طـــــــــــاروق .....المنتدى مقطوع يا أهل الطيب من هرج الغزل

[مشعاب]

سلام من مشعاب لأهل الطيب والمعنى الجزل = اللي سوالفهم تنومسني ليا ذاكرتها
المنتدى مقطوع يا أهل العرف من هرج الغزل = يا من يساعدني على الشيبان لا ناظرتها

[عيسى السبيعي]

الله الله يامشعاب

طاروق منتاز

[المسالم]

يامرحبا ياللي تسلم فوق ديباج وزل=من صاحب ٍ يرقا المعالي كل ماجا وقتها
ذالليل بنطير غباره عقب ماجاه الكسل= لامن زهمت آجيك عجل والمخاطر دستها

[عيسى السبيعي]

ماشاءالله عليكم ياشعارنا

المسالم ومشعاب
مشعاب والمسالم

الصفوف يالعيال

[01]تحياتي
الواسطه[/01]

[مشعاب]

لا هنت يالمسالم

صاحبك مرضان ويدور له على شربة عسل = والهرجه اللي ناعمة ياذيب ما واجهتها
الحارس اللي سكر البيابان عن ورد الهمل = عطه استراحه واصرفه والأوله جتك اختها

[المسالم]

الله يشافي كل مرضانٍ بعد طول العطل=اعدكل الصدق واما غير ماعديتها
ولا الزمان اللي مقاسينه منول والجهل= ماقلت لي جتك الرساله عقب ماوديتها

[مشعاب]

يا مل قلب يالمسالم عذبه طرد الأمل = وحياتي اللي غاليه عقب الحبيب عفتها
إمنول نسرح سوى وانشوف مرسوم الكحل = ومن يوم جاء الجوال والرعيان ما قد شفتها

[المسالم]

اصبرتراالمؤمن ليامن سارفي دربه وصل=صل استخاره واطلب المعبود لا صليتها
انكان تبغاها بجاهيه فأنا حاضر وقل=لو من ورى اسهيل اليماني قلت مابعدتها

[مشعاب]

يا وين بصبر والملايل فوق كبدي يا رجل = يطير قلبي كل ما جاء في المجالس صيتها
مزيونة فيها شموخ مثل تشميخ الجبل = لو كان بنظم ملحمه بالمدح ما وفيتها

[المسالم]

الصبر زين وكل ماتصبر يجنبك الوجل=ولا احتزم هم دلنا وانا نوازي بيتها
الزين في كل الملا قليل وين المستدل=تلقى البديله مستواها فوق لو خليتها