السلام عليكم ورحمة الله وبركاته
كما هو معروف عند الكثير من الناس هذا البيت الذي الاغلبيه يرددونه
ولكن دون معرفة باقي القصيده او بالاصح المحاوره التي
دارت بين الضيف والمعزب .
و هنا سأذكر لكم المحاوره اللي دارت بين المعزب والضيف .
المعزب هو الشاعر / ناصر العبدالكريم والضيف هو الشاعر / حنيف
يبدأ الشاعر ناصر العبدالكريم بقوله
خمسة عشر فنجال لحنيف صبيت = لو ان بطنه قربة قد ملاها
يرد عليه الشاعر حنيف (الضيف)
لاتحسب اني من دلالك تقهويت = ماينقه الشراب من كثر ماها
ويرد الشاعر ناصر العبدالكريم
ياحنيف انا في حمستي ما تدنيت = الدله الصفرى نكثر مناها
ويرد الشاعر حنيف
وراك ما سويتها يوم سويت = مثل العميم اللي يزين سواها
ناصر ليا مني على البيت سجيت = يرخص حلاله ماحسب مشتراها
وابن عقيل اللي يهلي ليا جيت = مشرع البيبان للي نصاها
ويرد الشاعر ناصر العبدالكريم
سبيتها يوم انت للضلع لزيت = ضيافتك يا حنيف هذا جزاها
ودلال ربعك يوم بالزين ماريت = هم ربعنا قبلم طوال طوال خطاها
ويــرد الشـاعـر حـنـيـف
مانيتي ذمت هل الجود والصيـت = الملعبـة حنـا نـقـوم سنـاهـا
ياموصي الحرمه على صكت البيت = تقول ماهـو فيـه وانتـه وراهـا
علم الردى يظهر ولو به تهقويـت = علم وكـاد ويشهـدون اقصراهـا
ياخيبة امك يـوم قالـت تمنيـت = ياخيبت امـك ياقطيعـة رجاهـا
محاوره جميلة :)
غير متصل
