يا راكب (ن) من عندنا فوق ثنتيـن = والكل منهن تستوي للشدادي
كُتب : [ 14 - 12 - 2009 ]
بسم الله الرحمن الرحيم
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فإن هذه قصيدة قديمة للشاعر الشيخ / شذي بن مسدر آل مسدر المجمعي السبيعي يمدح فيها قبيلته ويذكر فيها شيوخ قبيلة سبيع الغلباء أهل رنية والخرمة والأشراف والقصيدة طويلة ولا يحضرني منها إلا القليل وإن شاء الله لها تكملة والقصيدة قيلت تقريباً عام 1350هـ وقد أعجبتني جداً فأحببت أن أنقلها لكم وأتمنى أن تحوز على رضاكم فإليكموها :-
يا راكب (ن) من عندنا فوق ثنتيــــــــن=والكل منهن تستــــــوي للشـــــــــدادي
ومنشرين فوقهن بالتزاييـــــــــن=تزها الموارك والكلايـــــف جـــــدادي
مع الخنق سلم على الربع الأدنين= اّلاد المجمع كلهـــــــــم بالعــــــــدادي
هم خص أبو فيحان عيد المرامين=سعد الرفيق وسقم عين المعـــــــادي
هو شيخنا لا من غدا العلم علميـن=هم ضاعت الأبصار والهــــــرج زادي
فتال نقاض الحيل بالتحايـــــــــيل=لا نطحوا عوج الطلايب سنـــــــــــادي
عشير من تزها مع المتن ردفيـن=لعل ما تلبس عليه الحـــــــــــــــدادي
ضوه تقود اللي على الهجن سارين=ونجره توالي الليل صوته ينــــادي
وسلم على أبو ماضي نصرة الدين=مع الإخوان وراكب (ن) له جـــــــــوادي
لا ركب فوق شمرة (ن) تكسر الذيــــل=خلاف التوالي كنها بالقيـــــــــــادي
وإليا احتزم من فوقهن بالدساميـــــن=كنه سهيل في النجوم البـــــــــوادي
يمنع توالي الخيل لا لحقها خيــــــل=ويصوطهم صوط الفحل في الهدادي
وسلم على الحلاف راع النبا الزين=لم المراجل كلها والجهــــــــــــــادي
خطار بيته مثل ورد (ن) محنيـــــــــن=مر (ن) شخم ضان ومر (ن) بـــــــــــــزادي
لا غورت الأسعار والبدو مسنيـــــن=فرزوا له البيضاء بروس المبــــادي
واّلاد المجمع كل أبوهم سلاطيـــــــن=وشريف من رسا قصور البــلادي
واّلاد المجمع كل أبوهم هل الديــــــن=وعيال عم (ن) كل أبوهم عـــــــــــوادي
حوفوا عليهن يالنشاما من الزيــن=ينصن فيحان زبون العيــــــــــادي
يالعبدلي مانا بعنكم بساهيــــــــــن=القلب صوبك والنظر والفـــــــوادي
إنك لمير وعادتك من الأوائيــــــل=ثم انشد العراف في كـــــــــل وادي
وإنا لكم عن الهبايب مذريــــــــــن=لا غبت الهبا شعوف المبـــــــــــادي
وخل الركايب يقطعن الدهاكيــــــن=ينصن الأمير اللي وراء الشعب غادي
أبو سعد لا نشبت الخيل بالخيـــــل=هم رفعوا لقطي حرد الأيــــــــــــادي
حر (ن) شهر يجي لضربه مزاغيــــل=مخالبه تبتر عراوي الفـــــــــــوادي
وأشرافنا في الهوش مثل السلاطين=يروون عطشان الغلب في الطرادي
تلبسوا فوق المهار المشاويــــــل=وأيمانهم ترخي السيوف الحـــــدادي
وصلوا على ذكر النبي يا أهل الدين=عسى لكم عند الإله منـــــــــــــادي
أحد (ن) على فرش وحرير (ن) من الزين=وفوح من الجنه وريحٍ زبــــــــادي
وأحد (ن) على نار (ن) شبوبه ضلاعيـــن=ويالله دخيلك من شبوب الوقــــادي
هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .
غير متصل
يا راكب (ن) من عندنا فوق ثنتيـن = والكل منهن تستوي للشدادي
