يسعدني في منتداكم الشامخ أن اضع مشاركتي الاولى بقصيدة للشاعر الكبير /سحمي بن مناحي
الذي بحثت عنه في النت ولم أجد له قصائد
فأوعدكم بأني سوف اقوم بتنزيل أغلب قصائد الشاعر في منتداكم
انا لست من قبيلة سبيع ولكن يعلم الله إن اكن لهذه القبيلة كل الود والاحترام
وللملوح والشاعر سحمي خاصه وقد حضرت له امسيه فالرياض وأعجبتني قصائده
يقول من لابدع قافه وغنابه=يتعب لجزل المثايل لين يتعبها
من هاجسٍ في ضميره فاتح بابه=يثر على النفس ويقرب حضايبها
يالله عسى من سعى بالشر يبلابه=بلواً تكدر على نفسه مشاربها
ياقلب لاصارت القالات غصابه=اصبر عليها ليا منك بليت إبها
وإن جنب الشر عنك إفرح بمجنابه=حرصك على عز نفسك مايعذربها
صدتك عن موقفٍ ماأنته بتعنابه=أخير من وقفةٍ في غير موجبها
اليوم ترى أكثر الهقوات كذابه=نحطها في محطٍ مايناسبها
اليا سمعت الخبر قدام تشقابه=ميز عقول العباد اللي تخاطبها
وإن مااعترفت بخطاك وطاح بحسابه=ولا تصديت للغلطة وصاحبها
وإن استوالك تشد السيف بنصابه=ولا إترك الناس مخطيها وصايبها
وش عاد لو أكثر العربان لعابه=ماهوب شرطٍ عليك إنك تلاعبها
لقيت ناسٍ تقول تعيش في غابه=وأزريت ياقلب لاأميز مذاهبها
فيها رموز الردى والطيب متشابه=متساويٍ عقل جاهلها وشايبها
وهذا بشور الزمان اللي يوخابه=ومن ذل من علةٍ مامات غير إبها
غير متصل
