السلام عليكم ورحمة الله وبركاته
القصيدة هذي منقولة من منتدى التاريخ و الأنساب ! و مكانها الطبيعي هنا و اتمنا انها تعجبكم
يقول محيسن الهزاني مرسل قصيدة لعبد رنيه حيث سمع عنه انه شاعر وقال احد الاشخاص يامحيسن انا لقيت واحد اشعر منك وكان محيسن من اشعر اهل وقته الم يكن هو الاول فقال لهذا الشخص انا سوف ارا صحت ماقلت ان كنت صادق اوكاذب فارسل هذه القصيده لعبد رنيه
يقول محيسن
ياشين ماعينت لي داعج العين= قلبي عليها بالهوى زاد طنيه
الى ضحك في مبسمه طقني بين= لجت محاحيل الحشا واقرشنيه
ساره وزعبيه ونصرة غدت وين= خواتم باصباع سارة زهنيه
سارة حلاهن مير نصرة حلا العين =وسط كما الخاتم على ضو ضحنيه
ان كان عندك وحدة عندنا الفين= حتى الرخيصه مانبيعه برنيه
فرد عليه عبد رنيه
ياركب من فوق سمح الذراعين= فوقه غلام لاندبته شفنيه
يطوي مسير العشر في ظرف يومين= واليوم الاخر بالحريق امرحنيه
يلفي الهزازنة القروم المسمين =من سمعني في مدحهم ماكذبنيه
ذباحة للحيل ريف المقلين =ماكولهم يركد على الكبد هنيه
مجلاسهم فيه الشرف والنبا الزين =فروخ الحرار سيوفهم ترهبنيه
واخص محسن شوق ضافي الجديلين= لولاه قال كليمة وازعلنيه
لومي عل اللي سامعه من زمانين= وراه ماقاضاه ولاعلمنيه
يامحسن لوانك تشوف اريش العين =عفت الحريق وجيتنا صوب رنيه
لوشفت سعديه وثنوى وثنتين =في روشنن ماحلى حمامه وبنيه
ذرعان سعديه سواة العراجين= ومشرمخات بالذهب يلبسنيه
ولاشفت سعديه يجي القرن باعين= شروى حبال شفتهن يفتلنيه
قال الذي يبدع من القاف تسعين= تسعين قاف حددوهنه على انيه
ماهمني دنيا ولاهمني دين =ولي عدو خايفه يذبحنيه
ان قلت لي قين فانا قين ابن قين= وان قلت انا شين فانا عبد رنيه
امي خلوج بالخلا تردف اثنين =واختي تهرول كنها المقفزنيه
والاانت شيخ من رجال عريبين= ارفع مقامك عن صرات الركنيه
ولقد سكت محيسن بعد هذه ولم يستطع الرد خوف من عبد رنيه وتهديده في اخر القصيدة كما انه اعترف انه اشعر منه
غير متصل
