ســلام من ديــرة الغلبا وأهليــــها ***** نــــرفع تــحية لقـــــــايدنا ومــــــــولانا
عبدالله اللي نفوس الناس مرضيها ***** وبعده نحيـــــي ولــــي العــــهد سلـــطانا
وإنــا فــخورين بالــغلبا وطـاريها ***** كـــــنية لنـــا والاصــل والاســـم سبـعانا
قبيــلة عــزها الله فـوق اراضــيها ***** وحــــنا جنــــود الوطــــن حنــا وغلـبانا
والبــادية تحــتفل بأحلــى ليـــاليها ***** وامـــــيرنا مشــــعل آل ســـعود يـرعانا
رعــاية نومســتنا في مـــعانــــيها ***** مــــاهي غريــــبة علــى ذربيـن الأيمانا
ربط التواريخ حاضرها وماضيها ***** تـعـــــــمنا كلنــــــا حضــــــرٍ وبـــدوانا
الـــبل حلال البــدو والله محلـــيها ***** الله رفـــع قـــدرهــا حـــلوات الألبـــــانا
نتـــعب عليـــها ونهــتم بمــجانيها ***** هــذي هـــــي اذوادنــا هــذي عطـــايانا
المــجهم اللي رفــيعاتٍ منــابـــيها ***** مـــن بـــعد كــنك تشوف سفوح ضلعـانا
الجــبر والطــول دايم فـي عواليها ***** اطــــوال الارقـــاب منتوقــات الأمتــانا
ولا الــمغاتــير فـــارقة مـــواريها ***** الزيــــــن كـــلـــه علـــى بنــات طفحانا
مــفهوقة عن ســناد الراس اذانيها ***** هي الطــرب و الــطرب ببــكارٍ زيــانا
يــوم المزاين تطول راس راعيها ***** كنــه عطـــي وزنــها لولو ومــــرجـانا
مــتيهه والنــفود ادنـى مفالـــــيها ***** يا للـي تعرفون عــــرق سبـــيع مربانا
فيه النصي والخزاما في مزاريها ***** دارٍٍ عــــــذيـه مــــواردنـا ومـــــضمانا
الــبل هي المـال كله والفـخر فيها ***** تتعـــــب على شـــأنها خــيـلٍ وفرسـانا
اســلافنا اللي تـــشرفنا عــزاويها ***** ياما اهــدوا ارواحهم بوجيه الاكـــــوانا
واليــوم لو غلـيت الأثمان نشريها ***** ونمــاري النـاس في غــــالـية الأثــمانا
يعــيش رجــال يدعمــها ويــغليها ***** مـن طاب فيها ترى ماهو بخــــــسرانا
مايخـسر الـلي على بيـته يضويها ***** دايــم واهلــها كريمــــــين وشجـــــعانا
فالــبر دايــم ضعــون البـدو تتليها ***** شرق وشمال وجنوب نسوق الأضعانا
ياما توطــت على البيداء سماريها ***** وإنـــا نبــــاري لـــــها بسنـــان وعـنانا
صــوت المــودة ليا صوت يناديها ***** ضفـــت علـــى ساقــته لو طال ممشانا
ياحادي العيص ســـمعنا حــداويها ***** جـــر الهجــــيني وهـــيض كــل هجانا
الـــبل غــناة الفقـــراء في ملافـيها ***** كم عـاش مـــن درهـــا قاصـــر ويتمانا
كـم عاشت كرام الأنفس في مهاليها ***** جـــميلها شــــامل ضــــيفٍ وجيـــــرانا
الــــبل عـطايا مـن الرحمن معطيها ***** والشــــكر لله يــــوم ان الله اعــــــــطانا
مـــعنا نـــجت يــوم اراد الله ينجيها ***** مــع نـــوح فـــوق الـسفينة فوق طوفانا
نــاقة خـذت قوم صالح في مساقيها ***** يـــوم عــــقروها بتــــكذيب وبــــــهتانا
خــــذتهم الصـــيحة زالــت بواقيها ***** وبـــيوتهم بــــاقية لشــــهود الأعـــــيانا
وامة محمد ترى البل من نواصيها ***** اللي عليهــــا رســــــــول الله وصـــــانا
عــــليه اجـــمل صلـــواتٍ نصليها ***** غيــــــاب ولا حــــــضور في مصــلانا
مامــورة البل على امر الله يمشيها ***** هــــي راحــــلة خـــير خـــلق الله انــسانا
قــوة جيوش الفتوحات بمـــغازيها ***** هــــــي جيــــشنا الاول وهــــيه مـطايانا
حــنا مع الدولة الاولى ومرســيها ***** والــــثانية وان نسيـــــــنا الله ينــــــــسانا
والــــثالثة مـــملكة مرحـوم بانيها ***** وانــــا تحــــت رايـــــة التوحيد واخوانا
غير متصل
