردد كلامه}}
al:
تدري كم ايميل عندي أنا عندي حوالي 5 ايميلات وما همني الأيميل أنا مهتم أكثر أعرف ذنبي ولو تابعت المنتديات اللي أنا عضو فيها تشوف إني ما عمري غلطت على أحد أو جرحته
al:
على فكرة الأيميل هذا ترى ماهو لي والله إني دخلت بأسم واحد صديق علشان أقدر أتكلم معك
al:
فلا تحاول تضيفه للأول لأن صاحبه ما يستأهل {{خفت لا يعجبه أيميل الرجال اللي مسوي معروف ويلحق أيملاتي وأتفشل في الرجال}}
((((((((( أبــو نــواف ))))))))))):
h joht hkh uahk lh jr]v jtjp hghdldg i`h .d hglvhj hgshfri hojvrj hghekdk {{صار يتخبط في لوحة المفاتيح وضيع العربي في الإنجليزي أثرني خطير وأنا ما أدري}}
al:
وبعدين ليش مغير الصورة وحاط لي هالحمير هذي {{الملعون الله يكرمكم شايل الصورة اللي في الماسنجر وحاط لي صورة حمير والظاهر يقصدني فيها لأنه لقى له حمار مثلي يسرقه}}
al:
وراك قمت تشكل {{والله إني مهبول رحت أستفزه وما خفت يضرب الجهاز عندي ويسكته}}
((((((((( أبــو نــواف ))))))))))):
اللي اخره 155 و166 كلها تحت السيطره لا تخاف مخترقها عشان ما ترجع الايميل زي المرات السابقه {{طبعاً جت معي صدفه ورجعتها كم مرة لكن الكلب الظاهر حاط ملف تجسس في الأيميل وكل ما غيرت الرقم وسؤال التعرف يجيه نسخه منها ولا أحصل إلا التعب وضحكه علي}}
al:
لا تخاف فيه غيرها {{أعلمه إن عندي غيرها من هبالي}}
al:
والمسألة ماهي في الأيميل وأعتقد إني وضحت لك كلامي
((((((((( أبــو نــواف ))))))))))):
خلاص خلني اعرفها وابشر باللي يرضيك {{ويش يقصد يعني يبي يعرف الأيميلات الثانيه علشان يعميني وإلا ويش قصده}}
al:
والله العظيم كل شيء يهون إلا إني أعرف إني كسبت لي أعداء يحقدون علي بالطريقة هذي
((((((((( أبــو نــواف ))))))))))):
انت وش زاعجك علي الايميل بيرجع لك {{شوفوا برودة الدم عنده}}
((((((((( أبــو نــواف ))))))))))):
هاذي كلمه المرور حقت ايميلاتك واسفين على الازعاج يا ابو نواف {{كلامي معه نفع ما ني مصدق}}
((((((((( أبــو نــواف ))))))))))):
alm7rom2007
al:
لا لحظة واللي يرحم والديك
al:
لو سمحت ممكن طلب
((((((((( أبــو نــواف ))))))))))):
وكلمه المرور هي نفسها الكتابه اللي كتبها باسمك في المنتدى تحت
((((((((( أبــو نــواف ))))))))))):
alm7rom2007
al:
طيب لو سمحت ممكن اطلب منك طلب
((((((((( أبــو نــواف ))))))))))):
ولا تزعل علينا {{يعتذر ولا يبغاني أزعل}}
((((((((( أبــو نــواف ))))))))))):
وانا اعرف انك تقدر ترجع ايميلك
((((((((( أبــو نــواف ))))))))))):
لكن حنا اللي بدينا وحنا بنرجعه وبنتاسف {{يعترف بالخطاء ويبي يسوي فيها إن عنده أخلاق ومحترم}}
al:
طيب ليش ما ترد علي يالحبيب
((((((((( أبــو نــواف ))))))))))):
والله اني ما ابيك تزعل مني لكن خوييي كان قصده يمزح معك ولا قصده يكرهك وتراه يعزك ويقول ابيك تسوي فيه مقلب بس {{الله يلعنها معزة اللي تخلي الواحد يسوي مثل ما سوى المحترم بالله هذا عذر}}
al:
لا هذا ما هو الكلام وأنا أخوك المزح ماهو بالطريقة هذي
((((((((( أبــو نــواف ))))))))))):
من شان كذا ابيك تعرف انه ما يكرهك وانه يعتبرك واحد من اخوانه ومن شان كذا قال سو فيه مقلب {{كلام عجيب وغريب لهذي الدرجة وصلت عقول الناس}}
((((((((( أبــو نــواف ))))))))))):
alm7rom2007
al:
لا والله ما هو من إخواني ولا أتشرف يكون من إخواني {{صحيح إني وجعان جالس أستفزه}}
