قلوا لبن روق كانه حي لي ياتي

[مشعاب]

عيسى هلا فيك


عطرت الطاروق بمرورك ولا قصرت يا بعدي

[ابن الروقه]

المشاركة الأصلية كتبت بواسطة مشـعاب

سلام ربي عليكم مع تحياتي =
واخباركم بعدنا يا أهل المهماتي=
قلوا لبن روق كانه حي لي ياتي=
والمعرفة بيننا مهيب منسيه=
قريت المنتدى بعد الغياب وشفت زود هروج = وأنا محب كثر الهرج والتعصيد ما ليبه
نبا علم يشرفنا ولا نبغا العلوم العوج = ترى وقت القشر ولا ولو كنا نماريبه

....

يا مرحبا في محلك يا مسلم له=
واعطيـك الاخبار بالإجاز والجمله=
ازورك زيارة سليمان للنــــمله=
والمعرفه واسعه والنيه النيه=
قريته ما قريته شئ عادي يا عريف الفوج=تحزم بالوشاح ولا تمر الشك والريبه
تبا علمٍ يشرف لا توقف في طريق الموج= ولو سويتها من ينقذك من شاعرعتيبه؟

[فتى العزه]

الله الله

الليل الليل

ياسبيع

صح لسانك

اخو عجرا

وشاعر الروقه

[بن مويهان]

هيه هيه
هنا هنا
وش العلم
واحد مسوي مايدري
ههههههههههههه
طاروق جميل
وشعار كبار
وسجلوني متابع
وان كان تسمحلي يابن عمي
انا من صف ابن روقه عشان مايزعل
ولكم خالص التحيه جميعً

[خالد الشماسي]

طاروق رائع جداا


مشعاب & ابن الروقه



صحة السنتكم ولا هنتوا

[مشعاب]

المشاركة الأصلية كتبت بواسطة ابن الروقه

....

يا مرحبا في محلك يا مسلم له=
واعطيـك الاخبار بالإجاز والجمله=
ازورك زيارة سليمان للنــــمله=
والمعرفه واسعه والنيه النيه=
قريته ما قريته شئ عادي يا عريف الفوج=تحزم بالوشاح ولا تمر الشك والريبه
تبا علمٍ يشرف لا توقف في طريق الموج= ولو سويتها من ينقذك من شاعرعتيبه؟

حنا نسلم ورده واجب لله=
ضيعت فرض الشريعة ويش هالمله=
يا مسيلمه قدرك اسفل وطية النعله=
والمعرفة واسعة والنيه النيه=
قريته ثم قريت اعلاجك المطلي بلون الروج = عسى ربي يعز اللي عطاك علاج من جيبه
تكمخ كل ما وايقت وانسريك تحت الدوج = كما السسته مع البطناج والموال أغنيبه

[ابن الروقه]

المشاركة الأصلية كتبت بواسطة مشـعاب

حنا نسلم ورده واجب لله=
ضيعت فرض الشريعة ويش هالمله=
يا مسيلمه قدرك اسفل وطية النعله=
والمعرفة واسعة والنيه النيه=
قريته ثم قريت اعلاجك المطلي بلون الروج = عسى ربي يعز اللي عطاك علاج من جيبه
تكمخ كل ما وايقت وانسريك تحت الدوج = كما السسته مع البطناج والموال أغنيبه

..

مادام هرجك كذا بنشغل الفيتو=
والعب على الشقر يا شاعر يبالفيتو=
والله وحتيش لا رحتو ولا الفيتو=
والنار ما تحرق إلإ رجل واطيها=
ياخو عجراء ترى وجهـك على وضح النقاء مسهوج=ومن لايحتمي باقي كلامه ينقطع صيبه
عليك الميل يا جندي خفارة في لواء مسهوج=ليا حطوك رامي للهدف صيب الهدف صيبه

[بن مويهان]

الله الفيتو على طول
ابن روقه احتزم وانا معك





مدام ابن روقه الليله تحداكم
يعزتي له وقولوله وفي الحاكم
ماعنده الا كلامن دون ماطاكم
والنار ماتحرق الا رجل ابن روقه



وان كانكم بتسمحون لي معكم فنا معكم وابي اشاره



هاه

[مشعاب]

المشاركة الأصلية كتبت بواسطة ابن الروقه

..

مادام هرجك كذا بنشغل الفيتو=
والعب على الشقر يا شاعر يبالفيتو=
والله وحتيش لا رحتو ولا الفيتو=
والنار ما تحرق إلإ رجل واطيها=
ياخو عجراء ترى وجهـك على وضح النقاء مسهوج=ومن لايحتمي باقي كلامه ينقطع صيبه
عليك الميل يا جندي خفارة في لواء مسهوج=ليا حطوك رامي للهدف صيب الهدف صيبه

الشيخ مشعاب له في المرجلة شاني=
ولا أنت ورعٍ تجيبك شربة الشاني=
فوق النجوم أعتلي والنبح لشاني=
يا ما جرى للعتيبي يوم مديته=

ليا جاء شاعر خسده ومع زود الردى مرجوج = وفي بيته ولا يعرف فلا في شحطته غيبه
توسع في الخلا يالببسي اللي من ضحى مرجوج= و يكرم منتدانا جعل مثلك يِطْوِل الغيبه

نسق مع المشرف محاوره مباشرة وعلى الرحب والسعة


واهلين بكل من مر على الطاروق ولا هانوا الصفوف

[فتى رمـاح]

[QUOTE=مشـعاب;99775]

الشيخ مشعاب له في المرجلة شاني=
ولا أنت ورعٍ تجيبك شربة الشاني=
فوق النجوم أعتلي والنبح لشاني=
يا ما جرى للعتيبي يوم مديته=

ليا جاء شاعر خسده ومع زود الردى مرجوج = وفي بيته ولا يعرف فلا في شحطته غيبه
توسع في الخلا يالببسي اللي من ضحى مرجوج= و يكرم منتدانا جعل مثلك يِطْوِل الغيبه

ياسلاااااااااااااام ياسلاااااااااااام


مشعاااااااااااب ياسنايدي شد محزمك وترانا ماسكين صفك للصبح