محاوره يابوعمر

[فـــالح السبيعي]

هلا بعقيد القوم

أنت وراك مسكب[يعني إسكيب بالإنجليزي]

حضورك ممتع لكن الرجال زعلان عليك:D

[خالد الشماسي]

المشاركة الأصلية كتبت بواسطة أبــو بنـــدر

بكره نجيب إسمك أنته في الجريده مثال=وأنقول هذا معارضها ولاجابها
الفكره اللي تشجعها الخفاف الثقال=ويقولها العالم اللي فاتحٍ بابها

أنا احسب أنك معي في الحرب في كل حال = واثرك مع اهل الجرايد ..غرك اكتابها
دامك تمدنت مع مافيش وابو نضال = فسبيع ما سلمت للسافل اشنابها

[فـــالح السبيعي]

المشاركة الأصلية كتبت بواسطة أبو عمر

أنا احسب أنك معي في الحرب في كل حال = واثرك مع اهل الجرايد ..غرك اكتابها
دامك تمدنت مع مافيش وابو نضال = فسبيع ما سلمت للسافل اشنابها

ههههههه لا بله ماني بمعك

أنا معك لاحصل في العلم حربٍ تقال=وإن جت سهالات فالسهله لها أحبابها
يابوعمر لازم إنك تعلن الإعتزال=من قبل لا لجنة التغيير تلقابها

[خالد الشماسي]

المشاركة الأصلية كتبت بواسطة أبــو بنـــدر

ههههههه لا بله ماني بمعك

أنا معك لاحصل في العلم حربٍ تقال=وإن جت سهالات فالسهله لها أحبابها
يابوعمر لازم إنك تعلن الإعتزال=من قبل لا لجنة التغيير تلقابها

اجل تريح وضع فروتك فوق العقال = وسوق التوالي مع الغازين واركابها
اخطامها في يدي واشجع أهل الهلال = ولا نيب اشجع صليب الروم وانسابها

[خالد الشماسي]

المشاركة الأصلية كتبت بواسطة عقيد القوم

الله الله وش الابدااااااع

صح لسانك ابو عمر وصح لسانك ابو بندر

صح بدنك


خلك بصفي بعدين مخصوم عليك مشاركتين على شانك متأخر :)

[عيسى السبيعي]

الله الله ابو عمر وابو بندر
الوعد بعد بكره
ولا الدعوه تسخين
صح لسانك ابو عمر وصح لسانك ابو بندر
وانا في صف خويي الميل عليكم
تحياتي

[ماضي المديري]

انا بصفك يابو عمر عشانك مدير

بس ابو بندر وش الى يفكني منه اذاجيت في صفك يابو عمر

[ربح السبيعي]

صح لسانك يابوبندر


وصح لسان ابوعمر



محاوره قويه وفتل ونقض


متابع وماسك الصفين

[فـــالح السبيعي]

المشاركة الأصلية كتبت بواسطة أبو عمر

اجل تريح وضع فروتك فوق العقال = وسوق التوالي مع الغازين واركابها
اخطامها في يدي واشجع أهل الهلال = ولا نيب اشجع صليب الروم وانسابها

أنا جمل عارفٍ وشلون هدر الجمال=وبعض السوالف تجيكم مابلشنابها
تصبح على خير لا يخلفك معي إحتمال=ياشاعرٍ تعرف الدله وصبابها

[فـــالح السبيعي]

المشاركة الأصلية كتبت بواسطة عقيد القوم

انا بصفك يابو عمر عشانك مدير

بس ابو بندر وش الى يفكني منه اذاجيت في صفك يابو عمر

أفا والله ماتوقعتك كذا

خايف من المشاركتين خله يحذف<<<<<ياويلي ويلاه