((((((((( أبــو نــواف ))))))))))):
هههههههههد {{مبسوط أخينا في الله}}
al:
أنت تدري ويش سويتوا فيني
((((((((( أبــو نــواف ))))))))))):
وش سوينا
al:
والله يا أبن الناس ويش أقول لك أنتم أخترقتوا المنتدى عن طريقي وخليتوني ضحكة للقريب والبعيد وأستوليتوا على أيميلي وما أدري بعد ويش سويتوا لي من فضايح {{يعني يا جماعة الخير مسحوا بي بلاط المنتدى بكل أسف}}
al:
وبعد هذا تقول الرجال يعتبرني مثل أخوه أجل لو أنا عدوه ويش بيسوي فيني {{ياليت أعرف الجواب}}
((((((((( أبــو نــواف ))))))))))):
ما ادري
((((((((( أبــو نــواف ))))))))))):
المهم انا سلمتك ايميلك ولا ابيك تزعل علي {{لا وعينه قويه كأنه ما سوى شيء}}
((((((((( أبــو نــواف ))))))))))):
وهنا كلمة المرور alm7rom2007
al:
أنا والله العظيم ما عمري حقدت على أحد ولا حاولت أجرح أحد وأقسم بالله إني أحترم كل إنسان لأني أعرف إن كل إنسان له كرامة وإحساس وأخر الأمر يصير لي كذا والله مصيبة {{لحظة صدق وأبغاه يحن علي ويقول لي من دزه علي}}
((((((((( أبــو نــواف ))))))))))):
هذا حال الدنيا
al:
لا والله هذا حال النت واللي فيه ليش نحطها على الدنيا {{يعني الهكرز مثلك يا غبي}}
((((((((( أبــو نــواف ))))))))))):
المهم انا ابيك تحلل مني {{الرجال يخاف الله وطالب إني أسامحه}}
al:
لا والله الله لا يسامحك ولا يسامح من أرسلك علي والله يحطها بين عيونكم وينتقم منكم عاجلاً غير آجل
((((((((( أبــو نــواف ))))))))))):
اف
((((((((( أبــو نــواف ))))))))))):
ليش
al:
لأني ما ضريتكم بشيء وأنتم اللي ضريتوني
((((((((( أبــو نــواف ))))))))))):
طيب وحنا نبيك تجي احسن منا {{والله إني أحسن منكم لكن ماني مسامحك يبي يضحك علي الأخ}}
((((((((( أبــو نــواف ))))))))))):
على اعموم فرصه سعيده وايميلك استلمه مع السلامه {{إلا فرصة تعيسه ومثل وجهك أه بس لو تطيح في يدي والله لأبرد كبدي فيك يا ملعوووون}}
al:
لا والله ما أسامحكم لين أعرف من أنتم وبعدها والله العظيم لأسامحكم دنيا وآخرة
((((((((( أبــو نــواف ))))))))))):
مع السلامه واللي لك عندنا خذيته
((((((((( أبــو نــواف ))))))))))):
ونسئل السمااااح من الله وليس منك
((((((((( أبــو نــواف ))))))))))):
مع السلامه
al:
بس اللي عند الله باقي ما خذيته والله يعجل به
{{هذا ردي الأخير عليه مثل الضعيف اللي لا حول له ولا قوة هذا والله الغبن يا رياجيل اللي صرنا مثل العجز ما لنا حيلة إلا الدعاء لأني ما أقدر أصيده وإلا كان والله العظيم إني لأتوبه عن هذي الحركات}}
المهم لا تنبسطون وتقولون كفاك الله شره لأن الأخ رجع بعد يومين وتحسف إنه صار كريم معي ودخل للمرة الثالثة للمنتدى وأحتل ألأيميلات مرة ثانية شفتوا الأناسة اللي أنا فيها الأخ ما له شغله غيري ترك جميع الخلق وتفضى لي والمصيبة والطامة الكبرى إني أنا وأياه مسابق على الأيميلات يحتلها اليوم وأحررها بكرة وعلى هذا المنوال لي أسبوعين وجربت كل طرق الحماية وغيرت جميع المعلومات مثل سؤال التعرف وتاريخ الميلاد وكل ما يخطر على بالكم حتى الدولة جليت عنها وصرت في الدول العربية مشرد
