التجارب علمتني بعض الاشيا والعلوم=علمتني مااحترق واثور في وجه الرفيق
وعلمتني مااتقفّا من تقفاني واشوم=عن سوالف من تكلم فالقفا واشعل حريق
وعلمتني مااتنازل للرخامه والرخوم=ولا اتطاول فوق ربعي لو انا كني طويق
وعلمتني لو يسلّم اصغر اخواني اقوم=احترم من يحترمني لو لي حقوق الشقيق
وعلمتني ماتنصّى غير قضاي اللزوم=واحدٍ لا جيت يمه مايصد ولايضيق
يطلق حجاجه ويفهم بالعوايد والسلوم=ينطبق عليه مفهوم الكفو ولاّ الطليق
الله يمسي شعارنا بالخير
وان كان صباح الله يصبحهم بمثله
حبيت آخذ رايكم وتعطوني ملاحاظاتكم على هالابيات تنفع اكملها ولا اهون عن القصيد
تحياتي