منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يسرني ويسعدني الانضمام إلى هذا الصرح الشامخ منتديات سبيع الغلباء ويشرفني ان اضع بينكم هذا المشاركة
"الشاعر/ عـلــي اليتيـــم السلـــولي"
يا بومحمد صار في الوقت تحريف=فعل الجمايل ماله اليـوم مخلـوف
إسم الوفا يذكر ولكن مـا شيـف=قدّم وفا تجـزا بنكـران معـروف
وين الرفيق اللي بعسر المواقيـف=يقوم عن قومة طوابير وصفـوف
إليا تجمّـل مـا يعـد المعاريـف=وإليا زهمته جا كما السيل مجروف
ماهو بيحسب في الجميله تكاليـف=ولاهو بيلحقها تمنّـان واحسـوف
باسعى ورى رفقة جزيل التصاريف=وباصد عن رفقة ضعيفٍ وملقوف
فان كان مابه كون عرف الملاقيف=فانا على الدنيا معـرّب ومعـروف
أما لقيت اللي على الشف والكيف=وإلا على الرديان مانـي بمكلـوف
"الشاعر / عبدالرحمن بن بديع الشهراني"
يامرحبـا عـد المـزون المراديـف=براقها في ظلمـة الليـل مشيـوف
رحمة رضى ماهي بعذاب وعواصيف=غدق مطرها مابها زيـف وشعـوف
ياشاعرٍ عديـت روس المشاريـف=وبنيت لك قافٍ مروض ومعسـوف
لوانه جايك من زمانـك عجاريـف=يابومحمد نكسـر لشفـك اشفـوف
لكن تشكي من ضعـاف التصانيـف=اللـي رداهـا للمناعيـر مكشـوف
تـرا البشـر ماتتفـق بالتصاريـف=وان كان دققت النظر ويش بتشوف
جنب معرفة كل ملقـوف وضعيـف=حتى ولو تدفـع لفرقـاه مصـروف
والحكمه اللي قلتها امضى من السيف=تسوى لها عشرات وميات وولـوف
اما لقيت اللي على الشف والكيـف=والا على الرديان مانيـب مكلـووف
أرحب أرحب يا علي اليتيم السلولي مرحبابك
في شبكة سبيع الغلباء نتشرف بأنضماااامك
شاعر مبدع وأبن شاعر كبير ومعروف على
الساحة الشعبية .. صح لسانك وصح لسان
الشاعر المبدع عبد الرحمن بن بدع الشهراني
وننتظر جديدك ويا مرحبا والله ومسهلا
عزوة بني يـاد موطيـن الاشـرار=لاجالهـا عنـد الطريـح اجتوالـه
ساطين لاركبوا على قـب الامهـار=وعقـال لاجـا حلهـا بالحيـالـه
وان عمست الاريا وصعبن الاشوار=فيهم علـى الـراي المقـدم دلالـه
هلا مرحبا للضيف في وقت الاعسار=ماهوب في وقت الرخاء والسهالـه
ومجالسٍ يلقـى بهـا بـن وبهـار=يدله بها من ضاق من الهـم بالـه
غير متصل
