رحلة سهم الى النمسا بالصور

[سهم]

طالب الغفران

هلا وغلا والله ياليتك والله معي في الجنة اللي في الارض كان يمكن تنقلب من البرد وتصير نار من الدفى قصدي من الحر لان شهر اوقست دايما حار ومثلك خابر العلوم كلها بس اهم شي انا خابر عينك حارة الله يكفينا شر من فيه شر .

مخاوي الاحزان

الشي اللي يفتح النفس تمشيك في موضوعي ياطويل العمر والله يسلمك ونشوفك في الافراح


خالد الشماسي

ابشر ولا يهمك بالتقارير اللي ترفع نسبة الكرسترول عندك الكرسترول مال السياحة طبعا اما تقارير عن السياحة في مدن سبيع ذكرتني النكتة اللي تقول محشش صلى بالناس الجمعة بعد العصر راحوا الناس لبيتة قالو لة : قلت غزوة بدر بالطيارات قلنا عادي قلت صلاح الدين فتح القدس بالكيماوي قلنا ماشي اما امية باع بلال بخمسة مليون لبرشلونه هذي قوية ..!!!!

الفارس

بصراحة يشرفني مرور معرفك الذي عطر الصفحة ( حافظها عندي عشان ازيد مشاركاتي بالردود )
وياليتك تختصر بعض المواضيع اللي رجليها طوال عشان يعني نصير حلوين وبدون مشاكل وانا والله العظيم الرحلة اللي ماهيب معك احط عليها صليب وما اصورها ولا احفظها لانها اصلا ماتسوى ( واحد يهايط عشان ماينفضح ) بس يسرني في اخر كلامي عنك ايها الصرح الشامخ اني اهديك جزء من بيت شعر يقول ((انت السبب في الغرابيل اول وتالي))


مشعاب

مشعاب وماذا عساي ان اقول عنك يامشعاب والا اقولك بختصرها لك وبقولها بالعامية (( يعني بحكينا لبى والله عروقك ))يالبى والله ذالدنسة ياخي على الرغم من عمايلك في انت واختك بس اني احبك وماعليك من كلام عجرى يوم تشتكي من الزحليقة تراه انبسطت وتقول كل يوم زحقلبي ياسهم وانا انسان ما اقول لا وكل يوم وانا ازحلق بس في الاخر تعبت جاني شد عضلي وقلبناها من الزحلقة الى الطمر واما صورة اللي رجلية طوال انا ماعندي مانع بس احافظ على شعور اعضاء وزوار المنتدى اخاف يهجون والموقع يلتغي من قوقل بس ولا يهمك ابشر بالتقارير الطيبة اللي تخليك تروح وانت مبسووووط وانتظرني في قادم الايام .

في الاخير هذا اهداء مع وافر التحية لشخص يدخل كل يوم عشان يقرى مواضيعي

ماعاد انا مشتاق والا انت مشتاق = انا رقدت البارحة وانت مامسيت

هذا انت دايم تقلب الصحبة خناق = ودايم تغلى والا انا ماتغليت

بتدق ؟ والا انا ترى ماني بداق = انا لو اني اللي مزعلك دقيت


.

[فـــالح السبيعي]

ياسلام ياسهم ياسلام

صور حلوه ورااائعه

خاصه صورة زحليقة عجراء ههههههههه

والله ياهي حفرت حفره مهيب بسيطه أخت مشيعيب

أهم شي نبيك تعلمنا الشعير عنده بكم

والرصيّص عندهم وإلا مقطوع

تحيه خاصه لك ولا تحرمنا من رحلاتك الرااائعه

دمتم,,,,

[سهم]

ابو بندر والله اللحم قصدي والله الشعير بس شعيرهم غير عن شعيرنا شعيرهم مطحون وغالي بس حقة فيه

اما من ناحية الرص يص والله منتشر بكثرة وفيه حلات غير طبيعية ماودك الا ابة بس لونه يختلف عنا عندهم كل شي اشقر حتى الشجر اشقر .

مشكوووووور ابو بندر وتحية خاصة لك بس الوردة الحمراء عيت تشتغل عندي والا بحطها لك .


سهم




.

[خيَّال الغلباء]

أخي الكريم / سهم السلام عليكم ورحمة الله وبركاته وبعد : شكرا جزيلا لك على هذه الصور الجميلة للنمساء وسيستدرجهم الله من حيث لا يعلمون ثم سيأخذهم أخذ عزيز مقتدر مع أطيب الأمنيات واسلم وسلم والسلام .