الاخ الفاضل ابوشعيفان والاخ الفاضل بن شماس
السلام عليكم ورحمة الله وبركاته
الاخ بن شماس جزاك الله خير على ماتفضلت به والفضل لله ثم للأ خ مسلط
فهد بن احمد من شعراء الرياض المشهورين ويتراد هو وياموتره يقول
الاياحسفا ياصفة الرسلان اللي غلى لوحين = واتلاها دلة سودا وعند بن حويل مرهونه
الى ان قال
وقف في شارع الفوطه فنيس وهج عنه القين = بغيت اهل المواتر له وعيو لا يدفونه
وانا ليزهبت لي خمس مية طارو بها يومين= فدوات وتتن له وانا فايدتي العونه
ورد عليه الموتر
ابي عده وابي جده وابي كهرب وابي لي عين= وليمنه حصل هذا فعد اشياك مضمونه
ومن القصايد اللي اوردتها سابقا ابتم هالقصيده لسعيد بن دومان يوم تعين في سلاح الحدود
لعنبوكـم هونـوا جاكـم عناكـم=جاكم الموت الحمر ماهـي زريّـه
هفوة ٍ زلّـت لكـم وإكلـوا (....)=بيعـوا الهافـات بأقيـام ٍ رديّــه
وإعلموا وإدروا ترانا فـي قفاكـم=ومن يقاوي له جبل مـا راح نيّـه
ياهـل الهافـات عابينـا عباكـم=الفـروت جـداد والعزبـه قويّـه
ياهـل الهافـات خيّبنـا رجـاكـم=نحمد اللي قدرتـه ماهـي خفيّـه
بيعوا الهافـات ردوا فـي سراكـم=خلّـوا السمـره وطّـوال الحنيّـه
الدهر ذعـذع لكـم ثمـن جفاكـم=وإفهموا وإدروا ترى في الجحر حيّه
خسرت الشركـة وخيّبنـا ثناكـم=وبعضكم بالقسط ما خلّـص وديّـه
ياهل الهافـات حنـا مـن وراكـم=والسعـد قدامنـا فـي كـل هيّـه
تحت حكم اللي عن المنكر نهاكـم=عن طريق الديـن تلقـون المنيّـه
عندنا اللي يمرجن باقـي شواكـم=خمسـه وستيـن ضـد الجندليّـه
والذي هيّض غرامي مـن خطاكـم=هرجة ٍ من واحد ٍ جتنـي خطيّـه
غير متصل
