ياهاجسي سير على أهل الخرمة

[إبن شريد]

هذه قصيدة قالها الأستاذ الشاعر / محمد بن خنيفس الخالدي الهذلي
في أهل الخرمة وفي قبيلة سبيع بصفة عامة وفي مدير مدرسته السابق بصفة خاصة والقصيدة مناسبتها أن مدير مدرسته طلب النقل من المدرسة الى مدرسة أخرى داخل محافظة الخرمة ومع بداية العام الدراسي كتب الشاعر هذه القصيدة :

يالله ياللي تعلم اللي فيه
تدمح لي الزله وتغفر ليه
ذنبي تصاعد وأنت عفوك نازل
تنعم وتكرم واشكرك بالسيه
امارة بالسوء نفس ابن آدم
هذي سوات العاده النفسيه
كلي ذنوب ومالي غير أشكيلك
جاك المريض اللي يبا كشفيه
انت الطبيب الل علاجه شافي
يشفي قلوب بالحزن مبليه
وجهت لك وجهي وكل أعضائي
تايب ونادم رافع ن كفيه
وادعي واصلي لك فآخر ليلي
واشكي لك هموم تصارع فيه
ماهي ريا هذي مشاعر هاجس
من بعدها للهاجس الحرية
ياهاجسي سير على أهل الخرمة
واترك رجال نارهم مطفيه
سلام ياديرة سبيع الغلبا
الديره اللي بالكرم مبنيه
يشوش رأسي لا ذكرت الطيب
واحذف له الغتره مع الطاقيه
لكن ليامني ذكرت الفرقا
مني كتبت اليوم لي مرثيه
حق علي اني اشيد بفعله
واكتب ولو في سيرته مطويه
مخلوق من طينة جبل فبن آدم
متميز باوصاف الإنسانيه
هو قدوتي في كل علم غانم
اليا حدتني شمس صار الفيه
رميت في بير اتزانه دلوي
واغرف منه ماينتهي موليه
واخذ من اخلاقه دروس واجد
واقطف من اثمار العقل كميه
واسامر الظلما واخايل نوره
حتى تفوح انسامه الفجريه
هذا مفيز اللي سوات الوابل
من وين ياقع تصبح ارضه حيه
واليوم يمطر في ديار بعيده
والعين تبكي ماتخايل ضيه
تبكيه كل ارض وطتها اقدامه
ويبكيه كل من يسكن الدغميه
ياصاح لا يحزنك فعل الحاسد
واهل الحقد والعله الصدريه
ياجعل تفداك انفس الكذابه
اللي فعايلهم سوات الحيه
تظهر لك النخوه وهرج حالي
وتبطن علوم فالصدر مخفيه
تخرجوا من مدرسه هدامه
والكذب ماله عندهم صيفيه
هذي هواجس أو مشاعر شاعر
والله يعلم ماوراها نيه
تعبان نفسيا واعيش الذكرى
وسويت لايام السعد محميه


اتمنى من شعراء القبيله ومن متذوقي الشعر إبداء الرأي في هذه القصيده ومن استطاع الرد عليها اكون شاكراً له

أخوكم / ابن شريد

[ابن جمل]

اخي الغالي ابن شريد انا علمة ان من يسكب هذا الضوه يدرك معالم التميز والصدق

هذا النص الشامخ يشعرك برهبة الشعور والذكريات والخوف والحزن
هاهو الالم والتقدير بصوره واحده حيه كلها ابداع تمطر لنا شعرااا رائع
هذا شعر الشعور والروح المنسكبه با الوفاء للوفي الصادق من هجوس(ن) صادقه
بيض الله وجة هذا الشاعر العملاق وبيض الله وجهك على هذا النقل المميز
اخي قد اعود بما استطيعه متواضع امام هذي الشامخه
تقبل تحياتي

[إبن شريد]

المشاركة الأصلية كتبت بواسطة ابن جمل

اخي الغالي ابن شريد انا علمة ان من يسكب هذا الضوه يدرك معالم التميز والصدق

هذا النص الشامخ يشعرك برهبة الشعور والذكريات والخوف والحزن
هاهو الالم والتقدير بصوره واحده حيه كلها ابداع تمطر لنا شعرااا رائع
هذا شعر الشعور والروح المنسكبه با الوفاء للوفي الصادق من هجوس(ن) صادقه
بيض الله وجة هذا الشاعر العملاق وبيض الله وجهك على هذا النقل المميز
اخي قد اعود بما استطيعه متواضع امام هذي الشامخه
تقبل تحياتي

