بسم الله الرحمن الرحيم
قصيده للشاعر سعد بن سعيد بن نوار الملحي في عتيبه بمناسبه زيارتهم لشيخ قبيله الملوح
الشيخ/فهيد بن مناحي بن وهطان
يامرحبا في محل الطيب ياعتيبه=قبايلٍ كل خلق الله تقدرها
يامرحبا ياسنام المجد والهيبه=اللي على نجد يكفيها تومرها
قبيلةٍ مجدها التاريخ يحكيبه=الطيب فأول عتيبه مثل حاضرها
من فعلهم كم زعيمٍ راح توميبه=هجنن ماخلت وراها الا جرايرها
جو من سنام الحجاز ومن مراقيبه=يبغون دارٍ سحاب الغيث عامرها
يتلون تركي ودرب الموت ناويبه=حول على لابةٍ صعب مكابرها
قدامه الشر والموت ومشاهيبه=الحاكم اللي جيوشه من يناحرها
قال انزلو والكلام شوي ونجيبه=وفي رجعته يخفي الغيضه ويظهرها
وفي رجعت الشيخ يامقرب محاضيبه=ثم اجتمع بالكباريه وشاورها
الاقدام موتٍ حمر والرجعه مصيبه=وغارو وغارتهم كثرت عثايرها
فعلن موثق ماهوب هروجن تركيبه=هذي علوم الحقايق من مصادرها
قاله كديميس في معنى هناديبه=قصيدته يوم سواها وعبرها
واليوم يامرحبا مليون ياعتيبه=بأسم الملوح ابتدي فيها واكررها
يامرحبا عند اميرٍ شايعٍ طيبه=اللي يروس الصعايب ويتصدرها
ابن وهطان اتفاخر يوم اماريبه=من جود يمناه مايحسب خسايرها
زيزوم قومٍ تطول العاسر وتجيبه=روسٍ اليا كبرت القاله تصغرها
اولاد مالح هل الفعل وهل الهيبه=قومٍ ماتسهج حلال اللي يجاورها
اليا غزت مجدها بالفعل تحريبه=كم طرش قومِ جلعناها من اخرها
حنا هل البل وهل فعل نثاريبه=تفرح بناء اللي صياح القوم ذاعرها
من دونها الروح لاهجت نفاديبه=فريسنا دونها تقدح نواضرها
ناخذ على القوم تشريقه وتغريبه=على مهار يشق الارض حافرها
وحنا هل الدار لامنه عواء ذيبه=من دونه القوم يبيسٍ حناجرها
وجيرانا مايجيه الخوف والريبه =عنها اليماني اليا طالت نقصرها
واليوم يامرحبا مليون ياعتيبه= يقولها فهيد وربوعه تكررها
غير متصل
