منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
السلام عليكم ورحمة الله وبركاته
هذي اخر قصيده كتبتها بعنوان (( الجن وانا ضامي )) اتمنى تنال اعجابكم
زادة همومي وانا من زوّد اشجانه = عصريةٍ تحرق فؤادي وانا ضامي
شبيتها واحترق قلبي على شانه = حرك بيوت القوافي والفكر حامي
والنجمه الي تراقص فوق شيطانه = شافة عيوني وعيني هزة ابهامي
في هيكلٍ يجهله كل الملا عانه = وش حيلتي يوم رجت داخل عظامي
يوم انقطع صوتي المبحوح في خانه = في وسط زحمة خلاهم من وراء حزامي
قامت تلاعب شياطيني على الحانه = ساعة تسلط عليه وايقن اعدامي
تملك عيونٍ تبارق من وراء غانه = في غبة بحور بقعاء سلط هيامي
ورتني خاتم سليمان وخذة جانه = ثم قالت البس لبوسه وخذ هندامي
تنظر عيوني طيوفه بأرض وديانه = سبعة قزح وسط عينه ترمي سهامي
في عالي سطح الجبل من دون غيلانه = واحظر عليه ثلاثٍ منهم اللزامي
دقت طبول الثلاثه والغناء دانه = جتني تراقص بدون يدين وقدامي
تحمل شفاها بكاس الخمر سكرانه = تِسكر عيون المصحصح دونها دامي
سميت بالله سبحانه و سبحانه = وخذت ثوبي ومفتاحي وملزامي
قفلت بابي عليهم واحكم إيزانه = من فجعتي صابني خوف بالاجرامي
سألت صحبت رفيقٍ داخل اوطانه = قال الهوى والهوى ياخوك ميلامي
سرّيت فكري على روحي و وجدانه = ذكرته الي تلاعب داخل اقسامي
يومه رحل وارتحل والعين شفقانه = جرة جروحي جروحه و ا قسا ايامي
ابكي وردد حروف الياس منهانه = واذكر دموعي سبايب حبه الطامي
واذكر جروحٍ تخانق دون بيبانه = واذكر عيونٍ تهامل فوق مخطامي
عليك يللي تجازي النفس ولهانه = غابت عيونك علينا وغابت احلامي
اذكرك واذكر سوالفنا مع الجانه = واقول ياعله يفارق وانا ضامي
اخوكم الشاعر // عبدالله المداريه السبيعي
التعديل الأخير تم بواسطة خوي الذيب1 ; 06 - 05 - 2007 الساعة 00:24
غير متصل