اشكر لك قلمك الراقي

وشرفني مرورك الكريم أخي ابن جمل

[مشعل بن ضرمان]

صح لسان الشاعر و انت يابن شريد تستاهل الطيب وان شا الله يجيك الرد على القصيده ويبيض وجهك عند خويك ويجملنا وياك عند الرجال

[مشعل بن ضرمان]

يامرحبا موزونة(ن) مقفيه
باللي نضم قيفان شعره فيه
يامرحبا بالقاف واللي صاغه
ابن خنيفس يوم جا طاريه
ترحيبة مبدا نباها مني
نيابة (ن)عن محتمين الهيه
ترحيبة(ن) تنصا الاصيل النادر
ترحيبة مربوعة (ن) مثنيه
بالصاحب الوافي عريب المجنا
الصاحب اللي دوم ناره حيه
ابن الرجال مزبنبن الجاني
اهل الوفا والوجه والجاهيه
اهذيل اهل الشعر واهل المعنى
ابيوتهم في عزهم مبنيه
والنعم بالهذلان قوم ولابه
تاريخهم يشهد لهم ماضيه
والمدح من راع المدايح يفرق
وانا اعتبر مدحك وسام ليه
وان كان يا محمد تبي ترثيني
كم واحد(ن) قدمك فقد غاليه
والوقت يجمع ناس ويفرقهم
وانفوسهم مامورة(ن) منهيه
الطيَب اللي سيرته محموده
لو غاب عنك يشع منها ضيه
مخلد(ن) ذكره بطيب فعوله
لو طالت المده ماهي منسيه
اقبل بيوت الشعر من ناظمها
من باقة الاشعار لك مهديه
واختامها مني لمن يسمعني
ازكى سلام مقتفيه اتحيه

الاخ مفيز بن شريد هذه ابيات متواضعه من الشاعر / سلطان بن عبدالله بن ضرمان
يرجو ان تنال الاعجاب وتفي بالغرض
ولك خالص تحياتي

[إبن شريد]

المشاركة الأصلية كتبت بواسطة مشعل بن ضرمان

يامرحبا موزونة(ن) مقفيه
باللي نضم قيفان شعره فيه
يامرحبا بالقاف واللي صاغه
ابن خنيفس يوم جا طاريه
ترحيبة مبدا نباها مني
نيابة (ن)عن محتمين الهيه
ترحيبة(ن) تنصا الاصيل النادر
ترحيبة مربوعة (ن) مثنيه
بالصاحب الوافي عريب المجنا
الصاحب اللي دوم ناره حيه
ابن الرجال مزبنبن الجاني
اهل الوفا والوجه والجاهيه
اهذيل اهل الشعر واهل المعنى
ابيوتهم في عزهم مبنيه
والنعم بالهذلان قوم ولابه
تاريخهم يشهد لهم ماضيه
والمدح من راع المدايح يفرق
وانا اعتبر مدحك وسام ليه
وان كان يا محمد تبي ترثيني
كم واحد(ن) قدمك فقد غاليه
والوقت يجمع ناس ويفرقهم
وانفوسهم مامورة(ن) منهيه
الطيَب اللي سيرته محموده
لو غاب عنك يشع منها ضيه
مخلد(ن) ذكره بطيب فعوله
لو طالت المده ماهي منسيه
اقبل بيوت الشعر من ناظمها
من باقة الاشعار لك مهديه
واختامها مني لمن يسمعني
ازكى سلام مقتفيه اتحيه

الاخ مفيز بن شريد هذه ابيات متواضعه من الشاعر / سلطان بن عبدالله بن ضرمان
يرجو ان تنال الاعجاب وتفي بالغرض
ولك خالص تحياتي

بيض الله وجهك وصح لسانك ابوعبدالله على الأبيات الرائعة

[ابو رنيم]

[/]بيض الله وجهك يبن شريد