السلام عليكم ورحمة الله وبركاته ...
مساكم الله جميعاً بالخير، أحببت أن أشارككم بهذه المشاركة، مساجله شعريه بين فهد بن سعد بن سلطان بن منير الحضبي
وسلطان بن مقعد بن منير الحضبي
(يقول فهد)
أهل الوفا قد قالوا الحي يحييك=واللاش ماينفع يزيدك بغبناه
رفيقك الي يعتزي من عزاويك=غالي حياته شاله بكف يمناه
بعض البشر عن صحبة الناس يغنيك=وأليا نصيته دايم الدوم تلقاه
هذاك سلطان السلاطين يشفيك=ويرويك من عدن على الطيب مبناه
سلطان ابن مقعد عسى الشر يخطيك=وتشوف في دنياك خيرن ومرضاه
ايوالله أنه جاني اليوم طاريك=ووقفت له من هيبتك وأتملاه
لوغبت غالي والأعادي فداويك=والطاري اللي زارني زان ملفاه
ياسعد منهو فالشدايد يخاويك=والا الرخا كلن يكبر حكاياه
ياحر يانادر وصوفك تعليك=ياذيب في روس الشواهيق مرقاه
لاعاش شعرن مايوصف معاليك=ولاعاش قافن مايجيني من أقصاه
ختم الكلام أن ضيفي اليوم طاريك=وزان القصيد ونظم قافي ومعناه
(ورد ابوخالد يقول فيه)
مشكور يالطيب عسى الله يعافيك=يابن الرجال أهل المواجيب والجاه
على المعزه حاضرك مثل ماضيك=الطيب بأمر الله تعليت علياه
غالي وابن غالي وبالعمر نفديك=هذا كلامن ثبت ماهو مباهاه
كل المراجل بينه في مواريك=مثلك على الطيب أتجاهه وممشاه
والشعر وهبه ماحدن منه يعطيك=الا عليم الغيب سبحانه الله
لويعترض دربك عوامل شرابيك=وتلقى عراقيل ومهالك ومضماه
ولاتنثني قدام تحقيق أمانيك=بالعزم قاوم لايردك معاناه
سود الليالي لاتقيد هقاويك=راع العزايم ماتوانا ولاتاه
بعد العنا لابد تقفى لياليك=الصبر طب اللي زمانه تحداه
وأقبل تحياتي عسى الله يعافيك=يابن الرجال اللي للأجناب ملفاه
غير متصل
