السلام عليكم ورحمة الله وبركاته
هذه القصيدة تشرح زيارتي لمنطقة الصمان وزيارتي لشيخ هويدي بن حرقان بن شويه مع سعادة الدكتور طالع بن سويلم المطيري
ومقابلتنا لي سمو الامير بدربن فهد بن سعود الكبير في ضيافة الشيخ هويدي بن شويه
تشوقت لطرقة بعد قالوا الصمــــــــــان= وانا ماعرفها غير سامع بطاريــــــها
يقولون فيها العشب في العرق ولجيان = مناظر تسر الي بعينه يراعـــــيــــــها
توكلت بالله قلت معكم ومهما كـــــــــان = انا خوة اهل العرف والطيب شاريهـــا
ومشينا علي الي مصدره وارد اليبـــان =جديد المديل وكل ديره وطــــاء فيــــها
خوي المسافر في مسفلت وفي بـــران = طوال الصحاري في سويعات يطويـــها
وانا خوتي مع شيخ من لابة المطران = فعوله مع اهل الطيب تتعب ماتحصيها
مع ابو سويلم راعي المعرفه شيهـان = عريب الجدود الي تـــتشرف مـــجانيها
ذرا المجد كساب المديح مع العربــان = فعولة تنومس لابته يــــــوم تطريــــها
خويته وشفت الي به استرت الاعيان =ديارن عسي عين الحسد ما تجي فيها
وبعد ماقضينا ليل في واحة الصـــمان = نصينا ديار يا عسي الغــــيث يســقيها
نصينا ديارسبيع ناصـــين ابن حرقــان = طويل اليمين الي علا الــــعز ثانيــــها
من الابه الي ذكرها يرجح المــــيزان = سبيع الرجال الي بعيده هقـــــــــاويها
علي الجيش ركابه وللخيل هم فرسان = وربعن تمد الطيب تشهر بساميــــــها
وجان زبون المرجلة قائد الظـــــفران =بدر بن فهد سيف العداله وراعيــــها
سمؤ الامير معرب الخال والجـــــدان =يمد الجزيلة مايحسب تواليــــــــــها
عسي الله يدومك بالوفاء عشت ياكحيلان= يمينك علي فعل المراجل مضريها
ولاهي غريبه منك وانته ذخر شــقران =ليا كبرت القالات شقران قاضيها
وياحكامنا الاسعود عشتو طوال ايمان = عسي الله يثبت للجزيره قواديــــهـا
ويارب طول عمر عبدالله وسلــــــطان = وكل السعوديه ياخلاق تحميهـا
وانا كل ما ذكر طرقتي يمت الصــمان = تزيل الهموم الي بصدري مخفيها
وانا ولد حرب الي لهم بالوفاء عنـوان = رجال علي الطالات طالت يمانيها
هل الاوله من سابق الوقت والازمان = ليا جاء نهار الحرب تعجب عزاويها
ونعمين في كل القبائل بلا نقصـــــــان = هل الطيب بالطيب الرياجيل تجزيها
وصلى الله وسلم علي هادي العربـــان = محمد رسول الله علي الحق هاديه
وتقبلوا تحيات الشاعر ( فارس بن معيوض الحربي )
ارجو ان تصل القصيدة الي الشيخ هويدي بن شويه
اليا صفاء لك زمانك عل ياضامي = اشرب قبل لا يحوس الطين صافيها
أخي الكريم الشاعر / فارس بن معيوض الحربي السلام عليكم ورحمة الله وبركاته وبعد : شكرا جزيلا لك على هذه القصيدة الجميلة والمعبرة والشيخ / هويدي بن حرقان بن شويه يستاهل وصح لسانك وسلم نبضك وبنانك وإعتلا شانك وإن شاء الله فإن إخواننا أبناء قبيلة العرينات سيوصلون القصيدة حسب طلبك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .
غير متصل