وآخر أخباري معه أسترديت أيميلي الرئيسي بجهودي الفردية وحطيت كلمة سر قوية حسب ما ظهر في قوة كلمة السر وحذفت جميع مافي البريد من رسائل بما فيها رسائل المنتديات وفرمت الجهاز وحطيت له أقوى برنامج لمكافحة الهكرز أعتقد أسمه كاسبر أنتي فايرس مع برنامج ثاني والله ما أعرفه لكن اللي أعرفه إن المهندس تعهد لي إنه لو دخل على الجهاز سوف يتحمل النتيجة كاملة وشهدت عليه والآن لي يومين من تحريري للأرض قصدي الأيميل وغيرت كلمة المرور بالمنتدى اللي حصل فيه الإختراق مع العلم إن الإختراق للمنتدى حصل أثناء تحديث المنتدى وترقيته ولم يكن فيه جدار ناري أو جدار الحماية وقد أتصلت على مدير الشركة اللي عملت الصيانة لأنه صديق وأكد لي إن الإختراق تم من داخل المنتدى وإنه واحد من الأعضاء أو ............... بلاشي أكمل أفهموها
الشيء العجيب والغريب إني لفيت على جميع المحلات المختصة في الكمبيوترات والأنترنت وكذلك الشركات المختصة في برامج السوفت وير والشبكات والمنتديات وأمهر الفنيين والخبراء وشرحت لهم المشكلة وأنا في غاية الخجل وكلهم أكدوا لي أنه لا يتغلب على الهكر إلا واحد مثله يعني هكر ورايح يأدبه والظاهر قصدهم إنه يحطني تحت حمايته ويخلي الملعون يبعد عني لكن المصيبة إن اللي أستفزعه يطمع في ويستلمني مثل الأول علشان كذا قلت ما ينفعني إلا عيال عمي وربعي وحتى لو طمع في رفيقي أشوى تنبلع ولا يبدع في واحد ما أعرف له أصل
فيه شيء كنت ناسيه وهو إن أكثر اللي مريت عليهم وسألتهم قالوا لي أحمد ربك لأن الهكر اللي حاسك توه مبتدي ولا عنده خبره يعني توه {{نونو}} عساه ما يكبر الملعون بدليل إني كل مرة أقدر أرجع الأيميلات وأنه ما قدر يخرب جهازي أو يضربه وهذا اللي يسوونه الهكرز اللي عندهم خبرة
الله يلعنهم إذا هذا مبتدي و{{نونو}} وهستر بي لعبني على الحبلين وضحك العالم علي أجل ويش حالتي لو طحت في المعلمين الكبااااااار يا ويلي ويلااااااااااااه الله يستر منهم
تكفوووووووووون يا ربعي الحقوا علي والهكر منكم لا يستحي يعطيني الحل لو في رسالة خاصة وله مني اللي يرضيه والله إني شاك في مجموعة وعندي إحساس إنهم هكرز وماني هاين عليهم وأولهم مشعاااااب وأبو عمر والدعم الفني {{لاتزعلون يالربع تراني أمزح المشكلة لو يصير كلامي صحيح وتزعلون منه وليني ما سلمت من النونو يطلع لي الفتوات يالله إن تستر
المهم يالربع تراني والله أحاول أخفف عن نفسي بالمزح من المصيبة اللي أنا فيها ووالله ما قضيت ساعات وأنا أكتب هذا الموضوع عشق للبربرة والكتابة ولكن قصدي تفهمون وضعي وتلحقون أبن عمكم تكفون يا عصابة رأسي تكفون يا عيال الغلبا
و
تقديري لكم جميعاً
أنـت الزائـر لمواضيعـي
{{رقـــم}}
التعديل الأخير تم بواسطة أبونواف{الثوري} ; 07 - 11 - 2006 الساعة 02:12
اللي يبي يضحك يدخل ويشوف قصتي مع {{هكر بيه}} لكن تكفون يا ربعي لا تخلوني أفزعوا لي
كُتب : [ 07 - 11 - 2006 ]
أفااااااااااا يالربع اللي دخلوا الموضوع عددهم تجاوز الستين ولا واحد منكم قدر يساعدني ويفزع معي أو حتى كلف نفسه يكتب كلمتين لو من باب المجاملة يرفع بها معنوياتي
والله إنكم حيرتوني وما أدري هل أمتناعكم عن المشاركة هو إنكم مثلي ما عندكم حل وخايفين لا أحد يضحك عليكم وإلا معجبكم اللي حصل لي وودكم تفرجون علي وعلى اللي يصير معي مع هالملعون
على العموم أبشركم اليوم أسترديت الأيميل الثاني المسروق وبدون مساعدة من أحد وغيرت جميع معلوماته لا تسألوني وشلون لأنها جت صدفة ومثل ما يقولون أهل الغربية {{تجي مع الهبل دبل}} ولا تسألون ويش معنى المثل لأني ما أعرفه لكن دبلوا كبودنا الحجز به
غير متصل
